التعرض لعمليه نصب اثناء بيع عربيتي

**tasaka** · 10-09-2016 09:20 PM

انا شخصيا لا اعرف ما هو الحل للموقف ده

لكن علشان الكلام يبقى وافى و اوضح .. علشان الناس تقدر تساعدك

1- هل انت عملت التوكيل و هو كان معاك فى الشهر العقارى و قدم بطاقته هناك .. يعنى اقصد التوكيل اتعمل بحضور الطرفين امام موظف الشهر العقارى ؟

2- ايه هى صيغه التوكيل اللى عملته

3- طبعا هو استلم العربيه ؟ مظبوط

4- العقد اللى بينكم مكتوب فيه المبلغ المتبقى .. و شرط جزائى فى حاله عدم تسديد المبلغ ؟

5- هل مضى اقرار على نفسه انه استلم العربيه و اصبح مسئول عن اى شيئ يحدث .. طبعا بالتاريخ و الساعه

6- هو استلم العربيه منك من فتره قد ايه ؟

ربنا يسهل لك الامور ان شاء الله

**م/أحمد عبد الفتاح** · 11-09-2016 12:34 AM

بص فى التوكيل لولقيت جملة "لايجوز إلغاء التوكيل إلا فى حضور الطرفين " يبقى مش حاتعرف تلغيه إلا بمحامى وقضية - ولو مكانتش الجملة دى مكتوبة روح بأصل التوكيل وإلغيه .

**abdel samie** · 11-09-2016 01:03 AM

طبعا هو مكنش معاي في الشهر العقاري وده الغلط الا انا عملته ومكنتش وقعت الا وانا واخد فلوسي كامله
التوكيل البيع للنفس والغير وتوكيل الغير والتعامل مع المرور
العقد الابتدائي فيه مبلغ متبقي ٣ آلاف مؤجلين لحين عمل التوكيل وشرط جزائي ٥ الاف حنيه العربيه طبعا استلامها وفي محضر استلام ماضي عليه

**Colin Chapman** · 11-09-2016 06:14 AM

م/أحمد عبد الفتاح

**sherif_mahalla** · 12-09-2016 04:39 PM

الموضوع معقد فعلا
بس حسب اللي حضرتك بتقوله دلوقت
يبقى هو مخالفش العقد
و كده له حق ميردش عالتليفون
ده كمان المفاجأة
لو طلبت فسخ العقد هتدفع الشرط الجزائي زائد الثلاثة المشروطين بالتوكيل لأنك عملتله التوكيل
يعني هو أخلى طرفه و مش ممكن تعمل أي إجراء قانوني
و طالما عارف ان فيه توكيل
يبقى مينفعش تبلغ عن السرقة
و عموما المعروف انك بتسلمه العربية لكن التوكيل و المخالفات بعد ما تستلم كل الفلوس

**ايمن محمود محمد ابراهيم** · 13-09-2016 12:50 PM

اولاً: التوكيل لا يمكن الغاؤه الا بوافقة الطرفين
ثانياً: طالما تم تحرير عقد بيع ابتدائى لا يجوز البيع والتسجيل لأى طرف تالت
ثالثاً: كل اللى ممكن يعمله المشترى علشان ينصب عليك انه يعمل الخطوات الآتية:
يحصل على نسخة من التوكيل وده مش سهل خالص
يبيع لنفسه بموجب هذا التوكيل ويصبح مالك جديد للعربية
وبعد كده ممكن انه يطلع بدل فاقد من الرخصة وده مش سهل خالص خالص
وبعدين ممكن بعد كده انه يبدأ يجدد الترخيص بأسمه ،،،،،،
الخطوات دى هتتكلف فلوس كتييييير ومجهود كبيييييييير وحرق دم وبهدلة ووووووو

نصيحتى لا تتصل بالمشترى على الإطلاق وسيبه يتصرف زى ما هو عايز و99% هيرجعلك اسهل له

**Salamonti** · 16-09-2016 05:56 PM

كتير من اللي بيشتري مستعمل غالبا بيشد العربية سمكرة ودوكو عشان يحس انه راكب حاجة جديدة.. فمش هايبقا فارق معاه الرخصة ولا التوكيل الفترة دي خالص لحد ما يخلص عربيته لكن في النهاية هايرجعلك.. المهم مايكونش عارف انت عملت التوكيل في انهي مكتب شهر عقاري - وطبعا انت ماتكونش عامله في المكتب اللي قريب من عنوان سكنك عشان اكيد هايروح يسأل فيه.

**دعبدالرحيم** · 17-09-2016 05:33 AM

خليه يعمل توكيل لاخوك وبعدين لو هتبيع بيع لحد تاني بالتوكيل بتاع اخوك.. ولو هتخليها روح افحصها بالتوكيل الجديد من الاول وهو ده الحل الافضل

**دعبدالرحيم** · 17-09-2016 05:34 AM

انا عند مقولتي العربيه طالما بعتها وباتت برا بيتي مترجعش تاني

-

الموضوع: التعرض لعمليه نصب اثناء بيع عربيتي

LinkBack

أدوات الموضوع

عرض

-

-

-

المواضيع المتشابهه

مشكلة نتشة اثناء النقل وخنقة اثناء الشد لسيفيك 2008

صورة اثناء نزوح السكان اثناء الاعصار ساندي

صوره مرعبه لعمليه إرهابيه

شرح بالتفصيل لعمليه فتح الماتور

الكلمات الدلالية لهذا الموضوع

المفضلات

المفضلات

ضوابط المشاركة