فرامل أفيو كورى 2011 بها abs

السلام عليكم جميعا
سيارتى أفيو كورى 2011 مزودة ب abs وكانت الفرامل تعمل بحالة ممتازة
من فترة بسيطة ظهرت مشكلة فى فرامل السيارة وهى بعد ساعة تقريبا من السواقة المتواصلة ألاقى دواسة الفرامل بتنزل جامد بالضغط وضعيفة جدا ولو دوست جامد حتى لو السرعة مش عالية تصرخ والعربية تلف شوية من ورا وبحس إن فردة واحدة اللى بتمسك بس !! أسيبها تبرد فترة طويلة من العصر للعشاء مثلا أركب وأسوق تمام وتبقى زى الفل بعد مدة قرابة الساعة ترجع المشكلة تانى مع العلم الزيت كامل ولم ينقص ولما أقرب من مطب وأحب أفرمل أكرر الدوس وأكارك تبدأ الدواسة تجمد شوية والفرملة تتحسن لكن مش بالشكل الطبيعى .
بإختصار رحت لعفشجى وشرحت الحالة قاللى كاوتش خزنة الزيت اللى بتطلع المواسير للفرامل هوة المشكلة .. فك ونضف ولقى الكاوتش كويس بس قال فى فتفوتة كاوتش مهرية ممكن تكون عاملة مشاكل وطلب زيت جديد جبت وقفل وسحب هوا وقاللى كله تمام فعلا بقت تمام بس لأن مشاويرى بسيطة جيت بعد أسبوعين طلعت مشوار زى اللى فات ولقيت نفس المشكلة ظهرت بعد ساعة سواقة تقريبا والوضع متغيرش

أفيدونى أفادكم الله