عويضة و بهانة

**OlaOsman** · 02-12-2008 07:21 AM

إعلان مستفذ عن مسحوق غسيل الزوج اسمه عويضة و الزوجة اسمها بهانة.. شاب و شابة في زهرة شبابهم و اسمهم عويضة و بهانة؟ هو لسه في حد في الفلاحين بيسمي الأسامي دي؟ - ده لو أصلا لسه الريف اسمه الفلاحين - بس بناء على نظرية عويضة و بهانة فبالتأكيد لسه القرى المصرية مادخلهاش دش عشان يشوفوا الإعلان الساذج ده

معلش هو يمكن محتوى الموضوع يبدو تافه شوية، انما اللي أقصده هنا هو الكروتة و اللكلكة و الاستسهال.. يعني محدش فيهم قادر يتعب نفسه شوية و يسأل حد يعرفه من أهل القرى همه لسه بيسموا ولادهم الأسامي دي و لا انقرضت؟

و بالمثل في المسلسلات اللي بتدور أحداثها في القرى المصرية.. برضه بنات في سن العشرينات و لازم تبقى لابسة الجلابية الفلاحي و الضفيرتين و فارقة شعرها من النص و حاطة ع الجنبين 50 بنسة.. هو فيه حد بأه يعمل كده من شابات الريف ياخوانا؟

فيه مسلسل لسه جاي قريب بطولة صلاح السعدني اسمه و عدى النهار.. ده بأه قمممممممة الكروتة.. واحدة المفروض انها فلاحة و لابسة اللبس الشهير طبعا انما مافيش في لهجتها اي حاجة فلاحي.. يعني الضفيريتن هايوقعوا راسها خلاص من تقلهم و هي بتتكلم عاااااااااادي خالص زي القاهريين بدون حتى أي محاولة لإضفاء أي لكنة ريفي على كلامها.. ساعتها سألت ماما: هي لابسة كده ليه؟

أي عمل درامي بالمح فيه استسهال و كروتة باحس انه مش بيحترم عقلي و باقفل منه تماما.. أي عمل مش متعوب فيه و مبذول المجهود اللي يستحق عشانه انه يتقدم للناس بالتأكيد بيفشل و أي عمل متعوب فيه و مش متساب فيه هنة بيوصل للناس أسرع و يستحق انه يتقال عليه "فن" زي حديث الصباح و المساء مثلا اللي لما باشوفه باحس ان لسه فيه في البلد دي ناس بتتعب في عمل فني زي ده عشان يطلع بالشكل المحترف ده، باحس ان فيه حد هنا بيحترم عقلي و عايز يقدم حاجة كويسة و باقول فعلا من قلبي.. برافو :k32:

**waled369** · 02-12-2008 08:09 AM

يا أستاذة علا أنا ريفي و طبعا اللي بتشوفوه في المسلسلات ده لا يمت للحقيقة بصلة و فعلا اسمه استهبال .
و الله بالرغم ان عمري 35 سنة مشفتش واحدة بالبلد اسمها بهانة من و أنا طفل صغير فما بالك الوقتي الاسامي بقت ازاي .

**sab3aawy** · 02-12-2008 08:57 AM

اللى اعرفه الأرياف من واقع زيارتى لبلدنا فى ان لبس الناس هناك حاليا عدة انواع ، النوع الأول المنتمى الى طبقة الطالبات بيلبس ال64 طرحة اللى فوق بعض مجاراه للموضة المستفزة التى تجعل رأس الفتاه و كأنها امتداد لكتفيها حتى اننى احيانا يخيل ان لابسه تلك الأشياء المبهرجة هى كائن فضائى بلا راس تبرز له انف واحيانا عينان واحيانا فم-من صدره

اما النوع التانى من الفتيات فهن المنتميات الى الطبقة العاملة بالأعمال اليدوية مثل عمال الزراعة والصناعات اليدوية والخدمة المنزلية ...الخ، وهؤلاء يرتدين جلاليب ملونة ويقمن بربط شعرهن بتلك الطريقة المتعجلة التى يتم"قمط" الايشارب بها خلف الشعر دون تغطية الرقبة كما تفعل ربات البيوت فى يوم التنفيض ، والتى تطلق عليها فتيات الطبقة الراقية اسم"سبانش" وافضل انا تسميتها باسم"قمطة النكد الأزلى"

اما السيدات الأكبر سنا فيرتدين الطرحة بذلك الأسلوب الفضفاض الذى يتم به جمع طرفى الطرحة فوق منطقة الصدر ليبدو طرفها السفلى بشكل مثلث يغطى منطقة الصدر، مع الجلباب الأسود او العبائة السوداء او الملونة

لكن لبس هنادى وآآآآآمنة ده معادش حد يلبسه نهائيا

اما عن الأسماء فكلها من قبيل مروة وآية وهند وريهام وتغريد ونهال.......الخ

عويضة وبهانة دول راحوا مع الوبا خلاص

**Sameh** · 02-12-2008 10:09 AM

المشاركة الأصلية كتبت بواسطة sab3aawy

اللى اعرفه الأرياف من واقع زيارتى لبلدنا فى ان لبس الناس هناك حاليا عدة انواع ، النوع الأول المنتمى الى طبقة الطالبات بيلبس ال64 طرحة اللى فوق بعض مجاراه للموضة المستفزة التى تجعل رأس الفتاه و كأنها امتداد لكتفيها حتى اننى احيانا يخيل ان لابسه تلك الأشياء المبهرجة هى كائن فضائى بلا راس تبرز له انف واحيانا عينان واحيانا فم-من صدره

...الخ، وهؤلاء يرتدين جلاليب ملونة ويقمن بربط شعرهن بتلك الطريقة المتعجلة التى يتم"قمط" الايشارب بها خلف الشعر دون تغطية الرقبة كما تفعل ربات البيوت فى يوم التنفيض ، والتى تطلق عليها فتيات الطبقة الراقية اسم"سبانش" وافضل انا تسميتها باسم"قمطة النكد الأزلى"

إنت بتجيب الكلام ده منين ! :)

الحالة الأولى دى مستفزة فعلاً وبيبقوا فرحانين بنفسهم أوى وفاكرين إن كدة قمة الفاشون

التانية دى على رأيك مابتشوفهاش غير على واحدة نكدية أو مسترجلة أو المعلمة اللى بتركن العربيات تحت الكوبرى

**مواطن مصرى** · 02-12-2008 10:20 AM

المشاركة الأصلية كتبت بواسطة sab3aawy

عويضة وبهانة دول راحوا مع الوبا خلاص

فعلا راحوا مع الوبا

الله يرحمك يا هنادى

**elassar2010** · 02-12-2008 06:48 PM

استهزاء بالمشاهد الى بيتفرج

**OlaOsman** · 02-12-2008 07:07 PM

صورة تانية من الاستخفاف بعقول المشاهد.. رزان مغربي.. ايه يجبرنا نتفرج عليها في دور بنت بلد و هي أصلا مش بتعرف تتكلم مصري كويس؟؟

**م/محمد صلاح** · 02-12-2008 08:36 PM

ياست علا دعى الخلق للخالق يعنى هى البلد كلها كويسه وواقعيه ومش فاضل غير الاعلانات والمسلسلات اللى مش واقعيه ... ويجعله عامر

**OlaOsman** · 02-12-2008 08:38 PM

المشاركة الأصلية كتبت بواسطة MiMo

ياست علا دعى الخلق للخالق يعنى هى البلد كلها كويسه وواقعيه ومش فاضل غير الاعلانات والمسلسلات اللى مش واقعيه ... ويجعله عامر

شكرا على الإضافة :)

**SHNORY** · 02-12-2008 09:01 PM

المشاركة الأصلية كتبت بواسطة OlaOsman

صورة تانية من الاستخفاف بعقول المشاهد.. رزان مغربي.. ايه يجبرنا نتفرج عليها في دور بنت بلد و هي أصلا مش بتعرف تتكلم مصري كويس؟؟

ماهو دا من قله الممثلين المصريين علشان اكلهم الوبا مع هنادي
وزي ما جابو مطربه من ارمينيا (ماريا بتاعه العب) وحفظوها زي البغبغان وغنت والناس صقفت
ودا طبعا غير مسلسلات الباشوات اللي كانو بيلبسوا طرابيش واكلاها العته
وقمه الاستفزاز لما حد بينطق جمله انجليزي في مسلسل ويترجمها بالعربي بعد ما ينطقها كنايه عن انه يا اما اجنبي او متعلم بره
عموما انا حليت كل المشاكل دي بكل بساطه
اخر مسلس تابعته كان ليالي الحلميه لانها كانت حجه للهروب من المزاكره ايامها
اخر ماتش كوره شفته كان سنه 90 لاني مش بحب الكوره من اساسه وكان تقريبا برضه بسبب المزاكره
والحل دلوقتي اني مش بتفرج علي التليفزيون من اساسه ولا بشتري جرايد لاني مش ناقص حرقه دم

الموضوع: عويضة و بهانة

LinkBack

أدوات الموضوع

عرض

-

-

-

الكلمات الدلالية لهذا الموضوع

المفضلات

المفضلات

ضوابط المشاركة