عايز اشتري عربية ومحتار.. محتاج مساعده
السلام عليكم..
انا داخل اولي هندسه.. ولسه ادامي اربع سنين شحتته في الكلية.. كنت محتاج عربية تشيل عني شوية..
مشواري غالبا هتبقي صغيره جدا.. ممكن استهلاك العربية ميعديش 5 او 10 كيلو في اليوم.. وطبعا مفيش سفريات بالعربية ولا اي حاجة...
انا لسه ابيض خالص في السواقة.. يعني هجيب العربية هتعلم عليها كمان.. فعايز حاجة قطع غيارها تكون رخصية وصيانتها سهله... واستهلاك بنزين حنين
مش محتاج كماليات كتير في العربية..
نتكلم بقي في الفلوس :oh:
انا معايا في حدود 35 الف....يعني العربية تكون عامله اقصاها 30 الف ولا حاجة.. عشان انا عارف اني هجيبها واصرف عليها مبلغ في الأول برضوا.. انا شخصيا بحب العربيات الهاتشباك.. بس انا طويل نسبيا.. بتاع 190 سم.. فمحتاج عربية ابقي اعد فيها مش مزنوق.. وغالبا معظم الوقت هبقي اعد في العربية لوحدي او معايا واحد قاعد ادام كمان اقصاها.. فالكنبة استخدامها مش اساسي بالنسبالي.. يعني اعد انا مرتاح... مش مشكله اللي ورا
العربيات اللي داخله دماغي حاليا...
الفيات الأونو
الأوبل كورسا
الفيليشيا
كيا برايد
هيونداي اكسنت
معظم موديلات اخر التسعينات..
ايه رايكوا.. ايه الأفضل منهم ؟