من فضلكم كنت محتاج اركب نظام طاقة شمسية يخرجلي 1كيلو مثلا وعايز اعرف التكاليف والمكونات وهل هيبقي مجدي في ظل ارتفاع الكهرباء ولا كهربة الحكومة ارخص؟وشكرا
عرض للطباعة
من فضلكم كنت محتاج اركب نظام طاقة شمسية يخرجلي 1كيلو مثلا وعايز اعرف التكاليف والمكونات وهل هيبقي مجدي في ظل ارتفاع الكهرباء ولا كهربة الحكومة ارخص؟وشكرا
انا كنت درست الموضوع ايام انقطاع الكهرباء واستقريت على المولد لانه ارخص
الكيلو كان بيتكلف 1200 جنيه لما كان الدولار ب7 (الالواح فقط)
السعر ده عشان كنت حستورد الخلايا مش الواح واجمعهم فى الواح زجاج بنفسى لانى عندى خبره فى الاليكترونيات
نيجى على النقطه اللى خلتنى اتراجع
البطاريات
النظام الناجح للاستغناء تماما عن الكهرباء الحكوميه يجب ان يعمل 48 ساعه بدون شمس (اسوء الظروف )
وده بيحتاج بنك بطاريات والبطاريات غاليه وكمان افضل الانواع طولا فى العمر الافتراضى 7 سنين ده خلانى اتراجع عن التنفيذ(كان زمانى باشا دلوقت)
عموما انت لو عايز سيستم 1 كيلو قولى حتشغل بيه ايه وانا ممكن اوضحلك الامور اكتر مع مراعه
نظام الاضائه كله ليدات وماركه
ممكن تدخل تى فى ورسيفر واجهزه صغيره
المواتير بتاخد ضعف الحمل لحظه التشغيل بمعنى الخلاط لو 150 واط عند بدء التشغيل يستهلك 300 وينخفض مع الدوران ل150
وضحلى استخداماتك بالظبط
ممكن تعمل ميكس لتخفيض شريحه محاسبتك يعنى تخلى الاضائه والتلفزيون والتلاجه على السيستم والغساله والاجهزه التقيله على الكهرباء العمومى
شكرا علي ردك الأكثر من رائعاقتباس:
المشاركة الأصلية كتبت بواسطة rotanamasoud
انا فعلا عايز اشغل بعض الاجهزة الخفيفة فقط علي الطاقة الشمسية لتقليل الشريحه عايز مثلا حاجه تنتجلي 100 كيلو شهريا يعني حوالي 3كيلو في اليوم
وكمان انا حابب المجال لاني بحب التكنولوجيا جدا وبقول اتعلم في نفسي يمكن المجال يعجبني واشتغل فيه
ولكن الشركات اللي بتعمل اعلانات علي النت دي بتبيع باسعار مبالغ فيها جدا جدا
فحبيت استفسر من حد عنده ضمير يفهمني الموضوع وجدواه عشان ما اخسرش فلوس في الهوا
السيستم ال1 كيلو فى الساعه يعنى لو استخدمته بكل قدرته يعنى 24 كيلو اليوم يعنى 720 كيلو الشهر لو فى تفاوت حنقول 600 كيلو لاكن برغم كبر الرقم الا انه موزع بالتساوى ولا يمكن تشغيل اجهزه منزليه كبيره الاستهلاك به
ممكن سيستم كبير ببطاريات صغيره يعنى بالنهار عندك قدره لتشغيل اجهزه عاليه الاستهلاك مباشر من الشمس وبالليل مجرد اضائه واجهزه بسيطه وبكده نخفض السعر الخاص ببنك البطاريات
لاكن حيواجهك فرق سعر الدولار يعنى لما الكيلو ب1200 على 7 دولار يعنى بالتقريب2000 جنيه قابل للزياده
مشكله الخبره وتجميع الخلايا فى الواح زجاجيه
الانفرتر لازم يكون بيور ساين واف وفى نوع كمان بيقلل استهلاك الطاقه تبع الحمل الاقل وده اغلى
الانفرتر يكون قدره كبيره 5 كيلو لاى توسعات فى القدره مستقبلا
جهاز سولار تشارجر وده بيشحن البطاريات
طبعا سطح منزل وامن والشمس ضارباه ومفيش عمارات تلقى ظلال تقلل من زمن الشمس على الخلايا
حتمسح الخلايا كل فتره وتنظفها
ده اللى فى دماغى حاليا
هتلاقى شركات كتييير هتلملك الليله كلها ولا يدخلك فى خلايا ولا انفرترات تجمعهم
والوات خلايا كنت اسمع قبل الغلا انه ب 9 جنيه
و 1 كيلو قليل جدا وبالتالى مش مكلف اوى اجهزه كانفرتر وبطاريه
حدد الأول أنت عايز أيه من استخدام الطاقة الشمسية
هل
1- استخدام تجارى فقط بتستفيد من مساحة موجودة عندك و تبيع لشركة الكهرباء فقط on-grid و فى الحالة دى كامل خرج الخلايا بيذهب لشبكة الكهرباء و فى حالة انقطاع التيار خرج الخلايا بينفصل كنوع من الوقاية ...مجرد مساحة تستثمرها
أم
2- استخدام منزلى مربوط بالشبكة on-grid برضه وفى الحالة دى بتسخدم خرج الخلايا و الفائض الراجع للكهرباء لا تحاسب عليه بل تمضى اقرار بعدم مطالبتك شركة الكهرباء بفائض الكهرباء كشرط تركيب العداد و فائدته انك بتأمن نفسك فى حالة انقطاع خرج الخلايا زى ساعات الليل او الغيوم مثلا بتبقى ضامن عندك كهرباء ...هات و خد... بس خد ما عليهاش فلوس
أم
3- نظام off-grid منفصل عن الشبكة عندك قطعة ارض بترويها او عايز تشغل مصنع و فى الحالة دى انت مستقل تماما عن الشبكة و هل عايز نظامك فى الحالة دى مؤمن على البطاريات ام تشغيل نهارى فقط
بشكل عام الكيلو وات غير مؤمن بيتكلف 15000 جنيه....و المؤمن ببطاريات بيزيد 10000 جنيه و الأسعار قابلة للزيادة علشان اضطراب سعر الدولار
نظام الطاقة الشمسية عمره الافتراضى حوالى 25 سنة و بالنسبة للتكاليف حضرتك ان شاء الله بتلمها تانى بعد أول 5 سنين من التشغيل
اشكرك علي ردكاقتباس:
المشاركة الأصلية كتبت بواسطة م أحمد
انا عايزها كاستخدام شخصي وكتعلم وعلشان أجرب التكنولوجيا الجديدة لاني عاشق للتكنولوجيا
وعايزها منفصلة عن الشبكة تماما ويكون نظام نهاري فقط
انا عايز نظام مكس
يعني الواح مش شرط كبيرة لو 100 وات تمام
وانفرتر 5كيلو تحسبا للتوسعات المستقبلية
وعايزة يشتغل بالنهار بس
ويكون قابل للتحديثات بعد كده هبقي اذود الواح وممكن اذود بطاريات
النظام ده يتكلف كام تقريبا
لوح 100 وات فى حدود 900 جاقتباس:
المشاركة الأصلية كتبت بواسطة elpilot
الانفرتر كتير جدا 5 كيلوو يكفى واحد كيلو فقط للموجة ال pure sin يعمل حوالى 2500 ج و الحاجات التعبانة 500 ج للواحد كيلو
جهاز كوترولر حوالى 200 ج
بطارية تعمل حوالى 1000 ج
قولتلك الجاهز مكلف جدا عموما ده الموضوع اللى استمديت منه خبراتى وكنت ناوى انفذه
��� ���� ��� ������� ������� ����� �� �� ����� ��� ����� - ����� ������ �����������
وهو بالفيديو كيف تبني لوح الخلايا الشمسية الخاص بك من الألف إلي الياء
76 صفحه من الخبرات لشخص مصرى اسمه مدحت
الطاقة الشمسية نجحت بنسبة 100% وبسعر ممتاز جدا فى مجال تسخين المياة وهو السخانات الشمسية ودى غير مكلفة وتغطى تكلفتها بالكامل خلال 6 شهور الى 18 شهر تقريبا حسب المكان والسعة
طبعا حضرتك بتحصل على مياة ساخنة تصل درجة حرارتها 75 الى 99 طوال العام وبنسبة تعتمد على الشمس بالكامل تصل الى 95 %
طبعا متوافر سعات كثيرة تغطى شقة واحدة او شقق
دة مجالى لو عند حضرتك اى استفسار اهلا وسهلا
اقتباس:
المشاركة الأصلية كتبت بواسطة dedi
السخانات دي ممكن تسخن حمامات سباحة 10 * 3 * 1,5 ؟
عندي 10 حمامات سباحة لو شغال في المجال
و عندك شيء مناسب ياريت تبعتلي عرضك
adam.wael1985@gmail.com
تمام دي فكرة ممتازةاقتباس:
المشاركة الأصلية كتبت بواسطة dedi
ممكن اعرف تكلفة سخان شمسي لشقه واحده 3أفراد مثلا؟
طبعا كلام حضرتك صح فكرة مممتازة ولكن موش منتشرة كتير للاسفاقتباس:
المشاركة الأصلية كتبت بواسطة elpilot
يلزم معرفة المسافة من الرووف حتى الشقة كارتفاع تقريبا عدد المطابخ وعدد الحمامات
الاسعار متفاوتة حسب الموديل والمكونات تبدا من 4000 جنية
كنت عملت موضوع من قبل عنها ونزلتة بعد موافقة الاستاذ كريم منير
لو عند حضرتك او اى عضو اى استفسار كلمنى على موبايل الشخصى 01005789446
msgroupegypt@gmail.com