الموضوع: مشكلة توليدو 1996 راكب عليها موتور جولف 1800

المشاركة الأصلية كتبت بواسطة hossamalsadik

شوف ياجميل مشكلة السحب لها عدة اسباب ذكرت منها انت طقم الدبرياج انه سليم يبقى تبقى ان تاكد على ضغط طرمبة البنزين وان قلب او موتور الطرمبه بحاله كويسه وان الخراطيم سليمه وسلكه ممكن تبقى تستخدم منظف دورة الوقود cyclo max44 وهو من انتاج شركة cyclo وده عشان تنضف مواسير البنزين وقبل استخدامه تغير فلتر البنزين وتفول وتحط العبوه وتطلع مشوار تخلص فيه كميه محترمه من التفويله او تحط نصف العبوه على نصف تنك نسبه وتناسب يعنى فهمنى وتخلصها
بعد كده تظبط كهربة العربيه كويس وتتاكد من بوجيهات وميعاد تغيرها جه ولا لسى وحالتها عندك ايه
موضوع ال rmp طلعه ونزوله مرتبط بحساس الهوا الى غالبا بيكون راكب على المنفول او بالقرب من الفلتر اما بيتنضف او يتغير وتعرف انه بايظ ومابيقراء النسب صح انك تشيل فيشته لو المحرك ظبط يبقى العيب منه او تكون عاوز ظبط بوابة او كربراتيرك ابو رشاش واحد
بعد كده ممكن تعمل كشف كمبيوتر عشان تشوف فى ايررو ( اى خطأ فى قراءة الحساسات عندك )
اخيرا واسف انى اقلك انتا محتاج ميكانيكى فولكس شاطر عندك فى جسر السويس ناس وعندك محمد الزعيم بصقر قريش المعادى عندك لينك موضوع فى بيتنا الكبير قسم سيات نيل موتور عن اماكن الورش ومراكز الصيانه بناء على تجارب الاعضاء

وازاى تتعب وانت فى البيت الكبير ( نيل موتورز ) وبين اعضاءه هنا .... حاول تقراء مواضيع القسم وتثقف نفسك هتفيدك كتييير فى فهم عربيتك جدا بكل تفاصيلها هنا فى مواضيع صيانه وتقارير عملها الاعضاء بالالفات هى موسوعة بيلجأ لها المختصين وغير المختصين ومنها ما هو حصرى وهام جدا
تحياتى

اشكرك علي الرد الوافي
طبعا الزملا هنا في المنتدءي صرحة محترمين اما ما يتعلق بالامر فاكتشفت ان الخرطوم الواصل بين الطرمة وبين العوامة علشان يضخ كان في خرم مش عارف ازاي والدنيا ظبطت الحمدلله
اما حساس الهوا فانا هاكشف علية وربنا المعين دة غير اني هاعمل الي حضرتك قولت علية من تنظيف المواسير والتانك وكدة شكرا لزوقك وتكرمك بالمشاركة

المشاركة الأصلية كتبت بواسطة sala7

ما تفحص كدا و تيجي تقولنا نتيجة الفحص !!

دلني علي مكان للفحص