السبب فى كده ببساطة ان حضرتك فى مصر :)
رقم العضوية : 19705
تاريخ التسجيل : 21Sep2008
المشاركات : 1,866
النوع : ذكر
الاقامة : Alexandria
السيارة: ...
السيارة[2]: Hyundai Elantra 2012
دراجة بخارية: ......
الحالة :
السلام عليكم وتحياتي لكل أعضاء المنتدى الأكثر من رائع وتحياتي للقائمين عليه .
حبيت أعرف رأيكم في سبب عدم أنخفاض أسعار السيارات في مصر في الوقت نفسه اللي تنخفض فيه في كثير من بلاد العالم ؟
وهبتدى أوضحلكم رأيي في الموضوع دة وبعد كدة هتابع رأي كل واحد وأنشاء الله كلنا في النهاية نفيد ونستفيد .
في رأيي العامل الأهم في التحكم بأسعار أي سلعة هو سعر التكلفة والانتاج بالأضافة الى هامش من الربح متفق ومتعارف علية الكلام دة في كل الدنيا يمشي تمام لكن في مصر بتختلف الحكاية تماماً السبب عندنا هو مسألة العرض والطلب وأحنا للأسف ثقافة الشراء عندنا غلط بنسبة كبيرة جداً لأن الناس قبل ما تفكر تشتري أي عربية مش بتعرف قدرتها على الشراء الأول سواء كان دفع كاش أو تشوف تقدر تمشي في موضوع التقسيط دة لحد فين وللأسف محدش بيحسبها صح كله أول ما بيمسك مبلغ المقدم في أيده يقولك التقسيط مقدور عليه ويروح جاري شاري العربية اللي عايزها هل بقى هو حسب قيمة العربية دي بعد ما يدفع قسطها تمنها هيوقف عليه بقد أيه بالفوائد هل حط في باله أنه على ما يدفع تمنها هيكون سعرها أقل لأنها بقت موديل قديم عن السنة اللي هيكون كمل فيها تمنها تقسيط وهيكون نزل أحدث منها لأ طبعا هو أهم حاجة عنده يجيب العربية وخلاص على مبدأ عيشني النهاردة وموتني بكره ... في رأيي أن التقسيط عندنا هو اللي زود الطلب على كتير من السلع أي كان نوعها وتقدروا تشوفوا كمية البنوك اللي بتفتح كل يوم على حس موضوع التقسيط دة بالتالي الناس محتاجة توعية أكبر في حكاية التقسيط وأنا بقول أن العربيات هترخص هترخص بس مش هترخص جامد للنص مثلاً لأ هيا هترخص وبنسبة كويسة ومعقولة طبعاً انا أتمنى أنها ترخص وتبقى ببلاش زي مالناس كلها تتمنى بس ليس كل ما يتمنى المرء يدركه هي هترخص بأذن الله أولاً ونتيجة للأزمة الأقتصادية ثانياً عشان محدش يقول أن دة بيقول هترخص بأذن الله من باب التفائل والدعاء لأ دى من باب العلم بالشيء والعربيات برة أنخفضت بالفعل وكثير من حضراتكم عارف كدة بس هيا مجرد مسألة وقت وفكر سليم في نهاية الكلام أتمنى أن أي حد بيفكر يشتري عربية أنه يستنى شوية ويفكر . فيها أية لو فضل بعربيته القديمة شهر أو أتنين زيادة أو أستحمل رزالة المواصلات وأستنى لحد مالعربيات تنزل وفي المقابل يبص لنتيجة اللى هيعملة دة وهو أنخفاض في أسعار السلعة دي أو أنخفاض في نسبة الفوائد الظالمة الموجودة عندنا في مصر واللي بالفعل بدأت في الأنخفاض بس بشكل ضئيل وغير ملحوظ وأهو أي أنخفاض في الأسعار لصالح المشتري طبعاً في النهاية أقولكم ان أحنا السبب يا سادة في عدم أنخفاض الأسعار و محدش يقولي السبب جشع التجار ومحدش يقولي الحكومة ظالمة ومفترية وأنا عن نفسي معايا فلوس أشتري عربية جديدة محترمة و كاش ومع ذلك مش هشتري دلوقتي وهستحمل رزالة المواصلات وتناكة سواقين التاكسي والميكروباص عشان البلد دي حالها يتعدل بس مجهودي دة هيبقى زى نقطة في بحر لو فضلنا زي ما أحنا وأذا كانت الحكاية تتطلب التضحية فأنا أول المضحيين وكل سنة وأنتم طبيبين .
رقم العضوية : 34
تاريخ التسجيل : 17Apr2007
المشاركات : 667
النوع : ذكر
الاقامة : Cairo
السيارة: -------
السيارة[2]: Volvo 240 GL
دراجة بخارية: ------------
الحالة :
السبب فى كده ببساطة ان حضرتك فى مصر :)
لو دامت لغيرك .... ما وصلت إليك
رقم العضوية : 542
تاريخ التسجيل : 08May2007
المشاركات : 1,600
النوع : ذكر
الاقامة : NA
السيارة: NA
السيارة[2]: NA
الحالة :
هين قرشك ولا تهين نفسك ، ده اللى أعرفه ، الناس عمرها ما هتجتمع على فكرة واحدة فى بلد تعدادها 80 مليون ، الأسعار مش هترخص عشان المستوردين والمجمعين متفقين مع بعض وماسكين الأسعار فوق ، وهيلاقوا ناس تشترى لأن فيه اللى محتاج العربية ضرورى وفيه اللى مش فارقة معاه وفيه اللى بيأجرها وتجيبله أكتر من تمنها وفيه اللى مش فى دماغه موضوع العرض والطلب و ........ يبقا فى النهاية مش هينوبك غير إنك أخدت على نفسك عبء تغيير سلوكيات مجتمع بالكامل فى حين إن مجهود سيادتك مش هيأثر فى حاجة للأسف لأنك فرد واحد ، حتى لو الف أو 10 آلاف فرد برضه مش هيأثروا كتير
يبقا شوف مصلحتك الشخصية وماتحاولش تصلح المجتمع على حساب نفسك (طالما مش بنتكلم على أخلاق ولا دين) لأن النتيجة هتضحى مقابل لا شيء
رقم العضوية : 3308
تاريخ التسجيل : 19Nov2007
المشاركات : 547
النوع : ذكر
الاقامة : Egypt
السيارة: only one
السيارة[2]: Car
دراجة بخارية: non
الحالة :
بص حضرتك انتى فى مصر
لو اشتريت النهارده اغلى سنة (مش مضمون طبعا انك يوم ما حتبيع حتبيع بالغالى برضه) معلهش خذها من قاصرها واشترى
مصر ملهاش نظام ثابت فى اى حاجة
البلد بتتحرك بفضل بعض الايادى
يبقى تاخذها من قاصرها وتشترى
احنا فى الاول وفى الاخر مش تجار
سبحان الله وبحمده عدد خلقه ورضا نفسه وزنة عرشة ومداد كلماته
-------------------------
د. محمد السعدنى
رقم العضوية : 19705
تاريخ التسجيل : 21Sep2008
المشاركات : 1,866
النوع : ذكر
الاقامة : Alexandria
السيارة: ...
السيارة[2]: Hyundai Elantra 2012
دراجة بخارية: ......
الحالة :
طيب يعني المستوردين والمجمعين والموزعين دول مش من الشعب ولا دول من برة البلد ؟ طيب هما عرفوا يتفقوا علينا وأحنا مفروض نقف نتفرج ونقول يلا نفسي ؟
عموماً دة رأي حضرتك وبحترمة 100 % بس أنا مش هبقى سلبى وبردة مش هشترى دلوقتى لأن أنا لو شايف الأسعار برة أرتفعت وعندنا كويسة هشترى أنما تنخفض برة وتفضل عندنا زي ما هيا بل بالعكس ترتفع وينصبوا على الناس ويقولك سعر العملة ؟ طب ما البترول نزل من 150 ل 47 دولار أمبارح بس دي مابتفرقش في نقل ؟ في تصنيع ؟ والمكونات ماهي نزلت والعمالة أتخفضت فبدل ما أنا أهين نفسي أهين قرشي ؟! لا معلش بالعكس أنا لو أشتريت هأهين نفسي .
رقم العضوية : 19705
تاريخ التسجيل : 21Sep2008
المشاركات : 1,866
النوع : ذكر
الاقامة : Alexandria
السيارة: ...
السيارة[2]: Hyundai Elantra 2012
دراجة بخارية: ......
الحالة :
أهلاً وسهلاً بحضرتك وفعلاً مصر بتتحرك بفضل بعض الأيادي بس بزمتك مش بيتحرق دمك وأنت بتقولها مصر بجلالة قدرها ب اللي فيها بتتحرك بفعل بعض الأيادي ؟؟ ياجماعة التجار كسبانة كسبانة في حالة الأرتفاع وبردو في حالة الأنخفاض بس هما عايزين يكسبوا على طول ودة حرام التجارة مكسب وخسارة ولازم يبقى في شوية ضمير وأنا مش هشتري ألا لما أقتنع فلوسي اللي تعبت فيها رايحة فين وهل العربية اللي هشتريها تستحق فعلاً القيمة دي ولا لأ .
رقم العضوية : 3105
تاريخ التسجيل : 10Nov2007
المشاركات : 1,884
النوع : ذكر
الاقامة : Kafr El-Sheikh
السيارة: Nissan Sunny 2014
السيارة[2]: 128- اكسيل - فيرنا
الحالة :
تاريخ مصر اثبت شئ واحد ان اللى بيرتفع سعره مش ممكن ينزل تانى
وان الوحيد اللى بيقل سعره هو الانسان المصرى
اليوم قال لى احد التجار ان السوق واقف تماما وان اللى بيروح يبيع ماسك على سعره واللى بيشترى برده بيروح يتفرج بس لكن مابيشتريش
والاثنين بيرجعوا من غير بيع او شراء
وان الناس منتظره ان الاسعار هتنزل وقال ان الاسعر هترتفع تانى بشراهه فى خلال شهرين اثنين اكثر من الاول وهيرجع السوق تانى زى ماكان
الكلام ده من بقه شخصيا لى
وبصراحه ان شايف انه عنده حق لان اسعار الزيرو لم تنخفض بالعكس فيه سيارات اسعارها زادت رغم الركود اللى بيحصل ده
من الاخر اللى بيتحكم فى السوق هم مجموعه تجار ومستوردين والحكومه بتحميهم على حساب الشعب
Dr Ibrahim Saad
رقم العضوية : 2401
تاريخ التسجيل : 30Sep2007
المشاركات : 2,873
النوع : ذكر
الاقامة : الكوكب الازرق
السيارة: لايوجد
السيارة[2]: كيا بيكانتو 2011
دراجة بخارية: لا
الحالة :
فى دول الخليج حاليا الأسعار انخفضت لدرجة ان الى بيشترى عربية ناقص يدوله معاها عربية زيها هدية
رقم العضوية : 19705
تاريخ التسجيل : 21Sep2008
المشاركات : 1,866
النوع : ذكر
الاقامة : Alexandria
السيارة: ...
السيارة[2]: Hyundai Elantra 2012
دراجة بخارية: ......
الحالة :
مجبتش أنا حاجة من عندي أهو من على لسان التاجر هناخد الكلام أن السوق واقف وبشكل كبير شعبة المصنعين والمجمعين وأميك والناس دي بتقول أن السيارات مبيعاتها قلت بنسبة 30% و انا بقول ان النسبة أكبر من كدة وخلي العربيات عندهم في المخازن لحد ما تصدي زي ضمائرهم اللي صدت من زمان وعلى لسان وزير التجارة أمبارح على برنامج القاهرة اليوم قال اللي عايز يشتري عربية أو أي سلعة معمرة لازم يعرف أن سعرها ممكن ينخفض سواء سيارات أو عقارات أو أي سلعة معمرة أتمنى أننا نواجه جشع التجار دة بنفسنا ونوريهم أن أحنا مش هبل ولا سذج وعارفين الأسعار برة عاملة أزاى اما بقى أننا نبقى عارفين الأسعار برة نزلت ومع ذلك نروح نشتري فده بعيد تمام عن الذكاء والثقافة الشرائية الصحيحة اللي لازم كلنا نلتزم بيها .
رقم العضوية : 19705
تاريخ التسجيل : 21Sep2008
المشاركات : 1,866
النوع : ذكر
الاقامة : Alexandria
السيارة: ...
السيارة[2]: Hyundai Elantra 2012
دراجة بخارية: ......
الحالة :
المفضلات