تعبت من الإيجار الجديد وعاوز شقة فى مكان محترم

**خالد** · 15-09-2016 04:55 PM

المشاركة الأصلية كتبت بواسطة mahmoudselim

https://m.facebook.com/groups/193931...07209769302732
شوف اللينك دا كدا

متشكر جداً لتعبك ، بس الشقة دى للإيجار مش للبيع
ربنا يباركلك

**خالد** · 15-09-2016 04:58 PM

المشاركة الأصلية كتبت بواسطة mahmoudselim

https://m.facebook.com/groups/193931...07383682618674
دي لقيتها برضوا لسه نازل اعلانها دلوقتي واعتقد مناسبه ليك بس 63 متر

ربنا يكرمك ، للأسف الشقة دى صاحبها بيسأل بس تجيب كام !!! بس مش ناوى يبيع !!!

**Karim Alaa** · 15-09-2016 05:27 PM

المشاركة الأصلية كتبت بواسطة خالد

أعتقد الأسعار فيها عالية ، ألا لو حضرتك تقصد النزهة 2 ، ودى زحمة جداً وكلها أبراج ومفيش طبعاً مكان لركن العربية ودوشة جداً والمياه بتقطع فيها بإستمرار وفيها مشاكل كتير ، أنا كنت بسأل فى قباء ولكن قالولى أنها نفس الوضع ونفس مشاكل النزهة 2

بص يا باشا بالنسبه لقباء لا فيها زحمه غير فى شارع ابراهيم الخليل الرئيسى بس كل الشوارع الجانبيه هاديه جدا دور فى خالد بن الوليد او البدراوى و شوف هدوء الشارع و هتدعيلى و الخدمات فيها كويسه جدا قرايبى ساكنين هناك من زمان و قعدت فيها فتره ولا الميه بتقطع كتير ولا حاجه و الاهم انها مترخصه و كلها عدادات حكومه عكس النزهه 2 الى حرفيا مكان شعبى عشوائى جدا و كله مخالف المشكله مفيش شقه بالمبلغ ده كاش و لا قسط انا اعرفها بس ممكن اديك رقم سمساره و تدورلك

**sherif_mahalla** · 15-09-2016 08:46 PM

طيب ممكن يكون المبلغ ده مقدم و يقسط الباقي

**خالد** · 15-09-2016 10:21 PM

المشاركة الأصلية كتبت بواسطة karim alaa

بص يا باشا بالنسبه لقباء لا فيها زحمه غير فى شارع ابراهيم الخليل الرئيسى بس كل الشوارع الجانبيه هاديه جدا دور فى خالد بن الوليد او البدراوى و شوف هدوء الشارع و هتدعيلى و الخدمات فيها كويسه جدا قرايبى ساكنين هناك من زمان و قعدت فيها فتره ولا الميه بتقطع كتير ولا حاجه و الاهم انها مترخصه و كلها عدادات حكومه عكس النزهه 2 الى حرفيا مكان شعبى عشوائى جدا و كله مخالف المشكله مفيش شقه بالمبلغ ده كاش و لا قسط انا اعرفها بس ممكن اديك رقم سمساره و تدورلك

ربنا يكرمك ، كويس أن حضرتك وضحتلى الأمور ، يبقى هحط قباء فى الحسبان وهكون محتاج أنزل فيها مرة كده على الطبيعة وأتفرج عليها ، وأنا زى الأستاذ شريف مابيقول المبلغ هيكون مقدم وأقسط الباقى ، بصراحة مش عاوز أستنى كمان سنة مع الإيجار الجديد يعنى 36 ألف ج تانى وطبعاً مش هعرف أحوش حاجة وهتفاجأ أن الأسعار أرتفعت أكتر ، والــ 100 ألف ملهومش لزمة !!1 مع أنى أخدت على مصر الجديدة خلاص وهدوئها وجمالها بس صعبان عليا أنى هفضل كده أدفع 36 ألف كل سنة ويمكن أكتر مع الزيادة السنوية !!! والله المستعان ، هدور تانى فى المدن الجديدة العبور والشروق والتجمع الأول وأزود عليهم قباء ، ولو فيه حاجة ظهرت قدام حضرتك ياريت تبلغنى وربنا يكرم الجميع

**hugan** · 15-09-2016 10:45 PM

انزل الشروق وخد جوله في المدينه
وبينها وبين مصر الجديده ثلث ساعه
شخصيا افضلها عن العبور بمراحل
اهداء ومافيهاش تكاتك ولا صناعي
ليها مداخل من طريق السويس واسماعيليه
مالهاش امتداد عمراني مدينه معلقه
قاهره مش قليوبيه
شوف وقارن
اللي يناسبك اختاره

**hugan** · 16-09-2016 03:19 PM

المشاركة الأصلية كتبت بواسطة خالد

ربنا يباركلك ، الشروق أنا روحتها زمان من حوالى 6 - 7 سنوات ومحسيتش فيها بالأمان كنت حاسسها مدينة أشباح كانت فاضية خالص مفيش غير العمال !!!! بس طبعاً أكيد دلوقتى أتغيرت ، وياترى متوسط الأسعار هناك أيه ؟ وأيه أحسن الأماكن والأحياء اللى حضرتك ترشحهالى أدور فيها تكون أيه ؟ أهم حاجة الأمان وعمار شوية ، معلش بتعبك معايا ربنا يكرمك ويرزقك ويرزق الجميع من حيث لانعلم ولانحتسب

شوف الشروق هاديه جدا جدا لو بتعشق الهدؤ وغير محب للازعاج
متوسط الاسعار
فيلات 3500/4000 شقق فيلات
3000شقق عمارات
في اسكان بنك التعمير شقق 70/100/130متر
اسعارهها متوسط 2500 المتر
منها عليه اقساط ومنها منتهي القسط
الحي السابع والثامن والتاسع فيلا ت ارقي وانضف اماكن الشروق

**خالد** · 16-09-2016 06:20 PM

ياترى لو عجبتنى شقة فى المدن دى وعاوز أشتريها ، أعمل أيه ؟ يعنى أيه الأوراق اللى المفروض أشوفها وأسأل على الشقة فين بحيث متعرضش للنصب ويكون كله قانونى ، أسجلها فى الجهاز ولا فين وهل بيكون عقد بيع وشراء وخلاص كده ولا بيكون تنازل فى الجهاز ولا أيه بالظبط ؟ ولو واحد شارى من واحد تانى أعمل أيه برضو ؟ ربنا يكرمكم