أختكم لبني حسين تطلب مساعدة: دايو لانوس 2

**لبني حسين** · 10-09-2016 04:37 AM

مساء الخييير
انا عندي سيارة دايو لانوس 2 موديل 2000
بيحصل عندي أني لو هبطت بسرعة و فجأة في حفرة عمقها 7 سنتيمتر ..يعني ذي ما تقولوا كده اسلفت مش متساوي اي فرق بين طبقتين أسفلت علي الطريق

بسمع بوضوح جدا صوت خبطة قوية مرعبة أوي في السيارة من الخلف و تحديدا يكون الجانب الأيمن

انا اعتقدت شيئ في الشنطة ...ففضيت الشنطة من كل شيئ ...و ما زال الصوت بيحدث في الموقف الموصوف اعلاه
اعتقدت انه المساعد ..الميكانيكي فحص المساعد بالضغط علي خلف العربية ناحية اليمين بقوة و الغريبة ان العربية كانت مرنة جدا ...يعني المساعد بياخذ و يدي بدون اي مشاكل او اي صوت وكمان المساعد مفهوش اي ترشيح للزيت و كمان اللياي الحديد بتاعه سليم مفهوش اي كسر
بصراحة محتارة اوي و انا بعتمد علي العربية في مشارويري فارجو ان تفيدوني
لبني حسين

**Colin Chapman** · 10-09-2016 11:39 AM

.................................................. ...
................................................

**لبني حسين** · 10-09-2016 12:32 PM

صباح الخير اخوتي
معقول و لا حد يرد علي رد مفيد .....فين التعاون يا شباب؟
ارجو الرد و التوضيح

**sherif_mahalla** · 10-09-2016 09:03 PM

هو أكيد المساعد عايز يتغير
بيبان في المطبات إيه الحاله؟
يعني العربية لو محملة أوزان تقيلة بتفضل عالية و لا بتجرجر في الأرض
ممكن تغيريه و تشوفي
لو مش هو السبب مخسرتيش حاجه
خليه عندك لما تحتاجيه

**لبني حسين** · 11-09-2016 02:10 AM

اشرك اخي الكريم علي الرد
و لكن الميكانيكي عاين و فحص المساعد ووجده بحالة جيدة جدا فليس به زيت مسرب و يتجاوب باريحية عند الضغط علي جانب السيارة و كذلك السيارة لا تنخفض علند تحميل عدد ثلاث ركاب في المقعد الخلفي و هو ما جعلني استبعد فكرة وجود خلل في المساعد .....
هل من افكار اخري؟ او حلول مقترحة؟
مع الشكر
لبني

**Maged_Samy** · 11-09-2016 09:08 AM

في الغالب ممكن تكون جلب مقصات ، ممكن تروحي لعفشجي هيقولك العيب علطول لان دي شغلته اكتر من الميكانيكي

**ahmed_abd710** · 12-09-2016 05:52 PM

على فكرة انا كان عندى نفس الموضوع ده وروحت للميكانيكى وكشف على المساعدين اللى ورا والسوسته وكانوا تمام طلع العيب من العلايات الموجودة تحت السوستة االعلايات لاصلية بتاعت العربية وكانت بايظة وغيرتها وعليت العربية شوية وراح صوت الهبدة الجامدة ده ورا

**picaso55** · 16-09-2016 02:01 AM

انا غيرت المساعدين و عليت العربية و طلع عندي نفس صوت الخبط ده مش عارف ازاي ممكن تكون العلايات فعلن

**Mohamed Desoky** · 16-09-2016 02:16 AM

الموضوع محتاج عفشجى لان فى احتمالات تانيه لازم تتشاف بلعين والكشف عند العفشجى كله هيبان لان ممكن تكون السوست ضعيفه وبتخبط فى بعضها مع الضم واكيد المساعد ضعيف وممكن جلب الدرفنسيل الخلفى هما دول العيوب والعفشجى هو الوحيد اللى هيكشف ويحددوبس لكن بلسمع مش هينفع لازم كشف وربنا يسهل ؟

**Colin Chapman** · 31-10-2016 08:50 PM

المشاركة الأصلية كتبت بواسطة Mohamed Desoky

الموضوع محتاج عفشجى لان فى احتمالات تانيه لازم تتشاف بلعين والكشف عند العفشجى كله هيبان لان ممكن تكون السوست ضعيفه وبتخبط فى بعضها مع الضم واكيد المساعد ضعيف وممكن جلب الدرفنسيل الخلفى هما دول العيوب والعفشجى هو الوحيد اللى هيكشف ويحددوبس لكن بلسمع مش هينفع لازم كشف وربنا يسهل ؟

https://www.youtube.com/watch?v=uhrOPWG4xf0