مساعدة فى كورولا عيون 99 وظبط الاسبراتير

**wael555_000** · 16-09-2016 06:55 PM

الاخوة الكرام السلام عليكم ورحمه الله وبركاتة ارجو من سيادتكم التكرم وافادتى بكيفيه ظبط الاسبراتير بتاع العربيه لانى مش عارف اظبطة ازاى وايه هوة اتجاة تعليه وتوطيه الكهرباء برجاء التكرم بالشرح ولو فى صور ياريت لانى جديد فى الموضوع دة وجزاكم الله الف خير
العربيه كورولا عيون 99 الموتور 2e 1300 cc

**lancer06** · 17-09-2016 06:25 AM

الاسبراتير هو المسؤل عن توزيع شراره البوجيهات
فى البدايه هتعلم بقلم من فوق الاسبراتير على الوضع الحالى قبل ما تحرك الاسبراتير علشان لو الموضوع مظبطش معاك ترجع كل حاجه لوضعها
كل اللى بتعمله انك بتفك المسمارين اللى ماسكينه حاجه بسيطه وبتدور العربيه وبتلف السبراتير سنه قدام مثلا وودنك مع المكنه لو صوت المكنه هادى ومنتظم تمام الصوت لو مش طبيعى رجع ورا سنه وهكذا بعدين بتبطل العربيه وبتدور دارت تمام هتربط المسامير وتطلع تجرب سحب العربيه وتشوف استجابتها فى الغيارات
نسيت اقولك اوعى تتكهرب خلى بالك من الموضوع دا

**wael555_000** · 18-09-2016 02:11 AM

اخى الكريم lancer06 اولا جزاك الله الف خير على الاهتمام والرد وكل عام وانت بالف خير وصحة وسعادة . ثانيا اعزرنى لجهلى بالامور الميكانيكيه ولكن حضرتك قلت بتلف السبراتير سنه قدام يعنى اتجاة اللف عكس ولا مع عقارب الساعة وايهما تقديم او تأخير . واعزرنى على اسئلتى الكتير لانى بأحاول افهم واتعلم .
وشكرا جزيلا لحضرتك

**lancer06** · 18-09-2016 11:07 PM

لو عاوز تعرف اتجاه تأخير الكهرباء وتقديمها
هتفك وش الاسبراتير ويكون حد معاك يدى سنه مارش الاتجاه اللى هيتحرك ناحيته شاكوش الاسبراتير هو اتجاه تأخير الكهرباء لكن ادى بالك لتتكهرب
وحاول تقرأ الموضوع ده
http://www.nilemotors.net/Nile/209188-a.html

هتلاقى فيه افاده بإذن الله وطريقه الضبط صح وبطريقه أمنه