الموضوع: دليلك الشامل حول اول زياره عند صيانه منصور

المشاركة الأصلية كتبت بواسطة hazem76kd

الف مبروك يا احمد باشا وشكراً جداً على المجهود انت شجعتنى اروح الصيانة انا كنت شايل هم اليوم ده بس معندكش فكرة ممكن يصينوها قبل اتمام ال5000 ولا لازم تتمهم

الله يبارك فيك يا باشا والله انا برده كنت خايف اروح :k40:من كتر الكلام الى انا سمعته بس الحمد لله عدت على خير وعقبالك ان شاء الله اما بالنسبه للصيانه بيكون العربيه معديه ال4500 فما فوق يعنى مترحش وانت عامل 2000 علشان صيانع ال5000 بس لو فيها اى حاجه ممكن تروح قبل الميعاد عادى

المشاركة الأصلية كتبت بواسطة venus-doom

طيب يا جماعه انا عربيتى استرا (ضمان منصور عشان كده بكتب هنا) و مش لاقى معاها كتاب الضمان ده او جايز هو مش جاى معاها مش عارف بس انا بروح اعمل صيانه و كل حاجه و كمان فى حاجات غيرتها فى الضمان زى الفوانيس بدون ميطلبو كتاب الضمان؟؟؟؟؟
و المشكله انى كنت بسال المهندس شريف (فعلا لراجل محترم) على هل عربيتى ليها ضمان ضد الصدا ولا لا قالى مكتوب فى كتيب الضمان ؟؟؟؟؟؟؟؟

اولا حضرتك تنور فى المنتدى فى اى وقت
ثانيا بالنسبه لكتاب الضمان حضرتك ممكن تروح منصور الى فى شارع جامعه الدول العربيه ومعاك الرخصه وهم هناك حيدوك الكتاب مش مشكله خالص

المشاركة الأصلية كتبت بواسطة hanboly

ابن حلال لسه النهارده عامل صيانة ال 5000 واول مره اروح طبعا
وكنت ناوى اعمل موضوع كويس اديك وفرت عليا :)
انا عملت زيك بالظبط تقريبا نفس الخطوات
كلمت 16424 وحجزت ميعاد الساعه 2 ورحت وسلمت العربيه للمهندس هانى عادل
رجل محترم اوى بجد وكتب اللى هاعمله فى العربيه
وهو بس صيانة ال 5000 وتغيير زيت موبيل 1 10000
ودخلت جبتله امر شغل وابتدا فيها 2 وربع ودخلت قعدت فى الاستراحه وشربت شاى ببلاش :)
المفاجاه بالنسبه ليا ان العربيه خلصت 3 وربع !! مكنتش مصدق
دخلت جوا عشان ادفع والذى منه اخدت حوالى ربع ساعه ودفعت 276 ونص دول تمن الزيت والفلتر
وختمت الضمان
وكنت 3 ونص ماشى من هناك مكنتش مصدق السرعه دى
بجد من انضف واشيك واحسن التوكيلات

الف مبروك يا باشا انا لو كنت اعرف كنا رحنا مع بعض بس تتعوض ان شاء الله المره الى جايه

المشاركة الأصلية كتبت بواسطة fadymelad

الف مبروك يا غالى على الصيانة

عقبالنا كدة لما نروح نشرب الشاى والنسكافية :b4_033:

الله يبارك فيك عقبالك

المشاركة الأصلية كتبت بواسطة hulk

مبروك عليك يا باشا :)
وزى ما قولتلك انتا فعلا انسان محترم جداااا
وبجد مجهود رااائع ف الموضوع جزاك الله كل خير على كل الى عملتة
بس انا عاوز اسأل زى الاخ الى قال هل لو ممكن عندى مشكلة وعامل 2000 كيلو مثلا ممكن اروح الصيانة ولا لاء ؟
كمان الموضوع الى اثرتة قبل كدة من انى اركب انزار او سنتر او العب ف الدفيرة او مغير الجنط ؟؟ هل كل دة يخرجنى برة الضمان ! ولا الاجزاء الى انا لاعب فيها بس هية الى هتخرج؟ ... سؤال تانى انا عندى الزيت قليل جداااااا ف القياس علية وضح انة على العلامة الى تحت خالص هل دة طبيعى ولا لازم الزيت يكون max
ولتانى مرة بشكرك جداااااااا على الموضوع

اولا شكرا جدا على المجامله اللطيفه دى
ثانيا الصيانه بتتعمل ما بين4000 او 4500 فما فوق
ثالثا اى حاجه عاوز تعملها زى انذاى او اى حاجه اعملها بس عند حد محترم علشان لو ركبت حاجه و بوظت حاجه فى كهربت العربيه حتخرج برده الضمان
رابعا الزيت المفروض يبقى ما بين العلمتين ال man و max يعنى عادى جدا متقلقش

المشاركة الأصلية كتبت بواسطة hazem76kd

ألف شكر با احمد باشا، وطبعاً انا هروح إن شاء الله بعد 4500 علشان بعدها هسافر مسافة طويلة انا شغلى فى مطروح هل عندك فكرة الكتالوج ممكن اخده من هناك ولا من المهندسين

الكتالوك حتاخدو من المهندسين اضمن حاجه