عرض للطباعة
بعد 14 يوم من العذاب (شراء) 307 اعتقد انه كان قرار سئ للغايه شراء 307. 14 يوم متواصله من التعب فيوز باور ضرب و بعد مداولات اتصلح تمام وبعدين حساس الكرنك ضرب و العربية مش عاوزه تدور و برضه اتصلح تاني
غير طقم بوجيهات وصنايعيه حرامية و ياريتهم بيفهموا و اخيرا لسه مغير علبة الدركسيون و طبعا لازم اروح مركز متخصص عشان تعريف سوفت وير طلمبة الباور مع علبة الزفت ولسه جلبة مقص يمين و بعدين ضبط زوايا و ترصيص
ايه التخلف العقلي ووجع القلب اللي انا عايشه ده
الحمد لله الذي لا يحمد علي مكروة سواه
معلش .. ان شاء الله تتظبط و تريحك
دائما العربيه فى اول فتره من شرائها بييجى لها مشترين كتير .. و لو نفسك قفلت منها جامد .. يبقى بيعها و ريح اعصابك
معلش كل المستعمل كده.زبطها وحدة وحدة واستمتع بيها
كل الاوربي متعب وخصوصا الفرنسي
هدى أعصابك علشان ما تقفلش من العربية ما فيش حد عربية مريحاه يبيعها بالساهل
المفروض قبل ما تشتريها بتكون عامل فحص شامل عند مركز خدمة متخصص بيطلع لك كل العيوب فى العربية
الحاجة التانية اللى هى دلوقتى لا تتعامل الا مع مختص بيجو فقط
تغيير زيت فلاتر بوجيهات انما الباقى لازم متخصص
يا جماعة و الله كشفت قبل ما اشتري عند مركز متخصص بس الحمد لله قدر الله و ماشاء فعل و شكرا لكل حضراتكم
قدامك حلين... يا تزبط الموجود يا تبيع و تطلع الصداع من دماغك. و نصيحة أخوية، أما تجيب عربية بعدها إن شاء الله في مصر... يا إما ياباني أو كوري.
الموضوع طويل للرد على النقطة دى....بس هى مقولة لولا إختلاف الاذواق لبارت السلع...و ممكن تشوف اراء ملاك العربية دى على الجروباقتباس:
المشاركة الأصلية كتبت بواسطة egyptiandiver
و بالنسبة للاخ صاحب الموضوع واضح من الكلام مش هيريحه الا عربية زيرو ..حتى لو مستعمل يابانى مش هيريحه
انا عربيتي من الركنه بتتعبني و كل شويه عايزه قطع تتغير بس اهم شي خلي الناس الي بتفهم تبص عليها و ظبطها و اانشاء الله تخلص عل خير
الحمد لله رحت مركز بيجو المتخصص بتاع الاسطي زكريا في الزاويه و ضبطها علي الاخر
و كل اللي اخده 400 جنيه بس
و بعد كده بعت العربيه عشان كنت قفلت منها جدا
شكرا جدا لكل الساده الافاضل اللي تكرموا و ردوا عليا
جزاكم الله خير
الحمد لله الذي لا يحمد علي مكروة سواه
:36_1_31:
زكريا خبير بيجو وفنيا فاهم جدا و خطوة صح وإن شاء الله اللى هيشتريها هيدعيلك :)اقتباس:
المشاركة الأصلية كتبت بواسطة ahmed197319
307 حيوانه!!!!!!!!
اللي مايقدرش ويفهم الاسد... ياكله
السؤال بقى الكشف عند الشراء كان عباره عن ايه ؟ والجواب بيبان من عنوانه بالنسبه للعربيه وفعلا العربيه مكلفه في صيانتها والصنايعية مستغلين صحيح مافيش كلام.
بس اللي فاهم بيريح بعني ماحدش يغريه سعر او شكل او موديل وهو مش عارف معلومات عنه وعن قطع غياره وعن سوقه وعن مراكزه .
ودا عمله نادره سواء كانوا عملا او اصحاب سيارات او فنيين .