-
استشارة مستعجلة :d
السلام عليكم ورحمة الله وبركاته
كل عام وانتم بخير ،، :floating:
بصراحه انا ملاحظ ان المنتدى عامل مجهود رائع في خدمة الناس فاحب اشكركم .. جزاكم الله خيرا،،:tumb:
انا كنت محتار في امر شراء سيارة وقولت محدش افضل منكم هيساعدنى ان شاء الله .. بس اسألكم بالله كل اللى عنده معلومة ميبخلش عليا.. وعشان اشجعكم انكم تجاوبوني اكتر .. هدعيلكم دعوه حلوة .. يارب اللى يفيدني يتجوز :D ..ندخل في صلب الموضوع .. انا معايا عربية سوزوكى فان 2016 ومعايا دورة كويسة والحمدلله وعايز احافظ عليها .. بس السوزوكي اثبتتلى انى مكنش ينفع افكر فيها اصلا فقررت ابيعها واشترى حاجة فان افضل ... فيه واحد أشار عليا بأني اجيب ال هيونداي اتش 1 مستعمله موديل من 2003 الى 2007 وقالى دى برقية كل الفانات اللى موجوده دلوقتي حتى الشيفرولية وحتى لو الشيفروليه موديل السنة فالاتش وان 2003 تبقى احسن منها .. وانا مش عارف اقتنع ولا لأ وخصوصا انى مبرتحش للمستعمل خالص .. بحس جواها اسرار كتير انا مس هكون عارفها ده بالنسبة للمستعمل انما الجديد انا هكون اول يد فهكون عارف كل اللى فيها فياريت تفيدوني اجيب انش وان مستعمل ولا ان 300 جديد ؟.. كده انا حكيت الحكايا من طأطأ لسلامو عليكو .. مستنيكم وياريت سريعا لانى محتاج السيارة عشان الدورة. جزاكم الله خيرا
-
محدش عايز يتجوز يعني ؟ محدش رد عليا يارجالة
-
عليكم السلام ورحمة الله وبركاته
عيد سعيد
انا بقول طالما انت عاوز تحافظ علي شغلك يبقي تجيب شيفروليه n300
عربيه زيرو هتريحك في الشغل
ال h1 عربيه موتورها ديزل، كامة واحده ، 8 صباب
بالنسبة للترخيص اعتقد لا ترخص ملاكي
قطع الغيار مش منتشره اوي فهتحتاج للتوكيل
بالتوفيق في اختيارك
-
Bluemail جزاك الله خيرا على ردك ولكن ممكن تفهمنى ايه مشكلة المواصفات اللى انت قولتها عن ال اتش 1
-
-
-
-
-
Content Relevant URLs by
vBSEO 3.6.0 PL2