تعبت من الإيجار الجديد وعاوز شقة فى مكان محترم

**خالد** · 14-09-2016 12:43 PM

بالله عليكم تساعدونى لأنى تعبت بجد ومش قادر أستحمل
حالياً أنا قاعد فى شقة إيحار جديد بــ 3000 ج فى الشهر وتعبت من الإيجار الجديد وعاوز شقة فى مكان محترم ومعايا 100000 ج مع العلم أنى عندى شقتين فى بيت العيلة بس فى منطقة شعبية جداً وزحمة ودوشة الــ 24 ساعة ، بالله عليكم اللى يعرف شقة إيجار قديم أو تمليك بالمبلغ ده ولايزيد عنه أبداً وممكن بعد كده تقسيط لباقى المبلغ ، بس أهم حاجة شارع هادى لأنى بكره الدوشة والإزعاج جداً
ربنا يبارك فيكم

**mahmoudselim** · 14-09-2016 03:25 PM

عليك و علي العبور

**mk3** · 14-09-2016 05:25 PM

بتدفع 3000 ايجار
ده انت تدفعهم قسط فى اجدعها مكان

**bluemail** · 14-09-2016 07:24 PM

شوف مدينة جديده، العبور او الشروق او بدر
شوف الاقرب لمكان شغلك ايه
بالتوفيق

**خالد** · 14-09-2016 11:04 PM

متشكر لردودكم الجميلة
أنا مأجر جديد فى مصر الجديدة جنب شغلى 5 دقايق بالعربية ، 20 دقيقة مشى من البيت للشغل
وجنب شغل المدام ومدارس الأولاد 5 دقايق مشى ، أنا عارف أنه مبلغ كبير بس الحقيقة أشتريت راحتى بالفلوس
دلوقتى داخل على سنتين يعنى دفعت حوالى 70 ألف جنيه ، بفكر فى حاجة إيجار قديم أو تمليك وأدفع أقساط بمبلغ الإيجار ده ، بس حابب يكون قريب من مصر الجديدة وقريب من شغلى ، لأنى بصراحة لقيت موضوع أن السكن يكون قريب من الشغل ده حاجة رائعة جداً توفير صحة ومجهود ووقت وهلكة عربية وبنزين وكل حاجة ، بس بصراحة حسيت أن مبلغ الإيجار الجديد عالى وأنى هفضل كده طول عمرى
أيه رأيكم أدور فى العبور بس سمعت أنها مليانة تكاتك ومدمنين والسرقة فيها كتير بالإضافة أنها تبع القليوبية ، ولا أروح الشروق مع أنها أبعد شوية ، ولا أدور فى الأماكن القريبة زى الزيتون وزهراء مدينة نصر بس أنا المهم عندى الهدوء والبعد عن المحلات والتلوث والتكاتك
معلش أستحملونى شوية ، وياريت لو حد يعرف رينج الأسعار يدلنى

**bluemail** · 14-09-2016 11:13 PM

طيب ما تدور في النزهه الجديده، هتكون ممتازه بالنسبه ليك

**خالد** · 14-09-2016 11:19 PM

المشاركة الأصلية كتبت بواسطة bluemail

طيب ما تدور في النزهه الجديده، هتكون ممتازه بالنسبه ليك

أعتقد الأسعار فيها عالية ، ألا لو حضرتك تقصد النزهة 2 ، ودى زحمة جداً وكلها أبراج ومفيش طبعاً مكان لركن العربية ودوشة جداً والمياه بتقطع فيها بإستمرار وفيها مشاكل كتير ، أنا كنت بسأل فى قباء ولكن قالولى أنها نفس الوضع ونفس مشاكل النزهة 2

**mahmoudselim** · 14-09-2016 11:29 PM

العبور انا ساكن فيها وشغلي في شارع ابن بطوطه جنب قصر البارون بروح الشغل في 20 دقيقه اما موضوع التكاتك دا هو موجود بس مش بكثافه بالنسبه للمدمنين والكلام دا انت محتاج تنل العبور لفه كدا علشان شكلك واخد فكره غلط عنها واو بتتكلم عن مدينه السلام

**mahmoudselim** · 14-09-2016 11:32 PM

من العبور لكوبري الحرفيين شارع جوزيف تيتو لصلاح سالم 20 دقيقه

**خالد** · 14-09-2016 11:57 PM

المشاركة الأصلية كتبت بواسطة mahmoudselim

العبور انا ساكن فيها وشغلي في شارع ابن بطوطه جنب قصر البارون بروح الشغل في 20 دقيقه اما موضوع التكاتك دا هو موجود بس مش بكثافه بالنسبه للمدمنين والكلام دا انت محتاج تنل العبور لفه كدا علشان شكلك واخد فكره غلط عنها واو بتتكلم عن مدينه السلام

ربنا يباركلك أستاذ محمود ، فعلاً أنا محتاج أنزل العبور مرة كده لأن فكرتى عنها كانت من خلال صفحة المدينة على الفيسبوك ، بالنسبة للأسعار كام تقريباً السعر لشقة 3 غرف ؟ وحضرتك ترشحلى أنهى منطقة أدور فيها هادية وبعيد عن الزحمة وسعرها معقول يعنى مقدم لايزيد عن 100 ألف ، وحضرتك تفضل العبور ولا الشروق ومتشكر لتعب حضرتك معايا

الموضوع: تعبت من الإيجار الجديد وعاوز شقة فى مكان محترم

LinkBack

أدوات الموضوع

عرض

-

-

-

-

المواضيع المتشابهه

تعبت من نور اللانوس لبست مطب محترم و لسه مركب الاوسرام نايت بريكر

مساعدين النوبيرا بقو بكام دلوقتي والانواع ايه وعاوز عفشجي محترم ف اسكندريه

انا تعبت من الشمس وعاوز حل

تعبت من صنايعية الجولف وعاوز ابدلها

انا تعبت وعاوز حل للفرامل

الكلمات الدلالية لهذا الموضوع

المفضلات

المفضلات

ضوابط المشاركة