بيضحكوا على الغلابه وبيقولوا تخفيض 23 دوا !!
انا حطيت الموضوع في المنتدى الاجتماعي لأني مش ناقل الموضوع بغرض المعرفه
لكن لتوضيح الحقيقه للناس
نص الخبر كالاتي في الاهرام الثلاثاء 2 ديسمبر:
تخفيضات من40 % إلي60 % لــ23 صنف دواء
لعلاج أمراض الضغط والقلب والأورام
أعلن الدكتور حاتم الجبلي وزير الصحة والسكان أنه تقرر تخفيض سعر23 صنف دواء أغلبها لعلاج الأمراض المزمنة مثل الضغط والقلب والكوليسترول والأورام بنسب تتراوح بين40% و60% مراعاة للبعد الاجتماعي.
وطبعا بحكم ان انا صيدلي لما شفت ال 23 دواء دول اكتشفت ان الخبر مالهوش دعوه لا من بعيد ولا من قريب من الواقع لأن ال 23 دوا منهم 8 ادويه من الفياجرا المصريه (عشان الشعب بتبسط)
اما باقي العلاج فهو بالكامل من العلاج الكيماوي اللي بيستخدم في المستشفيات (ومع ان الادويه اللي رخصت دي اصلا مش شغاله خالص)يعني مالهاش دعوه بادوية الضغط والقلب والكوليسترول زي ما قالوا في الخبرماعدا دوا واحد فقط لعلاج الكوليسترول اللي اصلا سعره رخص من 3 شهور فاتت !!!
انا اللي ضايقنا انهم بيلعبوا بمشاعر المواطن البسيط وبيدوله امل ان الدوا هايرخص وللاسف في الاخر بيتصدم من الواقع