تحياتي لكم عايز اروح من الجيزه لمرسى مطروح بالعيد مع العيله وعايز معلومات عن الطرق الاحسن والامن والمسافات وماذا عن طريق الفوكه ... وشكرا
عرض للطباعة
تحياتي لكم عايز اروح من الجيزه لمرسى مطروح بالعيد مع العيله وعايز معلومات عن الطرق الاحسن والامن والمسافات وماذا عن طريق الفوكه ... وشكرا
باشا الطريق كله زي الفل مفيش فيه اي مشاكل ولا حاجه
حضرتك هاتطلع علي الصحراوي بعد ماستر بشويه هاتدخل طريق العلمين
تخلصه تبقي في مارينا
بعد مارينا الاسفلت مكسر شويه لحد الضبعه بس الحمدلله مفيش مشاكل عليه خالص
ممكن يقابلك رادار مرتين او تلاته من مارينا لمطروح
بس نصيحه حاول تسافر الصبح في النور عشان الاسفلت اللي مكسر والطريق مفيش عليه خدمات كتير من مارينا لمطروح
ده غير ان طريق مطروح اسكندريه وانت راجع بالسلامه ان شاء الله عليه اعمال سفلته
فا حاول تتحرك في النور
كلام مظبوط بس ياريت نعرف ايه طريق فوكه ده اول مره اسمع عنه ؟المهم احسن وقت للسفر لمرسى مطروح 5 صباحا اتحرك وتوكل على الله اكشف مياه وزيت وظبط كاوتش وفول التنك وبسم الله توكلنا على الله ؟اقتباس:
المشاركة الأصلية كتبت بواسطة abo_salah
فوكه دي منطقه هناك تقريبا قريه صغيره للعرب اللي هناك
علي الطريق نواحي الضبعه تقريبا
علي ما اتذكر انها بعد امواج
بس برضه خد بالك من الطريق وامشي الصبح بدري في النور
عشان الاصلاحات
شكرا لكم على الاهتمام والمعلومات عن الطريق الى مطروح وياليت اعرف المسافات من الجيزة الى مفرق طريق وادي النطرون.. ومن المفرق الى طريق الساحل الشمال ومن هناك الى مطروح ...
اما عن طريق الفوكه الجديد فهو طريق ستراتيجي يختصر المسافه من 6 اكتوبر الى مطروح بمائة كيلومتر وهو الان غير مجهز وسيتم افتتاحه في ابريل القادم علما ان البعض يستخدمه الان .
طريق الفوكه لم يتم افتتاحة بعد
اسلك الطريق الصحراوي حتي طريق العلمين _ وادي النطرون ( تم افتتاحة بعد الانتهاء من اعمال التطوير )
وذي ما الاخ mdhia وضحلك الاسفللت سئ جدا وخصوصا في طريق العوده لانه فيه شقوق وهبوط مفاجئ كتير ، وبلاش تزود سرعتك علي الطريق ده اكتر من 120 لسوء حالة الطريق في معظم المناطق ، ورحلة سعيدة
جزيل الشكر لحضرتك