عرض للطباعة
السلام عليكم ورحمه الله وبركاته.
انا اول مره اكتب موضوع هنا ف اتمنى منكم الإفادة وشكرا جزيلا لكم.
انا طالب جامعي بدور على سياره تكون شبابيه شكلا و إمكانيات ويكون سعرها لا يتخطى 45 الف.
ف انا أتعرض عليا كذا سياره مثل a113 و ال سوزوكي التو والأوبل الكورسا موديل 99 و رينو كليو.
مع العلم انى عاوز سياره تكون استهلاكها للبنزين قليل وسعر قطع الغيار رخيص وذلك طبعا لحاله الشارع المصري اللى اى واحد عنده عربيه بيعانى منها وشكرا جزيلا واتمنى الإفادة من أصحاب الخبره.
حاجه من الاربع عربيات دول انا اختار سوزوكى التو
3 سيليندر متتوقعش منها اداء فظيع- استهلاك بنزين رائع
قطع غيار شارع احمد حلمى او سوق التوفيقيه
فى منها بالتكييف- طبعا التكييف لما بيشتغل العربيه بتضعف
العربيات الباقيه اقل فالاقبال عليهم( صينى- فرنساوى- والكورسا 3 سيليندر كانت حلوه وقتها لكن دلوقتى اكيد حالتها اتبهدلت)
الدليل على كلامى سعر اعاده البيع- الالتو اعلى واحده فيهم
اهم حاجه فالمستعمل الحاله
حط فى بالك انك هتصرف على العربيه اول متشتريها- حط 3000 جنيه على جمب (مصاريف نقل ملكيه وصيانه ضروريه للعربيه)
ومبروك مقدما
شكرا جزيلا لك لحضرتك سيد Salam انا اعتذر لو كنت حاتقل ف السؤال.
بالنسبه لل التو هيه 800 cc و 1000cc ف إل 1000 بتكون من اول موديل كام.
استفسار تانى بالنسبه لل a113 انا ليا زميل معاه العربيه ويقولى العربيه جميله جدا ومريحاه وف نفس الوقت بسمع بلاوى عن العربيه من بره ف انا مش عارف هل العربيه عمليه ولا الالتو احسن منها والكلام ده كله اشاعات وهل هيه ف مستوى كفائه وتحمل الالتو ولا لا اعذرني لو أثقلت ف السؤال.
اكسنت او لانوس انسب ع بيتين لك قطع غيار رخيصه واستهلاك بنزين منخفض وابعد عن الصيني
شكرا جزيلا على الرد اخى احمد فهمى لكن انا مش عاوز سياره موديل حاجه وتسعين انا اتكلمت على السيارات دى بس علشان موافقين ف السعر اللى معايا و فنفس الوقت موديلات مش قديمه. ارجو الإفادة أكثر لو اى حد عنده خلفيه عن السيارات لأن الالتو ممتازه وف نفس الوقت a113 موتور أقوى و إمكانيات وشكل احسن ف انا تايه والأخ Salam له جزيل الشكر افادني بالنسبه لل التو ف ارجو الإفادة أكثر وشكرا جزيلا لكم.
يا سيدي الفاضل
ال 113 هاتكون انسب اختيار لحضرتك
بعدها الالتو
ال 113 موتور اقوي بكتييير من الالتو ( ده في حاله مقارنتها بالالتو )
قطع الغيار متوفره في كل مكان وحضرتك ممكن تسال عليها هاتلاقيها في اي مكان العربيه ماشيه من 2010 لحد النهارده
يعني 6 سنين ... ازاي مفيش ليها قطع غيار ؟!؟!؟
يعني بالعقل كده اللي راكبينها دول بيجيبوا لها قطع غيار منين ؟؟ ولا ماشيين من غير قطع غيار كل ده ؟؟
العربيه فيها اوبشن ( تكييف طبعا و ازاز كهربا )
غير انها اوسع طبعا من الالتو
ذي ما قلك فهمي بك اللانوس ومش هتتعبك ..وفيها ميزه واسعه جوه وحجمها صغير اعتقد انها انسب عربيه تبدا بيها
ال1000 سي سي خليجى و ممكن تدوخ على قطعها مثلما افاد الاخ ابو مازن قبل ما يترك المنتدى
العربية لها عيوب:
الفتيس بيعض(صعب شوية فى التعامل)
عند الملفات لازم تهدى جدا عشان توازنها
التكييف كويس بالنسبة لها بس بيأثر على قوة المحرك
الامان ضعيف لان حجمها صغير
العربية صاجها محترم-حجمها ممتاز فى الزحمه-تكنولوجيا يابانى و كهربتها يابانى على ما اعتقد
قعدت معايا سنة ماشتكتش مع انها كانت عامله حادثة مطير رفرف و فتيس و كاسر شاسيه
شكرا جزيلا ليكم about. Salah , د.عبدالرحيم ، volociximab , و اتأسف على التأخير فى الرد وارجو قبول الاعتذار ، معذرة آخر استفسار حضرتك لو بالنسبه لل دايو لانوس زى ماحضرتك بتقول اقدر الاقي موديل فوق ال 2000 والسعر اللى معايا ده وهيه حايكون عربيه حلوه ولا حاتحتاج مصاريف كثير أما بالنسبه لل a113 ف صحيح قطع الغيار متوافرة فعلا زى ماحضرتك بتقولى بس هل مشكله تربيط العفشه كل اسبوعين ده صح ولا غلط وشكرا جزيلا لكم على الإفادة ☺
حضراتكم شكلكم نسيتونى