الموضوع: هو العازب ده بنك مركزي

</B>melouk1

ليا واحد صاحبى ف الشغل ،، بيستلف مبالغ صغيرة بحيث اكون محرج اقوله عليها او اطالبه بيها!!
علشان متجوز ، و المصاريف ... و الكلام الفارغ ده
و هو بياخد مشاريب ف الشغل مثلا ب مرتب لوحده !!

و دا لإنى العازب اللى ف المكتب !!
فعلا المتجوزين بيشوفوا العازب بنك تسليف !!

المشاركة الأصلية كتبت بواسطة tasaka

انت قلبت علينا المواجع

دى الخلاصه .. لا خجل و لا رحمه و لا شفقه بامثال هؤلاء ( بس للاسف اتعلمت ده متأخر اوى ) .. و الافضل انك تقطع علاقتك بيهم

المشاركة الأصلية كتبت بواسطة Ladawy

ليا واحد صاحبى ف الشغل ،، بيستلف مبالغ صغيرة بحيث اكون محرج اقوله عليها او اطالبه بيها!!
علشان متجوز ، و المصاريف ... و الكلام الفارغ ده
و هو بياخد مشاريب ف الشغل مثلا ب مرتب لوحده !!

و دا لإنى العازب اللى ف المكتب !!
فعلا المتجوزين بيشوفوا العازب بنك تسليف !!

و الله اللي انت بتقوله ده صحيح الناس دي معاها فلوس اكثر مني 100 مره و مدلعه نفسها علي الاخر في المقابل انت قاعد بتحوش فلوسك علشان لو حصل و اتجوزت تعرف تسد علي مصاريف الجواز مع الارتفاع الجنوني المستمر لأسعار الشقق و الفرش و التشطيب و غيره غير الشبكه طبعا و المهر اللي بيطلعوا لفوق كل يوم
من الاخر الناس دي عايشه براحتها لأنه خلص من التكاليف العاليه ال initial investment يعني و مبقاش تقلب الاسعار يفرق معاه الا في الاكل و الشرب و الله يا باشا الواحد ما عارف يجيب لنفسه اي حاجه بسهوله لأنه بيحوش و بأستمرار علشان يعرف يتجوز لما يجي النصيب
يعني هو لو جوازه اتكلف 300 الف انت هتتكلف 400 الف لمجرد انك اتجوزت بعده
طبعا محدش شايف الا انك عندك فلوس علي قلبك و ماله لما ناخدها منه و نظبط امورنا
ده في بعض الاحيان الفلوس ترجعلك شهر و لا شهرين و يرجع يستلفها تاني

</B>mody1982

المشاركة الأصلية كتبت بواسطة lena jo

اقراض المحتاج و فك كربه و كمان ان امكن التنازل عن الدين احيانا له ثواب عظيم لكن مش كل الحالات بتكون محتاجة فعلا تقترض.
اعرف واحدة ارملة و اولادها متزوجين و ليس عليها اي التزامات و معاشها مكفيها لكن لو مثلا حبت تعمل عزومة تقترض مع ان لها حساب في البنك لكن مش بتحب توجع دماغها و تسحب . تستلف و خلاص و خصوصا ان اللي بتستلف منها بتقولها براحتك ردي وقت ما تحبي مش مستعجله. برده مش مشكلة مادامت بترجع وقت ما حددت لكن يعني اهي مش محتاجة تستلف غيرها اللي في وضعها مترضاش ابدا تستلف لكن تسحب من البنك احسن.
كما قلت حضرتك فعلا فيه ناس تحس انهم مستخسرين فيك الفلوس مع ان انت احوج منهم لانك لسه امامك مصاريف زواج مستقبلية ليس لها اول و لا اخر .
الناس مش بتقدر و لا بتحس الا قليلا منهم . يعني هما شايفين الشخص مقطع نفسه شغل و ممكن شغلتين ، كل ده عشان يكون مبلغ يعرف يتزوج به او حتي يشتري عربية مثلا حقه و هو حر . انت ريح نفسك و اكيد عارف مين اللي محتاج فعلا و مين اللي بس بيحب السلف و الاسوأ ان ساعات ناس بتستلف عشان تعمل حاجة تتمنظر بها او تشتري حاجة ملهاش لزمة .
انت اعمل ظرف و ضع فيه مبلغ تستطيع الاستغناء عنه و سلف منه و اعتبره صدقة مستمرة لو خلص متسلفش و لما اللي سلفته يرجع الفلوس، سلفهم تاني . و الشخص اللي تحس انه مش ناوي يرجع او مش محتاج فعلا حطه بلاك ليست. طبعا يوجد بعض الاشخاص الذوق و ميحبوش الدين لكن فعلا بيتزنقوا و بيرجعوا بسرعة دول ممكن يكونوا خارج نطاق الظرف مش مشكلة مادمت متأكد منهم و بيصدقوا معك. كمان فيه اللي بيكون عايز يحجز حاجة او يشتري فرصة قبل ميعاد معين و عارف انه هيقبض و يسدد لكن بس مزنزق في الوقت .ده كمان مش مشكلة لانة وقت القبض ملزم يسدد فورا بس برده تكون عارف انه ملتزم
لكن طبعا متسلفش لدرجة انك انت نفسك تحتاج فلوس.
ربنا يصلح الحال و يرزقك الزوجة الصالحة و الناس تبطل تعتبرك بنك. و ابقي غيظهم و استلف انت منهم غلاسة. ربنا ما يحوجك للسلف ابدا

كلام حضرتك صح بس للأٍسف معظم اللي بيستلف ناس معاها فلوس كتير اصلا بس مسرفين يعني اعرف واحد مرتبه قرب ال 25 الف جنيه و دايما مزنوق و دايما في ضيقه و دايما معهوش فلوس مع العلم انه لا بيدفع اقساط شقه و لا عليه فلوس قرض و لا الكلام ده
قوليلي ده يبقي ايه سبب زنقته الا انه مسرف
واحد تاني اعرفه مرتبه اعلي من اللي فات و تقريبا بيصرف نصه علي طلبات مراته الغير مبرره زي مثلا انه يجيب ليها عربيه غاليه جدا بالقسط هو نفسه مش راكبها كه انها بنت ناس عاديه جدا و اقل من العادي كمان او ان كل ما ينزل موبايل جديد يجيبوه لها مهما كان تمنه
قوليلي ده برضه اسمه ايه
و تلاقي الاثنين دايما يبتسموا و هما بيستلفوا ابتسامه صفرا و يقولك شايف احنا مزنوقين ازاي شايف الجواز وحش ازاي متتجوزش علشان يبقي معاك فلوس
مش عارف ليه شايفين المشكله في الزواج مش في اسرافهم و سفهم

قوله خلى الى رزقك بالجواز يرزقك بالفلوس بس بعيد عنى

المشاركة الأصلية كتبت بواسطة hitman235

قوله خلى الى رزقك بالجواز يرزقك بالفلوس بس بعيد عنى

هههههههه
لا الناس دي بتلاقيها بجحه و زي ما قولتلك بيبدء كلامه معاك بانه يقفل لك اي سكه للهرب
تلاقيهم جايين ليك وقت نزول مكافأه و لا حاجه من دي
ويقولك مزنوق و انت موراكش مصاريف و انت مش عارف ايه
و انت الحمد لله ممكن تستغني عن مبلغ لوقت مرقت
الدخله نفسها بتبقي مخلياك عايز تضربه علي وشه