في اواخر يوليو كنت بدور علي فيرنا اتوماتيك جديده .. وقلت ان اضمن حاجه ابعد عن المعارض واشتري من غبور علي اعتبار انها شركه محترمه ..
رحت معرض غبور ووجدتهم عاملين تخفيض..واتفرجت علي فيرنا معروضه وكان الكاوتش لاسا تركي
طلبت اشتري لون فيراني وزجاج فاميه.. قالولي مش موجود رصيد منها ..
لو حبيت ممكن تدفع مقدم ونعمل بيها اوردر انتاج ..قولت لهم هيبقي بنفس السعر قالولي ان لو دفعت المبلغ كله كاش هنثبت السعر حتي لو الاسعار زادت..سحبت الفلوس من البنك وضاعت عليا ارباح الشهر (رغم ان فاضل كام يوم علي نهايه الشهر ..بس انا خفت الاسعار تزيد ) واتعاقدت عليلون فيراني وزجاج فاميه
وبعد ما دفعت الفلوس وانا براجع الايصالات وجدت مكتوب في اخر الايصال "السعر يحدد عند الاستلام" وبمراجعه مندوب البيع قال لي "اصل ده نموذج كمبيوتر واحنا منعرفش نغيره وده مش ليك انت ده للناس اللي بتدفع دفعه حجز" واكد لي مائه مره ان مش هايطلبوني بزياده..طلبت مقابله مدير الفرع وحضر واكدلي نفس الكلام وبعد كام يوم اتصلوا بي ودار الحديث التالي
غبور: "متوفر عربيه نفس المواصفات بس زجاج عادي لو عاوز تستلمها"
انا: لا عاوز زجاج فاميه
غبور: مش متوفره حاليا ولو هاتنتظر هيبقي فيه زياده في السعر وميعاد الاستلام غير معلوم
ونظرا لاني مستعجل علي الاستلام وافقت وذهبت لاستلام العربيه وفي المعرض حدث الحوار التالي:
انا: فين العربيه علشان استلمها
غبور:واقفه امام المعرض اهي
انا:انظر من الزجاج ولا اجد العربيه الفيراني ..فين هيا
غبور:اهي .. ويشاور لي علي عربيه لونها قريب من الاسود
انا: بس دي مش درجه اللون اللي انا متعاقد عليها
المندوب: لو مش عاوز تستلمها براحتك بس كده مش هاقدر احددلك ميعاد استلام مؤكد
استشرت اصحابي ومعظم الناس نصحوني بالاستلام
وانا باستلم العربيه وجدت الكاوتش صيني ..قلت للمندوب ده صيني غير المعروض التركي ..قال لي ده اللي موجود
وكذلك الطاسات غير موجوده .. استلمت العربيه والي الان لم استلم الطاسات ..كل شويه يدوني ميعاد ويخلفوا
انا متغاظ من اللي حصل ده (اعطائهم وعود ويخالفوها – اجباري علي تسلم العربيه بزجاج عادي ودرجه لون مختلفه – كاوتش صيني غير التركي اللي في العرض – عدم وجود الطاسات)
تنصحوني اخد حقي ازاي