عادي جدا يا علا
ما هي دي النظرية المتخلفه للقولبة او ال Stereotyping
و اللي للأسف لسه سائدة في مجتمعنا و في كل المجتمعات تقريبا
الفلاح لازم يبقي عويضه و الفلاحه بهانه
و لازم كمان بهانه تقف بالغساله في وسط الغيط و المسحوق يفضل يشررررررر من الناحيتين و هي واقفه زي الهابله فرحانه من المسحوق ابو رغوة
و الغريبه انها بعد كل ده مبتموتش صعقا بالكهرباء:k48:
و زي ما في اي فيلم امريكي من اللي بيبقي البطل فيهم واحد يهودي و بينقذ العالم كله من الضياع في اخر الفيلم
يا اما بقي من كائنات فضائية يا اما نيزك يا اما فيضان من اللي لازم يهدوا تمثال الحرية
(و الله مرمطوا تمثال الحريه معاهم في الافلام الاجنبي و مش عارفه لما هما كارهينه كل الكره ده و في كل فيلم لازم يهدوه مبيهدهوش ليه في الحقيقة و يخلصوا و يخلصونا:k48:)
المهم بقي لازم يجيبونا احنا طبعا واقفين ماسكين العصيان و واقفين نرقص قدام الهرم
و الرجاله لابسين عقال و جلاليب عليها جاكتات و الستات لابسين لبس حريم الف ليله و ليله
و الغنم بقي عمالين يجروا و ماليين الشاشه و مش لاقيين اللي يلمهم :k48:
زي بالظبط ما احنا كمان لازم نتصور الغرب الامريكي كله مسدسات و برانيط و بنطلونات جلد و ناس بتشرب سيجار طول الوقت
مش المشكله ان كل شعب يبقي واخد فكرة عن شعب تاني بناء عن اللي وصله عن حضارة البلد دي حتي لو كانت مغلوطة
علي الاقل هيبقي عنده مبرر انه مزارهاش او ميعرفش عنها حاجة
لكن المشكله الرئيسيه هي اللي انتي طرحتيها
هي اننا نمارس ال (تنميط) ده علي نفسنا و مع ولاد بلدنا نفسهم
يعني المخرج اللي عمل فيلم و لا اعلان بالمحتوي ده ...ده اكيد انسان يا اما بيستسهل علي رايك
يا اما هو حد عديم الخبرة و عديم الثقافه لدرجة انه حتي ميعرفش تطورات بتحصل جوه بلده هو نفسه و بالتالي مش عارف يواكبها.
طبعا مفيش حد بقي غبي للدرجة دي و بالتالي الاحتمال الاول هو اللي اصح
بس كالعاده الناس عديمة الكفاءة اللي معندهاش اي موهبة من اي نوع هي اللي واخده فرص زي دي في وسيله اعلامية مهمة زي التليفزيون
و الخبرات و الكفاءات غالبا بتكون مدفونة في الارشيف لعدم وجود واسطة
ربنا يكون في عون الشعب المصري علي اللي بيشوفه من كل ناحية شوية
حتي التليفزيون مش راحمنا:k26:
المفضلات