نقص عندى فى زيت الماتور بدون اسباب واضحة ؟
انا معايا عربية افيو 2008 وبعمل كيلومترات بسيطة فى السنة فى حدود 8000 كم او أكتر حاجة بسيطةوخلال فترة ضمان عربيتى كان التوكيل بيحط لى اتش إكس بي موبيل وبعد انتهاء مدة الضمان خلال 3 سنين حطيت شل الترا التخليقى 3 مرات ومنقصش ولا مرة غير ان لقيت فى أول مرة حطيته جوان التاكيهات مرشح زيت غيرته ومن ساعتها مفيش مشكلة
طب المشكلة ايه قولت اجرب حاجة تانية غير الشل تعادل نفس الأكواد api,aceaوالدرجة اللزوجة مثل زيت ولفر سوبر تك 5w-40 واشوف الأمور عاملة ايه فلائيت ان ولفر اهدى حاجة بسيطة عن الشل فى صوت الماتور ولكن بعد 6000 كم بدأ ينقص فى خلال الشهر السابع من الاستخدام قولت اغيره واجربه تانى واشوف السبب ايه لقيت عند 4500 الرأى فى خامس شهر ونصف شهر بدأ ينقص فى حدود ربع لتر فى تلك المرتين مع العلم سواقتى على اربي ام 2او3 بالكتيير وسفريات على السريع بسيطة والمشى فى الزحمة بسيط اوى و أوزان تكاد تكون منعدمة يعنى استخدامي للعربية مثالى جدا
فعاوزين نعرف المشكلة ديت من هذا الزيت درجة اللزوجةبتعته مش مناسب لعربيتى
والعربية عاملة معايا 74000كم
وكنت بسيب الشل الترا5w-40 لمدة سنة ومنقصش ولا مرة فى 3مرات إللى تحطوا فيه غير ان صوت الماتور كان بيبقى على شوية بس غير كده مفيش أي مشكلة
مش عارف ارجع لشل تاني ولا اكمل على كده وازود الولفر فى حدود النقص
ياريت أستاذنا البوريو وإخواننا يشاركوا فى المشكلة ديت عشان لو كان اللزوجة 5w-30 هى إللى اتحطت كنت قولت ان سبب النقص من اللزوجة الاخف وكان ده المنطقى إنما نفس الاكواد والدرجة 5-40 والمواصفة واحدة وده ينقص وده ماينقصش يبقى فى حاجة غلط وانا غسلت حوض العربية كويس عشان اشوف فى حاجة يترشح من فوق وتحت زيت مفيش أيتها حاجة
ظاهرة وكله تمام
المشكلة من اين ؟
