انا خلاص زهقت مش عارف اعمل ايه ياريت حد يساعدني

السلام عليكم ورحمه الله وبرتكاته علي احلي اعضاء
عندي مشكلتين في عربيتي سيات كوردوبا 2008 هيجننوني مش عارف اعمل ايه لدرجه اني فكرت ابيع العربيه من التشاؤم :crying2:
اولا العربيه بقالها حبه مبتسحبش خالص وده بيتمثل في ان الغيار بيتاخر جدا ولما تاخد الغيار مبيبقاش في عزم .. العربيه مبتجريش خالص حتي مش مبتفركش في الطلعه وابقي طالع مطلع زي المقطم كده العربيه مبتبقاش عاوزه تعدي ال 50 ابقي ماشي ع الدائري العربيه مش عاوزه تعدي ال 110 احترت بصراحه كل لما اروح لميكانيكي شاطر الناس كلها بتقول عليه يقولي حاجه اعملها ونفس المشكله هي هي غيرت قلب طرمبه البنزين علشان قالو الضغط ضعيف ومحصلش جديد و ناس تانيه تقولي لا الطرمبه مفهاش حاجه ده زيت فيتيس روحت مغير زبت فتيس ومحصلش جديد مع العلم اني معمل سيرفس في معاده فلتر البنزين والبيجوهات والكلام ده كلو بقالو بتاع 10000 كيلو بس بصراحه مش عارف اعمل ايه وكل حد اروحله يقولي نفس الحاجات اللي غيرتها كلها .

ثانيا العربيه ساعات بتبطل مني والكلام ده مش دايما يعني ممكن يوم متبطلش ويوم تاني تبطل مرتين ولا حاجه وببقي ماشي كويس جدا فجاه تبطل والطريق بيقف وانا بهدي الاقي الار بي ام عمال يطلع ونزل اكنه بيغرق ويقب تاني وتروح مبطله بس كده

بصراحه مش عارف اعمل ايه في المشكلتين دول ياريت حد يساعدني علشان انا دوخت واتشاءمت من العربيه حتي لما بحطها ع الجهاز الكشف مش بتدي اي مشكله كلو بيظهر شغاااااااااااال حتي لو بعتها بردو المشكله هتبقي مع اللي هياخد العربيه وهيدعي عليا بعد كده لاما مش هتتباع اصلا علشان لو جرب العربيه مش هيلاقي سحب خالص ياريت حد يفيدني بخبراتكم

عليكم السلام ورحمة الله وبركاته

فكرتني بممتاز ، انا بتشائم d:

التشاؤم ليس له علاقة بموضوع الاعطال وعموما هو ليس له وجود اصلا

مشكلتك زي مشكلة اغلبيه الناس وهي عدم وجود او ندرة الصنايعي الفاهم

اغلب الصنايعيه شغالين بمبدا التجربة والخطا وكله علي حساب الزبون وادينا بنتعمل علي قفا الزباين وبناخد فلوس كمان

اولا مشكلة السحب وتاخير النقل
الفتيس اوتوماتيك، حالتة ايه ؟ صيانته اخبارها ايه؟ امتي غيرت فلتر الزيت بتاعة؟
كمبيوتر العربية حد لعب فيه ؟

ثانيا مشكلة ان العربية بتبطل منك، بيبقي وضع الفتيس علي ايه ؟
غالبا دي مشكلة حساس ، الار بي ام بيعلي ويوطي

كمل باقي البيانات وان شاء الله انا او اي حد من الزملاء هنرد عليك
ربنا يعينك وتتحل مشكلتك ان شاء الله

مشكلة عدم انتظام الار بى ام دايما بتكون حساس ايدل او بوابة بنزين - هل العربية مفيهاش كمبيوتر و تكشف عليها بالجهاز احسن

اول حاجه حضرتك حاتفتح كتالوج العربية وتدور على نوع الزيت بتاع الفتيس ومواصفاته المكتوبة فى الكتالوج وتشوف اخر مرة غيرت زيت الفتيس كان زى المكتوب فى الكتالوج ؟؟؟
بعد كده جرب تغير البنزينة اللى بتمون منها .
تالت حاجه حاتشترى علبة منظف رشاشات بنزين كويس من اى بنزينة موبيل مثلا وتحطها عالتانك وهو مفول وتمشى عادى وبعد كده تمون عادى وماتكررش الموضوع ده لان كتره مش كويس وربنا يسهل الحال ان شاء الله

متشاؤم جدا وحاسس السحب تعبان وانت بتكتب لنا قد ايه انت متضايق وتفاصيل الشعور وكلنا حاسينا بيك وعايزين نمسك اي خيط مش عارفين فين التفاصيل الفنية انت حتى ماقلتش الفتيس اتوماتك ولا عاده ولو اتوماتك نوعه ايه !
مع ان اي حد فاهم يعرف من كلامك انه اتوماتك
زي ما الزملاء قالولك ابدأ بالفتيس ؟
سؤال تاني انت غيرت فلتر بنزين ؟
الموضوع دا حصل فجأه ولا بعد صيانه معينة ولا بالتدريج؟

كده انت بتتكلم فى مشكلتين بعيد عن بعض الاولى عدم انتظام الrbm ودى تظيبط فى المحرك وحلها دائما بيكون بسيط ... المشكله التانيه هى الفتيس ودايما بتحتاج للاسف تفور الفتيس وغالبا مش بيعيش كتير لانه zf المانى الصنع ومعقد كتير مقارنه باليابانى...... على فكره هتلاقى الفتيس ده استعمال كتير انا شفته ااكتر من مره فى بورسعيد بس مش فاكر المحلات بالظبط وعموما سهل العثور عليه ... جرب الفتيس على نفس وضع المحرك ستلاحظ فرق واضح جدا ..... كلامى يقبل النقد والاختلاف من الاخوه الزملاء بكل سرور

اقتباس:

---

المشاركة الأصلية كتبت بواسطة bluemail

عليكم السلام ورحمة الله وبركاته

فكرتني بممتاز ، انا بتشائم d:

التشاؤم ليس له علاقة بموضوع الاعطال وعموما هو ليس له وجود اصلا

مشكلتك زي مشكلة اغلبيه الناس وهي عدم وجود او ندرة الصنايعي الفاهم

اغلب الصنايعيه شغالين بمبدا التجربة والخطا وكله علي حساب الزبون وادينا بنتعمل علي قفا الزباين وبناخد فلوس كمان

اه والله فعلا بقيت بحس ان الميكانيكيه روتنين اوي المشاكل الصعبه مبيفكروش فيها وبيريحو دماغهم ومبقتش اثق في كلامهم

اولا مشكلة السحب وتاخير النقل
الفتيس اوتوماتيك، حالتة ايه ؟ صيانته اخبارها ايه؟ امتي غيرت فلتر الزيت بتاعة؟
كمبيوتر العربية حد لعب فيه ؟

الفتيس اتوماتيك والماتور 1400 سي سي لسه مغير زيت فيتيس من اسبوعين زيت ابيض بومش بلاقي المصفه بتاعت الفتيس والراجل بيقولي بتاعت العربيه دي مش بتتغير بيغسلها كويس ويركبها تاني وفعلا سالت عليها ومش بلاقيها س معملتش فيه صيانه قبل كده
كمبيوتر العربيه محدش لعب فيه

ثانيا مشكلة ان العربية بتبطل منك، بيبقي وضع الفتيس علي ايه ؟
غالبا دي مشكلة حساس ، الار بي ام بيعلي ويوطي
بيبقي علي وضع ال d وببقي ماشي عادي

كمل باقي البيانات وان شاء الله انا او اي حد من الزملاء هنرد عليك
ربنا يعينك وتتحل مشكلتك ان شاء الله

---

اقتباس:

---

المشاركة الأصلية كتبت بواسطة دكتور خالد

مشكلة عدم انتظام الار بى ام دايما بتكون حساس ايدل او بوابة بنزين - هل العربية مفيهاش كمبيوتر و تكشف عليها بالجهاز احسن

---

كشفت عليها بالكمبيوتر مبيطلعش اي مشاكل كلو تمام

اقتباس:

---

المشاركة الأصلية كتبت بواسطة م/أحمد عبد الفتاح

اول حاجه حضرتك حاتفتح كتالوج العربية وتدور على نوع الزيت بتاع الفتيس ومواصفاته المكتوبة فى الكتالوج وتشوف اخر مرة غيرت زيت الفتيس كان زى المكتوب فى الكتالوج ؟؟؟
بعد كده جرب تغير البنزينة اللى بتمون منها .
تالت حاجه حاتشترى علبة منظف رشاشات بنزين كويس من اى بنزينة موبيل مثلا وتحطها عالتانك وهو مفول وتمشى عادى وبعد كده تمون عادى وماتكررش الموضوع ده لان كتره مش كويس وربنا يسهل الحال ان شاء الله

---

عملت كل الكلام ده بردو ومحصلش اي حاجه نضفت الرشاشات بواسطه الجهاز وعملت وقايه كهربائيه كامله ومحصلش اي حاجه زي ماهي

اقتباس:

---

المشاركة الأصلية كتبت بواسطة mbx4e

متشاؤم جدا وحاسس السحب تعبان وانت بتكتب لنا قد ايه انت متضايق وتفاصيل الشعور وكلنا حاسينا بيك وعايزين نمسك اي خيط مش عارفين فين التفاصيل الفنية انت حتى ماقلتش الفتيس اتوماتك ولا عاده ولو اتوماتك نوعه ايه !
مع ان اي حد فاهم يعرف من كلامك انه اتوماتك
زي ما الزملاء قالولك ابدأ بالفتيس ؟
سؤال تاني انت غيرت فلتر بنزين ؟
الموضوع دا حصل فجأه ولا بعد صيانه معينة ولا بالتدريج؟

---

ههههههه اه والله ياصاحبي تعبت بجد
الفتيس اتوماتيك بس معرفش نوعه ايه بصراحه بس تقريبا القديم
ابدا بالفتيس ازاي اعمل فيه ايه انا غيرت زيت
اه مغير فلتر بنزين من فتره بقالو بتاع 10000 كيلو
الموضوع ده حصل تدريجيا كده

اقتباس:

---

المشاركة الأصلية كتبت بواسطة فتح الباب

كده انت بتتكلم فى مشكلتين بعيد عن بعض الاولى عدم انتظام الrbm ودى تظيبط فى المحرك وحلها دائما بيكون بسيط ... المشكله التانيه هى الفتيس ودايما بتحتاج للاسف تفور الفتيس وغالبا مش بيعيش كتير لانه zf المانى الصنع ومعقد كتير مقارنه باليابانى...... على فكره هتلاقى الفتيس ده استعمال كتير انا شفته ااكتر من مره فى بورسعيد بس مش فاكر المحلات بالظبط وعموما سهل العثور عليه ... جرب الفتيس على نفس وضع المحرك ستلاحظ فرق واضح جدا ..... كلامى يقبل النقد والاختلاف من الاخوه الزملاء بكل سرور

---

ماشي بس انا اعرف منين ان العيب من الفتيس يعني هو مش بيعمل معايا حاجه ولما بتجيب ال d العربيه بتطلع عادي ولما بجيب ال r بترجع بردو عادي لوحدها ... يعني اسمع ان لو الفتيس فيه حاجه يخبط او يبقي في رزعه كده يعني ولا ايه

ايه ياجماعه محدش عارف ايه الحل في المشكلتين دي

غيرت زيت ليه ماغيرتش معاه فلتر زيت الفتيس
النقلات كويسة ولا بتأخر
في حاجة عندك في البوابه او حساس الايدل والايرماس في حاجه ملخبطة فيهم
غير فلتر بنزين
شيك على البوجيهات والمباين واسلاك البوجيهات
مافيش تحسن خش على الفتيس وقربة الفتيس

اقتباس:

---

المشاركة الأصلية كتبت بواسطة dreamonline

عملت كل الكلام ده بردو ومحصلش اي حاجه نضفت الرشاشات بواسطه الجهاز وعملت وقايه كهربائيه كامله ومحصلش اي حاجه زي ماهي

---

شوفت الزيت المطلوب فى الكتالوج اسمه ايه زى ما قال لك م/أحمد عبد الفتاح ؟؟

مفيش حاجه اسمها حطيت زيت ابيض ؟؟ .. اكتب هنا مواصفه الكتالوج و اسم الزيت اللى انت حطيته

هل المشاكل ظهرت مع تغيير زيت الفتيس ؟؟

بالتوفيق

طيب ياجماعه في واحد صاحبي قالي ممكن الموبينه هي اللي تكون عامله كل ده بتخلي العربيه بتبطل ومخليه مفيش سحب خالص هل الكلام ده صحيح ممكن يحصل ولا لا

اقتباس:

---

المشاركة الأصلية كتبت بواسطة dreamonline

السلام عليكم ورحمه الله وبرتكاته علي احلي اعضاء
عندي مشكلتين في عربيتي سيات كوردوبا 2008 هيجننوني مش عارف اعمل ايه لدرجه اني فكرت ابيع العربيه من التشاؤم :crying2:
اولا العربيه بقالها حبه مبتسحبش خالص وده بيتمثل في ان الغيار بيتاخر جدا ولما تاخد الغيار مبيبقاش في عزم .. العربيه مبتجريش خالص حتي مش مبتفركش في الطلعه وابقي طالع مطلع زي المقطم كده العربيه مبتبقاش عاوزه تعدي ال 50 ابقي ماشي ع الدائري العربيه مش عاوزه تعدي ال 110 احترت بصراحه كل لما اروح لميكانيكي شاطر الناس كلها بتقول عليه يقولي حاجه اعملها ونفس المشكله هي هي غيرت قلب طرمبه البنزين علشان قالو الضغط ضعيف ومحصلش جديد و ناس تانيه تقولي لا الطرمبه مفهاش حاجه ده زيت فيتيس روحت مغير زبت فتيس ومحصلش جديد مع العلم اني معمل سيرفس في معاده فلتر البنزين والبيجوهات والكلام ده كلو بقالو بتاع 10000 كيلو بس بصراحه مش عارف اعمل ايه وكل حد اروحله يقولي نفس الحاجات اللي غيرتها كلها .

ثانيا العربيه ساعات بتبطل مني والكلام ده مش دايما يعني ممكن يوم متبطلش ويوم تاني تبطل مرتين ولا حاجه وببقي ماشي كويس جدا فجاه تبطل والطريق بيقف وانا بهدي الاقي الار بي ام عمال يطلع ونزل اكنه بيغرق ويقب تاني وتروح مبطله بس كده

بصراحه مش عارف اعمل ايه في المشكلتين دول ياريت حد يساعدني علشان انا دوخت واتشاءمت من العربيه حتي لما بحطها ع الجهاز الكشف مش بتدي اي مشكله كلو بيظهر شغاااااااااااال حتي لو بعتها بردو المشكله هتبقي مع اللي هياخد العربيه وهيدعي عليا بعد كده لاما مش هتتباع اصلا علشان لو جرب العربيه مش هيلاقي سحب خالص ياريت حد يفيدني بخبراتكم

---

بسم الله الرحمن الرحيم
اولا نحل مشكلة السحب .. بس الاول عاوز اعرف العربية كام سي سي ؟؟
1- لما بتغير زيت الموتور بتحط كام لتر زيت ؟؟
2- لما بتغير الزيت و بتقيسه بيكون معدي علامة max و لا على العلامة بالظبط ولا اقل قليلا ؟؟
3- اجابة السؤالين السابقين باذن الله حل المشكلة

ايه بقا علاقة الزيت و مقاسه بعدم السحب
مكتوب ع غطاء تغيير الزيت انك ما تعبيش زيت و يعدي العلامة لازم يبقا مظبوط او اقل قليلاً ... معناه ايه الكلام ده ؟؟؟
بالبلدي كدا ... معناه انك تنفذ التعليمات لان زيادة الزيت عن مقاسة الطبيعي هيخليه يعدي على غرفة الاحتراق هيتحرق و يتبخر و يخرج مع العادم .... اول حاجه العادم هيقبلها ايه ؟؟؟ حاجه اسمها catalyst converter اللي هي (علبة البئية)
طيب علبة البيئة دي جواها ايه ؟؟؟ جواها حاجه كدا عاملة زي السيراميك عبارة عن بودر و ده وظيفته اصطياد الغازات و حجبها قبل ما تخرج للحياه
طيب لو العادم ده محمل ببخر زيت هيعمل ايه ؟؟؟ هيعمل زي العجين في الاول و بعد كدا هيعملك زي كورة شبيهة بالكورة سيلك تسد مخرج العادم خالص .. و ده يكتم عزم المحرك

فحضرتك لو مش فاكر انك بتشيك على مقاس الزيت كل مره بتغير زيت عربيتك .. على طول تروح تفحص علبة البيئة و تشوفها مكتومة و لا لا عند واحد بتاع شكمنات .

طيب لو لقيتها تمام .. تيجي تاني تبلغنا انها تمام علشان الخطوة الجاية هيبقا اصلاح المشكلتين مع بعض باذن الله تعالى و هقولك تعمل ايه باذن الله .

تحياتي

اقتباس:

---

المشاركة الأصلية كتبت بواسطة sala7

بسم الله الرحمن الرحيم
اولا نحل مشكلة السحب .. بس الاول عاوز اعرف العربية كام سي سي ؟؟
1- لما بتغير زيت الموتور بتحط كام لتر زيت ؟؟
2- لما بتغير الزيت و بتقيسه بيكون معدي علامة max و لا على العلامة بالظبط ولا اقل قليلا ؟؟
3- اجابة السؤالين السابقين باذن الله حل المشكلة

ايه بقا علاقة الزيت و مقاسه بعدم السحب
مكتوب ع غطاء تغيير الزيت انك ما تعبيش زيت و يعدي العلامة لازم يبقا مظبوط او اقل قليلاً ... معناه ايه الكلام ده ؟؟؟
بالبلدي كدا ... معناه انك تنفذ التعليمات لان زيادة الزيت عن مقاسة الطبيعي هيخليه يعدي على غرفة الاحتراق هيتحرق و يتبخر و يخرج مع العادم .... اول حاجه العادم هيقبلها ايه ؟؟؟ حاجه اسمها catalyst converter اللي هي (علبة البئية)
طيب علبة البيئة دي جواها ايه ؟؟؟ جواها حاجه كدا عاملة زي السيراميك عبارة عن بودر و ده وظيفته اصطياد الغازات و حجبها قبل ما تخرج للحياه
طيب لو العادم ده محمل ببخر زيت هيعمل ايه ؟؟؟ هيعمل زي العجين في الاول و بعد كدا هيعملك زي كورة شبيهة بالكورة سيلك تسد مخرج العادم خالص .. و ده يكتم عزم المحرك

فحضرتك لو مش فاكر انك بتشيك على مقاس الزيت كل مره بتغير زيت عربيتك .. على طول تروح تفحص علبة البيئة و تشوفها مكتومة و لا لا عند واحد بتاع شكمنات .



طيب لو لقيتها تمام .. تيجي تاني تبلغنا انها تمام علشان الخطوة الجاية هيبقا اصلاح المشكلتين مع بعض باذن الله تعالى و هقولك تعمل ايه باذن الله .

تحياتي

---

شكرا ياباشا ع الرد بس شيكت ع الزيت وكلو تمام وانا عرفت مشكله ان العربيه بتبطل طلعت الطرمبه وحشه بس لسه هغيرها ويارب تكون مشكله السحب منها مع العلم ان الضغط بتاعها كويس

مشكلة السحب الضعيف والتبطيل : طرمبة البنزين ضغطها ضعيف اكيد ... وياريت تتاكد من ده كويس ويتم تغيرها بطرمبة او قلب ( موتور طرمبة ) اصليه جديدة او استيراد نضيف وعلى التجربه
مشكلة ال rpm الى طالع ونازل : بين حاجتين حساس الهوا والبوابه ... نضف بوابتك بمنظف انجكشن وحط منظف دورة البنزين بيتابع بالبنزينات وتحطه على تفويله حسب تعليماته ... حساس الهوا تنضفه بمنظف الانجكشن وشيل فيشته لو العربيه ظبطت يبقى العيب منه اما تنظفه او تغيره واخيرا خلى حد فنى شكمانات يتأكد ان الشكمان مش مسدود
تحياتى

مع احترامى لكل الزملاء سحب ضعيف + rpm طالع ونازل + تاخير فى دوارة+تنتيش متقطع على سرعات بطيئة = موبينة
مع علم انتا منظف بوابة و مشيك على فيش
سحب ضعيف + تاخير فى دوارة = طرمبة البنزين
شكرا

راجع على بواوبة الهواء بالحساسين اللي راكبين عليها..حساس الأكسجين و حساس tps
و إكشف على حساس الشكمان عشان هو من مسببات ضعف سحب العربية و إرتفاع إستهلاك البنزين بصورة كبيرة..

الحمد لله المشكله اتحلت وطلع العيب من علبه الشكمان كانت مسدوده والراجل بتاع الشكمانات شال الفحم الي في العلبه والعربيه اتظبطت الحمد لله
شكرا علي مجهوداتكم وتعبكم معايا ياحلي اعضاء بس الموضوع كان محير بصراحه ومكنتش عارف العيب من ايه ولفيت علي ميكانيكيا كتير وكهربائيا لحد ما واحد كان هيدخلني في شورت بلوك لحد ما ربنا رزقني بواحد وداني عند هاني اللي في النزهه عند مستشفي سعودي الماني بصراحه راجل ممتاز وفاهم جدا اول لما قولتلو ومن غير مايعمل اي حاجه راح قالي المشكله عندك في الشكمان بمجرد انو سمع صوت العربيه بس وعملتها في 5 دقايق
انصح اي حد عندو مشكله او يحب يعمل صيانه يروح لهاني ده بسم الله ماشاء الله مشوفتش حد فاهم في العربيه دي كده :tumb:

اقتباس:

---

المشاركة الأصلية كتبت بواسطة dreamonline

الحمد لله المشكله اتحلت وطلع العيب من علبه الشكمان كانت مسدوده والراجل بتاع الشكمانات شال الفحم الي في العلبه والعربيه اتظبطت الحمد لله
شكرا علي مجهوداتكم وتعبكم معايا ياحلي اعضاء بس الموضوع كان محير بصراحه ومكنتش عارف العيب من ايه ولفيت علي ميكانيكيا كتير وكهربائيا لحد ما واحد كان هيدخلني في شورت بلوك لحد ما ربنا رزقني بواحد وداني عند هاني اللي في النزهه عند مستشفي سعودي الماني بصراحه راجل ممتاز وفاهم جدا اول لما قولتلو ومن غير مايعمل اي حاجه راح قالي المشكله عندك في الشكمان بمجرد انو سمع صوت العربيه بس وعملتها في 5 دقايق
انصح اي حد عندو مشكله او يحب يعمل صيانه يروح لهاني ده بسم الله ماشاء الله مشوفتش حد فاهم في العربيه دي كده :tumb:

---

يا راجل يا مفتري .. انا قايلك على موضوع انسداد علب الشكمان من اول بوست إد فيه عليك

هههههههههه انا عاوزك تقرا اول رد ليا على استفسارك .. اقرأه كويس و شوف انا كنت اقصد ايه

حاول تفهمه

كان ردك ساعتها انك قيست الزيت و لقيته تمام

فعلا .. الانسان عامل زي البني ادم بالظبط

تحياتي