الموضوع: حكم فوايد البنوك على الودائع !!!!

دلوقتى انا عندى شك مليون ف الميه ام فوايد البنوك حرام ,, لان البنك بياخد فلوس العملاء ويطلعها قروض لعملاء تانيين بفايده اعلى وده مصدر ربحه الاساسي

فكرت ف البنوك الاسلاميه ... رغم انى بردوا مقتنع ان مفيش بنوك اسلاميه ف مصر ... لان بردوا عندهم ودايع وممكن تاخد قرض بضمانها

زهقت من التفكير ... الفلوس قيمتها بتقل مع الزمن .... ايه الحل ؟

بعت لدار الافتاء المصريه ... سألتهم حكم فوايد البنوك الاسلاميه ... وكان الرد انه حلال ... لأ وكمان انها حلال حتى لو بنك ربوى !!!!

تب دلوقتى هيا حلال ولا حرام ... ؟؟؟

أنا بحثت في الموضوع ده فترة طويلة ووصلت للآتي :
البنوك كلها باستثناء بنك فيصل - و حقولك قصة فيصل ده بعدين - بنوك بتتعامل بالرباو زي ما ان قولت بيديك 12% و بيقرض غيرك علي 17% و بيكسب هو الفرق .

* بنك فيصل كان حلال لما أسسه الشيخ الشعرواي لأن هو اللي أسسه عشان كانأفتي ان البنوك كلها حرام فقرر يوجد حل للموضوع ده و اتفق مع السعوديين انشاء بنك فيصل علي نظام اسلامي و تم عمل قانون خصيصا للبنوك الاسلامية و بقي ليها حق الاستثمار في مشاريع علي عكس البنوك الأخري ممنوعة من الاستثمار

لكن بعد وفاة الشيخ الشعرواي البنك بدء يدخل في معاملات الربا , ولكن لسه في نسبة من الحلال في شكل ان لسه في لجنة من علماء الأزهر و علي رأسهم فريد واصل و ده هيضمن علي الأقل ان البنك مش حيدخل في مشاريع خمور أو فساد صريح .

في رأيي بنك فيصل شغال بالربا بس مع اختلاف المسميات بدل فائدة بيسميها مرابحة و هكذا , و اختلاف اللجنة الشرعية زي مشرحتلك , و ان ليه حق الاستثمار .

دي خلاصة بحث طويل و مرهق في فتاوي كتير و تعمق و ذهابي للأزهر بنفسي و الشيخ اللي هناك كنت بناقشه في تفاصيل و في الآخر قالي :ده فساد عالمي يابني و أنا أهو شيخ أزهر و بقبض مرتبي من البنك .

أنا في الآخر عملت الآتي :
*فتحت حساب جاري في بنك فيصل حاطط فيه مبلغ بسيط و معظم فلوسي في عقار و شغل في العقارات و في أرض وربنا مبارك بالحلال ..

الموقع ده حيفيدك جدا , ده شيخ متخصص في الأمور المالية الاسلامية
الموقع الرسمى لفضيلة الدكتور على بن أحمد السالوس

ربنا معانا