عايز عربيه حلوه في حدود ١٠٠ الف الى ١٢٠ الف

**Mazen_** · 10-09-2016 07:10 PM

السلام عليكم :D
انا طالب جامعي و عايز عربيه حلوه و شكلها حلو و تكون ثابته على الارض و طبعا موصفات السلامه فيها كويسه و واسعه عشان هتكون عربيه بيت و كده و عايزها في حدود ١٠٠ او ١٢٠ الف كده و تكون صيناتها حلوه و رخيصه
الي لاقيته في الحدود ديه و كده كان حلو
Nissan sunny
Geely xpandino
Byd
و اقرب وحده حاليا xpandino
ايه احسن وحده في دول على الموصفات الي قلتها فوق
و هل في حاجه احسن منهم مثلا ولا ايه ؟

**elnakshabandy** · 10-09-2016 09:57 PM

بس الصيني كماليات بي ام ومرسيدس
بس بعد شهر هتندم انك دفعت فلوس في حاجه صيني
خليك في نيسان او اعلي شويه وشوف الشرك

**theman** · 12-09-2016 07:55 PM

المشاركة الأصلية كتبت بواسطة elnakshabandy

بس الصيني كماليات بي ام ومرسيدس
بس بعد شهر هتندم انك دفعت فلوس في حاجه صيني
خليك في نيسان او اعلي شويه وشوف الشرك

الشارك النهاردة ب 200000 هو بيدور علي حاجة اخرها 120 للاسف 120 النهاردة متجيبش حاجة زيرو ولا حتي تجيب حاجة مستعملة نضيفة حسبي الله ونعم الوكيل

**madohamada** · 13-09-2016 02:51 AM

بص لو مصمم عالزيرو
عندك فيرنا وعندك لانوس وشيري انفي

بس نصيحه خليك في الكسر زيرو احسن يعني لو عاوز حاجه عليها القيمه ممكن 120 هتركب بيها اقتراحات افضل النترا او سيراتو شكل قديم 2010\2013 وممكن هوندا 2008 وممكن صني شكل قديم 2014\2015 وممكن لانسر سوبر اكشن في اكتر من اقتراح هيبقو افضل بكتير من زيرو المتاح قدامك

**theman** · 13-09-2016 11:03 AM

المشاركة الأصلية كتبت بواسطة madohamada

بص لو مصمم عالزيرو
عندك فيرنا وعندك لانوس وشيري انفي

بس نصيحه خليك في الكسر زيرو احسن يعني لو عاوز حاجه عليها القيمه ممكن 120 هتركب بيها اقتراحات افضل النترا او سيراتو شكل قديم 2010\2013 وممكن هوندا 2008 وممكن صني شكل قديم 2014\2015 وممكن لانسر سوبر اكشن في اكتر من اقتراح هيبقو افضل بكتير من زيرو المتاح قدامك

كل سنة وحضرتك طيب 120 متجيبش ولا حاجة من العربيات دي للاسف العربيات دي اسعارها بتبدا من 135 الحالات الممتازة كسر الزيرو الصني الشكل القديم 2015 او 2016 مش اقل من 140 والباقي كله بيبدا من 130 للاسف الاسعار ولعت جدا حسبي الله ونعم الوكيل

**theman** · 13-09-2016 11:11 AM

انا رايي المتواضع مش هتلاقي بالسعر ده عربية كويسة وهتدور كتير وهتتعب رايي هات زيرو وريح دماغك حتي لو فيرنا او لانوس بس نصيحة ابعد عن الصيني ريح دماغك علي الاقل 5 سنين وبعدين يحلها ربنا وبالتوفيق

**Mody_Samir** · 13-09-2016 04:43 PM

المبلغ اللى معاك يجيب معظم الماركات المحترمة من 2008 - 2011
متسمعش كلام اى حد بيقول اى كلام فاضى و المواقع متاحة و معروفة افتحها دلوقتى و شوف بنفسك
و ياريت اللى مش ايده فالسوق و مش عارف حاجة فالأسعار ميجودش

**theman** · 14-09-2016 06:14 PM

المشاركة الأصلية كتبت بواسطة mody_samir

المبلغ اللى معاك يجيب معظم الماركات المحترمة من 2008 - 2011
متسمعش كلام اى حد بيقول اى كلام فاضى و المواقع متاحة و معروفة افتحها دلوقتى و شوف بنفسك
و ياريت اللى مش ايده فالسوق و مش عارف حاجة فالأسعار ميجودش

مش تجويد بس انا بدور زيه بنفس السعر من 110 لحد 125 على حاجة ومش لاقي مستعمل نضيف ودورت في النت ونزلت السوق بلاقي الحالات الممتازة رينجها أعلى من كده علشان ارتفاع أسعار الزيرو لو حضرتك شايف ماركات كويسة بالسعر ده من 110 لحد 125 قولنا عليها بس غير الصيني

**Mody_Samir** · 15-09-2016 04:10 PM

وانا كمان بدور, بص عندك اللانسر معظم المعروض من 2008 ل2010 فيها مش بيعدى ال120
جرب موقع hatla2ee
,والى بيعرض بأسعار اكتر من كدة فى الموديلات دى تتربه فعزه سيبه اسبوعين و هينزلها تانى على نفس الموقع بسعرها
Honda city
Seat ibiza
و غيرهم كتير جدا فى معظم الماركات و عندك الكورى لو معندكش مانع منه, شراء المستعمل محتاج الصبر و عدم التسرع و هتلاقى اللى انت عاوزه بالسعر العادل ليه