السلام عليكم
انا كنت عاوزة اشترى عربية جديدة و كانت عجبانى موت النيو اوبتر و بعد ما جهزت 130000 لقيت العربية داخلة فى 170000:120146b
المهم قررت اشترى مستعمل بس مش قديم اوى يعنى اخرى 2013
و احترت فى ال4 عربيات دول اوبترا 2015 و اكسنت 2015 و 2014
و سيتروين 2014 و ريو 2013
انا اهم حاجة عاوزاها فى العربية كماليات يعنى تكيف جامد سينسور بارك و فتحة سقف و كمان صيانتها تبقى كويسة
سمعت ان النيو اوبترا تكيفها مش حلو
فبجد ساعدونى اشترى ايه يكون فى اللى انا محتاجاه و يكون مش قديم
وانهى احسن حاجة فى دول
انتوا فين يا أهل الخبرة
عليكم السلام
لو مايهمكش الوسع الداخلي خليك في اكسنت 2015
لو محتاج عربيه واسعه خليك في اوبترا 2015
شيئ اساسي انك تكشف في التوكيل او مركز معتمد
خلي اختيارك عموما، الموديل الاعلي والكيلو متر الاقل
بالتوفيق في اختيارك
طب ليه السيتروين لا .. عجبانى اوى ?????? كمان سمعت ان تكييف الاوبترا سىء هل دة صحيح و مش عارفة اشكرك ازاىاقتباس:
المشاركة الأصلية كتبت بواسطة bluemail
اولا تكييف الاوبترا كويس جدا ومفيش منه اي مشاكل
ثانيا ستروين لا ليه، 1- فرق الموديل سنه لصالح الاوبترا 2- قطع الغيار متوفره في كل مكان وارخص لصالح الاوبترا
3- الصيانه اسهل واي حد ممكن يشتغل فيها برضه للاوبترا 4- سعر اعادة البيع وكمان سرعة البيع لصالح الاوبترا
وعموما العربيات الكوري بقت الحصان الكسبان في السوق في اخر 7 سنين مثلا
برضه ممكن تشوفي قسم ستروين في موضوعات عن سي اليزيه وفي الاخر القرار ليكي
بالتوفيق