فيوز الباور كل يوم كل يوم يضرب

**ahmed197319** · 17-09-2016 06:33 AM

السلام عليكم لسه شاري بيجو 307 sw من كام يوم زركبتها حوالي خمس ست مرات العربيه فوق الممتازه بس عندي مشكله كل يوم بتحصل ما فوتتش يوم و هي ان فيوز الباور في اخر الرحله لازم يضرب و الدركسيون يحجر فامش عارف ده من ايه ياريت حد يفيدني هل ده قفله في سلك الضفيره جزء الباور ولا طلمبة باور ولا حساس طلمبة باور ولا ايه و الحاجات دي اسعارها كام و جزاكم الله عني خير

**م.احمد زكريا** · 17-09-2016 10:05 AM

مبدايا الف مبروك على العربية

الانت بتشتكي منه ان شاء الله حاجة بسيطة بس اعرضها على متخصص فاهم

عموما لو انت قريب من الحرفيين ممكن تروح ب كهربائي اسمه "زناتي" في اول الحرفيين تخصص بيجو يكشف عليها

**Colin Chapman** · 17-09-2016 10:33 AM

مركز عسكر لتكنولوجيا وكهرباء السيارات
مركز الحاج محمد عسكر و أولاده لتكنولوجيا وكهرباء السيارات

الحرفيين – بلوك 21

ت: 01001211508 – 011405911112

**م/أحمد عبد الفتاح** · 17-09-2016 10:21 PM

فيه على غطا علبة الفيوزات رسمة للفيوزات بيبقى مكتوب عليها قيمة كل فيوز - فالأول قبل اى حاجه إتأكد من إن قيمة الفيوز اللى راكب اصلا زى ماهو مكتوب على الرسمة او فى الكتالوج بتاع العربية لأنه ممكن يكون الفيوز المتركب اصلاً بقيمة اقل من المطلوب .

**ahmed197319** · 18-09-2016 06:20 AM

المشاركة الأصلية كتبت بواسطة sherif_mahalla

فعلا طالما بيتحرق علطول
يبقى فيه حاجه غلط
يا قيمته
يا نوعه
يا مكانه

والله يا جماعة الخير انا سعيد جدا ان فيه حد رد عليا و اهتم و اقتطع جزء من وقته للاهتمام بمساعدة غيرة بارك الله فيكم و جزاكم كل خير
اما عن المشكله فالفيوز مكانه صح و نوع نظيف و قيمته مضبوطه و اخر ما وصل اليه العلم (الكهربائي) هو ان السوكت اللي الفيوز بيدخل فيه ليه رجلين واحده فيهم متاكله و هي اللي بتعمل القفله فها يظبطها ولو ما كانش يبقي طلمبة الباور بس صاحب العربية قالي حاجه غريبه ان العربية الباور بتاعها كهربا مش زيت فمافهمتش يعني كده مافيهاش زيت باور ولا ايه ( اومال طلمبة الباور بتعمل ايه في الحياة المفروض من اسمها (طلمبه) انها بتحرك سوائل