تقييمكم للشيرى انفى

**salam100100** · 18-09-2016 11:08 AM

المشاركة الأصلية كتبت بواسطة hugan

الناس بتتكلم علي العربيه وكانها لسه اول مره تنزل الشارع
ياحضرات العربيه ليها 10سنين في الشارع
مبيعات اانتشار عالي جدا
سمعه طيبه واداء ممتاز
قطع غيار منتشره بكثافه ورخيصه فوق الوصف
الانتشار الكبير بعد انتقال الوكاله العبور
بعد ابو الفتوح
يعطيها الافضليه اكثر لاءي عربيه في فئتها
تفوقت في المبيعات الاخيره
علي اللوجان
الايمجراند
الافيو
بي واي دي
الانوس
3000عربيه مبيعات شيري في الفتره الاخيره بعد انتقال الوكاله

انا بتمنى انها تثبت نفسها (الانفى) وتحل محل الفيرنا واللانوس
سعرها حاليا حلو جدا وهتنافس جامد بسبب سعرها .......المهم تثبت نفسها
السعر مش كل حاجه لكن بردو هو مهم جدا فاخد قرار الشراء- وحاليا السعر هو اللى بيحرك الناس - فى شريحه كبيره من المشترين وانا واحد منهم عايز عربيه بالمواصفات دى وبالسعر دا وياريت لو اوتوماتيك ياسلام تبقى 100100

**hugan** · 18-09-2016 02:53 PM

المشاركة الأصلية كتبت بواسطة mohamed desoky

تسلم ياهوجان خليك متابع السوق بس انا قلقان من زيادة سعرها كانت فى شهر رمضان 100 ودلوقتى وصلت 110 فى شهرين يا جماعه اسعار كل شئ بتزيد بطريقه هبله ولسه المدارس والدروس الخصوصيه دى سنه وارمه من الغلاء ؟

والله موضوع الغلاء و ارتفاع الاسعار
شيء مقرف
يعني اللوجان وصلت ١٤٠ الف
وهي في الاصل عربيه مدعمه
وموجهه للشعوب الفقيره
الارتفاع والفساد علي الكل

**salam100100** · 25-09-2016 11:35 AM

Envy معناها فالترجمه "حسد"

ليه كدا؟؟؟؟؟؟؟

**zega332** · 25-09-2016 02:55 PM

انا اشتريت ال 2017 وعربية محترمة وعملت صيانة ال 1000 وعامل بيها تقريباً 1800 وماشاء الله في السفر وداخل البلد مع التكييف ممتازة وعالية والصالون ممتاز وكماليتها على سعرها منافس جداً وغبور عامل مركزين خدمة ليها أبو رواش وطريق اسكندية الزراعي. انا قارنت كتير بالكماليات والسعر بينها وبين الفيرنا واالانوس ولقيتها افضل... بالتوفيق

**Abdallah Reda** · 26-09-2016 01:33 AM

المشاركة الأصلية كتبت بواسطة zega332

انا اشتريت ال 2017 وعربية محترمة وعملت صيانة ال 1000 وعامل بيها تقريباً 1800 وماشاء الله في السفر وداخل البلد مع التكييف ممتازة وعالية والصالون ممتاز وكماليتها على سعرها منافس جداً وغبور عامل مركزين خدمة ليها أبو رواش وطريق اسكندية الزراعي. انا قارنت كتير بالكماليات والسعر بينها وبين الفيرنا واالانوس ولقيتها افضل... بالتوفيق

حضرتك شاريها من امتى ! وفيه صوت خبط وترزيع فى العفشة ولا لا !؟

ومشكلة الكركرة موجودة معاك ولا لا

**zega332** · 03-10-2016 03:11 PM

المشاركة الأصلية كتبت بواسطة abdallah reda

حضرتك شاريها من امتى ! وفيه صوت خبط وترزيع فى العفشة ولا لا !؟

ومشكلة الكركرة موجودة معاك ولا لا

انا استلمتها قبل العيد وموضوع العفشه الحمد لله مفيش فيه مشاكل هي ناشفة شويه بس مناسبة مع حجم العربيه ومع التحميل وموضوع الكركره انا مستني الموتور يعمل كيلوا متر اكتر عشان الحرق الداخلي وأظن هتروح وهي مبتكركرش غير مع الغيار العالي وده طبيعي في اي عربيه ((( بس العربية دي روح الغيار طويل فلو وقفت على مطب بتبقي عايزة الغيار الاول)))