الموضوع: مشكلة ارتفاع مفاجئ في الحرارة نيسان صني n16

بس هي دي الحقيقة فعلا انهم في التوكيل اقنعوني بأنه الترموستات دة مامنوش لازمة غير انه يخلي العربية تسخن بسرعة في الشتاء عشان برة الجو عندهم شديد البرودة ،،، وعلى ذلك وكمان بعد ماعرفت سعر الترموستات الاصلي قررت اني ماركبش غيره ،،، ماعلينا،،

استاذى-الصانع له مواصفات لكل بيئة للسيارة
فمواصفات نيسان صنى التى تمشى فى الجليد تختلف عن نفس السيارة التى تمشى فى الخليج(اعتقد الردياتير الخليجى اكبر و التكييف تبريده قوى)
حتى فى الكتالوج هتلاقى الكتالوج الاجنبى يوصى بلزوجة 10-30 على ما اذكر و الكتالوج الخليجى يوصى بزيت 20-50
فلو السيارة الخليجى التى تمشى فى درجة حرارة جو 50 لا تحتاج لثرموستات كانوا ريحوا دماغهم و وفروا المصاريف و لغوه

من اكثر من موضوع على منتديات مصرية و سعودية عندما يحتار صاحب السيارة الصنى فى السبب و يؤكد ثم يؤكد ان الردياتير سليم--تطلع المشكلة فى النهاية من الردياتير

المشاركة الأصلية كتبت بواسطة Dr.Men3m

بشكر حضرتك على الاهتمام ،،،
بس انا انهاردة اكتشفت شرخ في العمة الفيبر اللي فوق الريدياتير وبدلت الفيبرا كلها بواحدة تاني بس للأسف صيني ومش عارف الاقي الفيبرا دي فين بس تكون اصلية ولو حتى استيراد،،

السلام عليكم .. أنا عارف إن الموضوع قديم ومن فترة طويلة .. بس أنا قابلتني دلوقتي نفس المشكلة .. هي عمة الردياتير مش مشروخة بس بتسرب .. وكل لما أزود القربه بتنقص مع الوقت ولاحظت على وش الردياتير تحت العمة آثار تسريب الماية الخضراء .. التوكيل قال ليا تغير الردياتير لأن هما مش بيصلحوا وسعره من غير مصنعية أو ضريبة 4945 جنية .. فالمبلغ كبير جدا جداً ... ايه الحل يا جماعة؟؟ هل في مكان اشتري منه العمة الاصلية دي أو حتى عمة صيني بس تكون كويسة؟؟؟

المشاركة الأصلية كتبت بواسطة Dr.Men3m

وعليكم السلام ،، اولا انا متأسف لسماع مشكلتك ،، انشاءالله ربنا يحلها على خير،، ثانيا ،، بص حضرتك انا يوم ما الفيبرا دي اتشرخت مني ،، دورت كتير على الفيبرا دي جديدة اصلية او حتى استراد مالقيتش خالص ،، لقيت رداتير كامل ايستراد وكان المفروض اخد الريداتير دة كله وافك انا منه الفيبرا دي،،
ولكن انا ساعتها ركبت الفيبرا الصيني اللي موجودة عند بتوع الردياتير ومن ساعتها بسم الله ماشاءالله مكملة معايا ومافيش مشاكل حصلت منها خالص،، فكدا قدامك حل من اتنين ياتدور على ريدياتير ايستراد وتخلع منه الفيبرا،، او حضرتك ممكن تركب الفيبرا اللي موجودة عن بتوع الردياتير ودة الحل الاحسن لانها عن تجربة كويسة جدا ومش مكلفة انا فاكر ركبتها ساعتها ب ١٥٠ جنيه ،، والحمدلله لحد دلوقتي كويسة،،
تحياتي،، وانشاءالله تتحل على خير،،

أولاً شكراً جداً جداً على إهتمامك بالرد رغم إن الموضوع قديم

أنا فهمت وهعمل زي ما أنتا بتقول وأشتري الفيبرا الصيني للردياتير بدل ما أقعد أدور على ردياتير استيراد وفي الآخر ممكن تكون برضو الفيبرا مش كويسة. بس يا رب الاقي الفيبرا الصيني دي دلوقتي خصوصاً أنتا عارف الحالة اللي فيها العالم اليومين دول

بكرر شكري ليك .. وتحياتي ليك ودمت سالماً وبخير