قبل أي حاجة حمدالله علي 1000سلامة والحمدلله علي كل شيء مانقدرش نقول غير كدا بس من الصورة اللي حضرتك منزلها واضح جدا أن الكبوت ده خلاص لازم يتغير لأنه عمره ماهيرجع تاني زي الأول ،، ولو رجع من بره برضوا هايبقي متدمر من العضم اللي جوا وأي حد يشوف العربية لو جيت تبيعها هايعرف أنها كانت واخده رزعه من أدام،، ولو انك يعني حتي لو ظبطها وحبيت تبيعها يفضل أنك تقول للي هايشتريها أنها كانت مخبوطة بس طبعا ماحدش بيعمل كدا أنهاردة
بالنسبة للرفارف فمش باين في الصورة غير الرفرف الشمال واللي بسهولة أوي ممكن أستعداله وسمكرته
الأكصدام أكيد طبعاً هايتغير والسدر اللي وراه أكيييييييد طبعاً طالع مش نافع وخد معاك السربنتينه والراديراتير وشوية الحبشتكانات من فوانيس وشبكة وقربة الميه لو طالعه متدغدغة
طبعاً حضرتك كدا كدا هاتغير ماتور وطبعاً السمكري هايبص علي القواعد بتاعته وبتاعت الفتيس ومكان تثبيتهم في جسم العربية وهل كل دول وصلتلهم الخبطة ولا لأ
وقبل أي حاجة حابب أقولك أن الحكم من الصورة مش هايبقي دقيق بالمرة بس كل الحكاية أننا بنحاول نفكر مع بعض عشان نحط رينج ولو مبدئي للتكلفة ،،، وفي الأول والأخر حاول تروح لحد ثقه وعنده ولو جزء من الضمير عشان ضمير كامل دلوقتي مش هاتلاقي مرة أخيرة حمدلله علي 100000سلامة
المفضلات