أسعار السيارات و الجمارك 000فى برنامج البيت بيتك

**ahit** · 02-12-2008 12:18 AM

السلام عليكم و رحمة الله و بركاته

أنا لسه شايف برنامج البيت بيتك و كان تامر المزيع بيتكلم عن أسعار العربيات و إحتمال إن الأسعار تنزل فعلاً و لأ و هل مصر لا تتأثر بالمشكلة الإقتصادية العالمية و كان مستضيف 4 أشخاص على ما أتذكر رئيس شركة تمويل السيارات كونتاكت كار و مساعد رئيس تحرير جريدة الأهرام هشام ... مش فاكر اسمه بالكامل و رئيس المجلس الأعلى لجهاز السيارات المصرية ( تقريباً ) و شخص رابع من الحكومة مش فاكر اسمه خالص.

المهم إن نتيجة المقابلة هى :
1- إن رئيس الوزراء أكد أن أسعار الجمارك مش هاتنزل خالص
2- مفيش نقص أو تخفيض فى أسعار السيارات المجمعة فى مصر
3- إحتمال إرتفاع أسعار السيارات المجمعة فى مصر
4- إرتفاع أسعار السيارات الصينى
5- التفكير فى إلغاء ترخيص السيارات الملاكى اللى بقالها 25 سنة !!!

و الله بعد ما شوفت البرنامج دمى إتحرق من تصريحات المسئولين و عدم إحساسهم بالناس الغلابة إللى بيشقوا و يتعبو و يداينو و يقسطو عشان يجيبو عربيات مستعملة موديلات السبعينات و الثمانينات أو حتى الستينات و علشان ترحمهم من قرف و بهدلة المواصلات و غلاسة التاكسيات
و كمان الناس اللى زهقت من المستعمل و جت على نفسها و بيتها و عيالها علشان تشتر عربية جديدة بالقسط
يا رب إرحمنا من اللى بيحصل فينا من تجار بلدنا الجزارين و الحكومة و المسئولين اللى همهم قال تنشيط الإقتصاد و السوق.
و للأسف أى بلوة فى الخارج أو إنجاز فى الخارج أو فى السوق العالمى بيجى بالخراب و كوى على شعب مصر مش عارف ليه

و لا حول ولا قوة إلا بالله العلى العظيم
:K_crying[1]:

**M.Osman** · 02-12-2008 12:38 AM

قشطة جدا ....

**Michael_Lanos** · 02-12-2008 12:40 AM

هي دي مصر
كلمه ليها معانى كتير

**أحمد سالم** · 02-12-2008 01:57 AM

والله عندك حق يااستاذ احمد حسن
انا بحس دايما ان كل دول العالم الحكومات بتعمل كل مابوسعها لصالح الشعب
اما فى مصر اعتقد ان الحكومه كل همها تحط العراقيل قدام الشعب
ومش عارف ليه بصراحه
يعنى هما ولا منهم بيوفرو مواصلات ادميه
او يشوفو حلول لمشاكل الزحام
ولا حتى عايزين الناس تركب عربيات كويسه زى البشر
شوف انت العربيه الاسبرانزا الصينى
دى مستحيليكون ثمنها فى الصين يعدى ال 3000 دولار ولو وصلتنا بالسعر ده كانت هتبقى معقوله
مش توصل 60 و سبعين اللى غلاها كده جشع الحكومه
ربنا يرحمنا
وياريتهم بقى بيفرو طرق كويسه للناس تمشى عليها
اعتقد ان مافيش طريق فى القاهرة والجيزه على الاقل خالى من الحفر والمطبات
ربنا يرحمنا

**mahamedaraby** · 02-12-2008 02:09 AM

ما هما ليشوفوا حل للناس اللى عندها عربيات عدى عيلها اكتر من 25 سنه
وبعدين يعملوا القرار ده

انا معرفش الحكومه بتاخد قرارت بعشوائيه ولا بتفكر فى الناس ولا مشاكل الناس

تحس انهم بيحكموا شعب تانى مثلا ولا ايه معرفش انا ؟!

**homme49** · 02-12-2008 02:21 AM

الموضوع بإختصار بيزنس و مصالح رجال أعمال
ماذا لو كنا فعلا نصنع سيارة فى مصر
حتى الآن كل الموجود مجرد تجميع

**sherif_habeb** · 02-12-2008 02:21 AM

انا شوفت اخر البرنامج طب وبعدين ايه الحل
الموضوع ده يسبب قلق كبير فى مصر كلها
يعنى التكسيات قلنا ما شى عشان التلوث
الملاكى مش بيتحرك زى التكس

بس فى ملحوظه صغيره فى موضوع العربيات الاجره
لو العربيه حالتها كويسه بتتحول ملاكى وتترخص ولو الحاله العامه وحشه بتتكهن
وده كويس
فى الحاله دى الملاكى كده كده ماشى مش هيفكرو فى موضوع ال 25 سنه دى ولا ايه انا شايف كده

**MohaMed_Refaat** · 04-12-2008 05:48 AM

دى حاجة قرف كل شوية يزودو وموش بينقصوا ابدا كل حاجة زيادة زيادة كانننا عايشين فى مجرة لوحدنا يعنى مرة تلاقيهم يقولوا بندرس تخفيض الجمارك وبعد كدة يطلعوا يقولوا مفيش تخفيض فى زيادة فى الاسعار وتلاقى دة مسئول اللى صرح بدراسة التخفيض وواحد تانى خالص يصرح بان فى زيادة فهما بيحاولوا يشتتوا الشعب ويرضوا جميع الاطراف كولة ماشى بسياسة الفخفخينا فى البلد دية

**ZAKI32** · 04-12-2008 05:57 AM

عالم عايزة ضرب النار.

لكن لابد من قول هل الاقتصاد المصرى بالنسبة للمصريين سيتحمل تكهين سيارات الاجرة كلها . ومن بعدها اذا فكروا يكهنو الملاكى .

ربنا ينتقم منهم بسبب الجشع.

الناس اللى على قد حالهم ومتوسطى الدخل هيجيبوا منين.

وبتوع التكسيات لو خدوا منهم القديم وادوهم 10 الاف جنية زى مابيقولوا وكملوا تقسيط مع البنك مش دة اسمه افتراء

**ibrahimsaad** · 04-12-2008 06:15 AM

حكومه فاسده وجشعه تتأمر مع التجار ضد الشعب الغلبان اللى هو ولى نعمته
وشعارها احرق دم المواطن وحطم مستقبله وزود رصيد الحراميه على قفا الشعب العبيط

طيب سكتنا لما كهنوا التاكسى وقلنا علشان المنظر العام والتلوث لكن كمان يكهنوا الملاكى دون ان يوجدوا حلول يبقى حرام عليهم

لان اللى عايز يتكهن بصراحه هو الحكومه مش العربيات لانهم كده عدوا عمرهم الافتراضى وبقوا بيخرفوا جامد

ربنا ينتقم منهم ويورينا فيهم يوم اسود يارب

وحسبنا الله ونعم الوكيل

لابيرحموا ولابيسيبوا رحمه ربنا تنزل