الموضوع: اسئلة جديدة فى تشطيبات الكهرباء و الشقه

ا

ولا التكييف
طبعا التغذية بتاعته الكهربا امرها سهل لانها بتبفى من الوحدة الخارجيه و دى معمول حسابها بخرطوم كهربا و فيه اسلاك 6 مللى سويدى لكن السؤالين الى محيرنى دلوقتى
السؤال الاول مفيش مكان لمفتاح زى البتشينو للتشغيل او القفل و السلك طالع بالخرطوم من اللوحة حتى الشارع فممكن يتعمل على فيوز ؟
السؤال التانى بيبقى فيه خراطيم بين الوحدة الداخليه و الخارجيه و لازم يتخرملها فى الحيطه و دى هتخلى شكل الحيطه من برة و من جوة عار مفيش علبه بلاستيك كدة بغطا ممكن تركب فى الحيطه بيتعدى منها الحاجات دى ؟ عشان على الاقل النقاشه لما تتعمل تتعمل على نضافة بدل التكسير و الترميم ده

تقصد اية بفيوز ؟ -- طالما انت لسة فى مرحلة التوضيبات - افتح فى نص الخرطوم اللى خارج على الشارع وركب مفتاح بيتشينو عادى - ولو مش عايز تركبة - مش مشكلة
الخراطيم بين الوحدة الداخلية والخارجية فى الغالب بتبى فى ضهر الشاسية المعدن للوحدة الداخلية ومش هتبقى ظاهرة غير من الشارع فقط - ودة مش هيأثر على النقاشة - ولو عايز تغطى الخراطيم جنب الوحدة الخارجية فى الشارع علشان المنظر ممكن تعمل علبة الموتيال عمولة وتغطى بيها الخراطيم الخارجية - وعموما خلى معاك شوية بوية من نفس لون الحيطة علشان لو مكان تركيب التكييف وسخلك الحيطة تلون الجزء اللى اتبهدل

ثانيا سلك الدش
بفكر عشان ميبقاش فيه سلوك ماشية لوحدها زى المتشردين اننا اجيب البتاع البلاستيك دة الى بيتضغط يقفل و يتزق يفتح

بس السؤال الصعب دلوقتى هيتحمل عوامل الجو و لا ممكن يتكسر او يتفك لوحدة و يقع فى الشارع و فيه انواع افضل عشان يتعمل بيها تجميعة ؟

البلاستيك دة اسمة "دكت" لو السلك هتمشية فى منور لحد السطح - الدكت هيستحمل - لكن فى عوامل الشمس هيتأثر لكن على المدى البعيد - وبالنسبة للانواع - بصراحة من ساعة ما عرفت الدكت وانا بروح اشترية بمقاساتة - عمرى ما سألت عن نوع - وحتى البياع نفسة ميعرفلوش ماركة - غالباً- انتاج لمصانع بلاستيك معاد تدويرة .

ثالثا النور الاوتوماتيك انهى افضل جهاز و سعره كام ؟ و ليه الناس بتحذر من استخدام لمبات موفرة معاه و بيقولوا ركبوا النور اصفر عادى



رابعا احنا بيت 4 ادوار علويين الافضل نركب طبله باب البيت بالكهربا و لا مش مهمه ؟ و التكتافون ده مهم ولا مالوش لازمه ؟

طبلة الباب طالما لسة بتجهز المبنى اعملها احسن - على الاقل لما يجيلك حد متنزلش تفتحلة او تحدفلة المفتاح من البلكونة
التكتافون لو هيبقى جوة البيت مش هيستخدم كتير لان بابة العمارة مقفول باستمرار - اما لو فى الشارع - لو انت فى منطقة شعبية - العيال الصغيرة هتقرفك بية - لو انت فى منطقة راقية هيبقى كويس - دى رأى شخصى - لكن الاصح - اى حاجة فيها تكنولوجيا احدث اعملها طالما تقدر

خامسا الحمام بفكر اعمل السقف بتاعة بلاطات pvc الى مقاسها 60×60 دى ولا مش هتستحمل الرطوبة ؟ و ايه افضل فكرة لسقف الحمام عمتا لانى عمرى ماسكنت فى شقه الا و الرطوبه خربت سقف الحمام و الحمام ده هيتجاب فيه طبق ولا نجفه ولا ايه بالظبط لانى احتارت و مش عايز اجيب لمض نيون فى الاخر و لو فيه كام صورة كدة لاشكال النجف او الاطباق تبفى فله و انزل ادور على حاجة شبههم

لو عرفت تحل مشكلة الرطوبة مع الشقة اللى فوقك - وصل كهربا للسقف - لو معندكش حل لمشكلة الرطوبة - نصيحة امنية - ابعد الكهرباء عن السقف نهائى .

سادسا و اخيرا حبيت اختتم بالقوارض الموجودة فى المنور
المنور بتاعنا بلا فخر فيه حوالى 20 فار ظهروا فجأة و بدون مقدمات و بشكل مفزع لدرجة انهم بياكلوا السلك بتاع شبابيك المطبخ و الحمام قولت خلاص لما الراجل بتاع المحارة يخلص محارة و جريفيياتو السلم يدخل يمحر المنور محارة ناعمه عشان الفران متعرفش تطلع و المنور اصلا له طوب مفتوح مكان بنا الطوب فكل ده هيتسد و باب تحت هيتقفل و من السطح هنحط شبكة حديد فيها سلك بس بما انهم بياكلوا السلك يبقى هياكلوا سلك الشبكة الحديد برضه فنجيبلهم نوع سلك ايه ولا نسد المنور من السطح بأية اصلا ولا نكهرب البيت و نموت و نموتهيا ريت الى يعرف اجابه حتى سؤال واحد يرد عليا الله يباركلكم

اختار سماكة سلك كبيرة - الفران مش هتقدر عليها :) - اما لو قرفان من المنور للدرجة دى - ممكن تقفلة بلوح صاج مخرم (علشان تدخل نور للمنور)