الموضوع: أسعار السيارات و الجمارك 000فى برنامج البيت بيتك

مع الأسف هم اسم على غير مسمى يعني مسئولين غير مسئولين وبيقولو اي كلام والتصريحات عندهم غير مدروسة وكأنهم بيدردشوا ويشربو شاي ومش عارفين تأثير الكلام ده ايه.

عشان كده انا بطلت اخد على كلامهم في حاجة...

باختصار شديد ادام كل المسئولين دول قالوا ان الاسعار هتزيد و مش هترخص يبقى اكيد العكس هوة اللى هيحصل والاسعار هترخص ، دى قاعدة عامة و هقول السبب :
1- اصبحت ازمة الركود فى سوق السيارات و خاصة الجديدة مشكلة تؤرق كبار المستوردين و الوكلاء و المعارض ( الحيتان ) و حيث ان لهم نفوذ فى مجالات مختلفة و اهمها المجال الاعلامى ففى محاولة منهم لتنشيط هذا السوق ان يعرضوا فى برنامج البيت بيتك - و اللى هو برنامج مشكوك فى نزاهتة اصلا - هذا اللقاء لكى يؤكدوا ان اسعار السيارات سوف تزيد و بالتالى يندفع الناس الى الشراء نظرا لان السوق المصرى بنسبة كبيرة يعتمد على سياسة القطيع و ليس التفكير - يعنى 75% من الشعب مبيفكرش ، فلو نجحوا فى كسر حالة الركود بدفع شريحة كبيرة - من المنتظرين خفض الاسعار - الى الشراء سيتمكنوا من خلق وضع مغاير للواقع الاصلى و يقوموا بالبيع و زيادة الاسعار بعد ذلك بالرغم من ان الواقع يحتم حدوث العكس و هى دى شطارة المصريين !!
2- موضوع تكهين السيارات القديمة لا يجوز اصلا اذ ان حق الملكية مكتسب من الدستور و لا يمكن نزع الملكية الا للنفع العام او الضرر العام ، و لا يستطيعوا الا ان يوقفوا الترخيص للسيارات الذى يثبت انها مخالفة لاشتراطات البيئة فقط .
3- اما عن اثارة موضوع تكهين السيارات القديمة فى هذا الوقت بالذات قالهدف منة هو تخويف الناس ودفعهم الى التفكير فى شراء سيارة جديدة بدلا من شراء سيارة قديمة و كل دة مكسب ليهم ، و يبقوا ضربوا عصفورين بحجر او بمعنى اصح زودوا مبيعاتهم من الناحيتين
و دة رايى و الله اعلم و اســــــــــــف للاطالة

اسمحولي اقول تجربتي بالاتصال بشركة لشراء سيارة وهيه شركة معروفة لها موقع جميل على النت.... بعد تعب وتفكييير وتدبير مبالغ من هنا ومن هناك... وسلف ودين قررت شراء نوبيرا زيرو بعد مشاورات مع السادة المحترمين في المنتدى المهم اتصلت وقلت عايز اشتري نوبيرا قالت اوك.. مانوال ب76000 رديت اني معايا 68000ج لأني ده اخر الأخر وكمان ماعنديش استعداد اقسط مبلغ كبير ... عارفين قالت ايه؟؟؟ قالت ماينفعش تدفع المبلغ ده ...لأن لازم مبلغ الباقي لايقل عن 15000 من تمن العربية والقسط على 60شهر 405ج يعني لو عايز ادفع مبلغ كبير مقدم للنوبيرا اكبر حاجة 61000ج طبعا علشان الفوايد .... اعمل اييييييييييه انا طهقت

المشاركة الأصلية كتبت بواسطة ibrahimsaad

ماهو ممكن يجبرك على التكهين بعدم اعطائك ترخيص لاى سبب لان كل شئ فى ايديهم يعنى مثلا يخليلك السياره مخله بالبيئه مثلا او اى سبب اخر

واديك شايف انهم فى الفحص بيعملوا فحص للشكمان وممكن يغلسوا عليك وده حصل مع ناس اعرفهم

ايوة انا معاك ان دة ممكن يحصل بس مينفعش يتعمل على نطاق كبير و يتعمم على كل العربيات القديمة ، يعنى مينفعش يغلس على 100 الف سيارة قديمة ماشية فى شوارع القاهرة خاصة ان فى عربيات قديمة فعلا بس عربيات سليمة و مفيهاش اى مشكلة