في ظل الزيادة الرهيبة في الأسعار محتار وفي نفس الوقت مستخصر الفلوس في عربية جديدة ولكني فعلا محتاج عربية دلوقتي
فلو حبيت اشتري، تنصحوني بأية
اشتري جديد عشان اعطال اقل ؟!
ومقارنتي بين :
سيات توليدو، متسوبيشي شارك، بيجو ٣٠١
(ولو حد عنده اي اقتراحات تانية)
انا عارف ان كلهم مش نفس الفئة بس دول اللي في دماغي دلوقتي
ولو تنصحوني بحاجة مستعملة ممكن تكون ايه ؟
العربية هسافر بيها كتير ومشاوير طويلة ولازم تكون سيدان
يا ريت تساعدوني
يعيب الشارك فالسفر حجم الشنطه- غير كدا هى واخده سمعه رائعه فالسوق المصرى
انا مش متاكد هل هى سمعه مصطنعه ومبالغ فيها ولا هى فعلا تستاهل كل مليم, انا فعلا مش عارف
بالنسبه للسيات توليدو , هى هى سكودا رابيد- هتكون احسن من الشارك فعوامل الامان وحجم الشنطه لكن مش منتشره زى الشارك
سفر كتير خليك فى عربيه زيرو- خد خيرها اول 5 سنين
الشارك يا ناس بتشكر فيها اوي يا ناس بتشتكي جداً !اقتباس:
المشاركة الأصلية كتبت بواسطة salam100100
طيب هل عندك اقتراحات تانية غير السيات والمشارك ؟
حد يفيدني يا جماعة لو سمحتم
او اي حد عنده اقتراحات تانية في حدود ال ٢٠٠٠٠٠
فكر برضة في رينو فلوينس شنطتها واسعة انتشارها معقول ثباتها عالي و عالية عن اللآرض و عفشة قوية
nissan sentraاقتباس:
المشاركة الأصلية كتبت بواسطة Mwafik2
هات هيونداي اكسنت ومش هتندم
بسم الله الرحمن الرحيم
الزميل المحترم
بات واضحآ لى أنك قد بحثت جيدآ قبل أن تكتب مسألتك و إليك بعض الترشيحات
1 - شيفروليه كروز أعلى فئه بسعر الوكيل 196000 جنيه بتاريخ اليوم
2 - فورد فوكاس الجديده تانى فئه و إسمها Trend بسعر الوكيل 205000 جنيه بتاريخ اليوم
3 - كيا ريو تانى فئه و إسمها LX بسعر الوكيل 208000 جنيه بتاريخ اليوم
4 - مازدا 2 أول فئه baseline بسعر الوكيل 200000 بتاريخ اليوم
إليك ما أراه صائب
1 - مازدا 2 و فورد فوكس تتصدرا القائمه فى الكفاءه و قوة الآداء و الإعتماديه (ملحوظه: أقصد هنا الفورد الجديده بمحرك الإيكو بوست و الفيتيس الجديد و ليس ال DSG)
2 - من وجهة نظرى الشخصيه السيارتان تتساويان فى مسألة الصيانه لأن كلاهما لهما قطع غيار غاليه و لكنها معمره
3 - بقى أن تقارن بين غبور و أوتو جميل و هذا ما تحتاج لأن تسأل فيه من تعاملوا مع أى منهما و تستوثق جيدآ مما تسمع
4 - كلاهما يخسر خسارة كبيره عند إعادة البيع و لكن إمتلاك أى منهما متعة كبيره (بإذن الله)
هداك الله لأرشد أمرك و أقومه
السلام عليكم و رحمة الله و بركاته
ال 301 ثم التوليدو ثم الشاركاقتباس:
المشاركة الأصلية كتبت بواسطة mwafik2
خليك بقي الشارك لو حبيت تبيع و تغير ...لانها الاسرع مبيعا...
الشارك صاجها ضعيف جداااا و عفشتها مش حمولة زي البومة...