معرفة رأيكم عن طريقة التعامل مع دايو نوبيرا 2

السلام عليكم ..
لو سمحتم كان فيه مشكلة عايز اعرف رأيكم فيها ..
احنا معانا دايو نوبيرا 2 اوتو .. ماشاء الله عليها فعلا من احسن السيارات الكورية اللي نزلت ف زمنها ..
بس الحاج ابويا بيعاملها اسوأ معاملة بجد ..
يعني بتدخل الصحراء وطرق مكسرة وبتشيل حمولة كتيرة فعلا..
المهم .. انا كنت عايز اعرف الحاجات دي غلط ولا صح وهل ليها تأثير ع آداء السيارة بشكل عام والموتور بشكل خاص ؟؟
١- ان العربية تبقي راجعة من مشوار طويلا مثلاً .. و اول ما توصل البيت الحاج يطلع خرطوم المياه ويغرق الموتور كله والعربية طالع منها بخار فظيع عشان الموتور بيقي ساخن جدااا .. بحجة انه بيبردها وبيغسل الموتور .. مع اني بقوله ع الاقل اصبر لما الموتور يبرد ..!!
٢- ان العربية ابقي ماشي بيها ع سرعة عالية والفتيس ع ال D وييجي الحاج ناقل الفتيس ع ال N مرة واحدة ويقولي ملكش دعوة بريح الفتيس !!
٣- اول ما اجي اركن العربية يدوس سنة فرامل خفيفة وبعدين يروح جايب الفتيس ع الp مرة واحدة .. انا بقوله ان كده بتحمل ع تروس الفتيس ولما تيجي تدور العربية وتنقل ع اي غيار بيبقي حركة الفتيس صعبة شوية ..!!
٤-فيه مشاكل كتير بس انا هكتفي بدول دلوقتي .. اي حد يقولي رأيه عشان انا احترت ونفسي اقدر اقنعه بالصح وطريقة السواقة دي بتدمر العربية