المشاركة الأصلية كتبت بواسطة som3aa
اولا متشكرين جدا لحضرتك على الفكرة و طبعا فكرة ممتازة و انا معاكوا , ممكن حد يجمع ارقام الشاسيهات و المواتير و رقم العربيات و تاريخ السنة و يقدم شكوى واحدة باسمنا كلنا و نطالبهم بتصليح العيب دا
الفكرة ان انا كنت فاكر انه عيب فى الموتور و لا يمكن تصليحه بس طالما طلع عيب فى قطعة ممكن تتغير يبقى لازم طبعا يغيروها و على حسابهم حتى لو اى عربية خارج الضمان لان العربية معيوبة عيب شديد جدا من الاول و هو السحب دا .
اسمحلى اختلف مع حضرتك بشدة
اولا العيب مش صغير و لا حاجة , دا عيب خطير و لو كنا نعرفه مكناش اشترينا العربية نهائيا (طبعا غيرنا ممكن يقبل بالعيب , كل واحد حر)!!!!!!!!
بعدين الراجل مقالش حاجة غلط , كل اللى قاله التوكيل مفروض يصلح المشكلة اللى فى العربية على حسابه؟
يعنى نعد ساكتين و نسيب العربيات معيوبة علشان منبوظش سمعة العربية؟؟
بعدين يا جماعة لازم نعرف ان ذكر عيوب العربية و خصوووووووصا العيوب المشتركة دى مش حاجة غلط لأ انت كدا بتنصح واحد بعدك عايز يشترى العربية لازم يعرف من الاول عيوبها بالكامل قبل مايتدبس
فى ناس فى نظرها العيوب دى بسيطة و فى ناس شايفاها مصيبة!!
كمان الراجل كل اللى قالوا تعالوا نضغط على التوكيل علشان يصلح العيب اللى فى عربياتنا نقوله متقولش الكلام دا هتبظ سمعة العربية؟ سمعة العربية اللى مبوظها العيوب اللى فيها و المشتركة و اللى موجودة عند معظم الناس و اللى مبوظها اكتر التوكيل اللى اكتر من سىء اللى لا عارف و لا عايز يصلح العيوب و لا عايز يعمل اى حاجة , عايز يبيع العربية بس , يا راجل نايل موتورز عامل دعاية للعربية اكتر من التوكيل نفسه!!!!!!!.
الراجل بيحاول يتصرف بايجابية و بعدين لازم نبقى صريحين و نقول عيوب اى عربية لاى حد علشان يحدد هو موافق عليها و لا لأ و يقارن مش نخبى العيوب علشان ناس اكتر تشترى , كدا غلط يا جماعة.
بعدين العربية بتتسلم معيوبة اساسا يعنى الموضوع مش سر و لا اى حاجة!!
ناس كتير بتستلمها بشوية عيوب و العيوب بتزيد مع الوقت فليه نسكت و ليه نخبى؟