كيفية الشراء أون لاين

**amr011111** · 19-09-2016 08:12 PM

السلام عليكم ورحمة الله وبركاته

ياريت لو أحد الأخوه يعرف خطوات الشراء أون لاين يفيدنى

أنا اللى أعرفه فى الموضوع أنى عملت أكونت على shop and ship وأدانى suit number & member group

هل بعد كده بروح للموقع اللى عاوز اشترى منه اديله الرقمين دول
وسمعت ان الدفع عن طريق بنك ويسترن يونيون. هل بروح أفتح حساب فى البنك ده ولا بحط المبلغ فى حساب الشخص اللى هشترى منه المنتج

الحاجه التانيه هل اعرف احدد الجمارك والضرائب هتبقى كام على المنتج قبل ما ادفع الفلوس بحيث اكمل خطوات الشراء او مكملهاش

الحاجه الاخيره سمعت عن وسيط شراء زى ادفعلى او اشتريلى هو لو هتعامل من خلالهم ساعتها بروح اديهم الفلوس وهما يعملوا كل الخطوات وشكراً جزيلاً

**mk3** · 19-09-2016 11:10 PM

اعمل بحث بسيط على جوجل بنفس عنوان موضوعك هتلاقى اجابه لكل استفساراتك

**fepsceasar** · 20-09-2016 01:10 PM

الوسيط زى اشتريلي وادفعلى بتديهم الفلوس وهم بيشتروا واحياتا على حسب نظام الشركة بيتبقى مبلغ تحت حساب الشحن الدولى او الجمارك
ممكن تشتري مباشر لو الموقع بيشحن لمصر او من خلال shop and ship مثلا او اى شركة بتديك عنوان فى امريكا او انجلترا تشحن عليه
اتا كد من سعر المنتج فى مصر او انه مش موجود فعلا لانى بدات الاحظ زيادة فى تكلفة الجمارك واحيانا تاخير

**amr011111** · 20-09-2016 01:21 PM

المشاركة الأصلية كتبت بواسطة fepsceasar

الوسيط زى اشتريلي وادفعلى بتديهم الفلوس وهم بيشتروا واحياتا على حسب نظام الشركة بيتبقى مبلغ تحت حساب الشحن الدولى او الجمارك
ممكن تشتري مباشر لو الموقع بيشحن لمصر او من خلال shop and ship مثلا او اى شركة بتديك عنوان فى امريكا او انجلترا تشحن عليه
اتا كد من سعر المنتج فى مصر او انه مش موجود فعلا لانى بدات الاحظ زيادة فى تكلفة الجمارك واحيانا تاخير

ألف شكر للرد. هل في طريقه اعرف بيها الجمارك هتكون كام قبل ما ادفع سعر المنتج