عرض للطباعة
السلام عليكم و رحمه الله و بركاته
كنت عايز اشتري راوتر جديد في حدود 600 جنيه
اهم حاجه يكون بيستحمل الضغط الشديد و الحر و الوايفاي يكون كويس في تغطيه شقه بمساحه 115 متر
كان عندي ال Thomson TG585 كان كويس جدا ً لكن اشارته ماكنتش كويسه اوي و بدأ يخرف و يعمل ريسترت في حاله الضغط عليه
ياريت تفيدوني برأيكم
شِوف نت جير
بشكر حضرتك جدا ً على الرد ..
تعرف الراوتر دا يعمل كام و هل هو كويس ولا لا
Netgear DGN2200 N300 Wireless ADSL2+ Modem Router
كله هيشتغل هات نوع وسط زى الدى لينك ومعاه ربيتر فى اخر الشقه وانسى
بشكر حضرتك جدا على الرد .. ممكن حضرتك ترشحلي موديل معين .. و هل ال دي لينك افضل ام ال تي بي لينك ؟
انا جربت معظم انواع الراوترات وللأسف اغلبهم راوترات فاشله
واستقريت حاليا علي راوتر توتو لينك بانتينا واحده كمان سعره ب210 تقريبا وتقريبا هو احسنهم حتي الان
تمام .. طب انا دلوقتي ادامي ال 3 راوتر دول .. انهي احسن ؟
1 - TP-Link (TD-W8961ND) 300Mbps Wireless N ADSL2+ Modem Router
2 - D-Link DSL-2750U Wireless 4 Port Modem Router
3 - TP-Link TD-W8968 300Mbps Wireless N USB ADSL2+ Modem Router
ايه الموديلات اللي جربتها ... وايه مشكلتهم ؟اقتباس:
المشاركة الأصلية كتبت بواسطة elpilot
مع العلم ان " نيت جير " راوتر مش رخيص وشركة عالمية معروفة ومراجعاته ايجابية
و "توتو لينك" صيني او مصري او الاتنين مع بعض راوتر عادي يعني .
وهل الخط عند حضرتك فايبر ولا نحاس ؟
بلاش " تي بي لينك "
شركة Te Data مش بتنصح بيه في الدعم الفني
انا أفضل النيت جير .. مع العلم اني مجربتوش
انا بصراحه عاجبني جداً الراوتر Netgear DGN2200 N300 و بفكر اجيبه
انا مش حابب اجيب حاجه علشان كمان شهرين اغيرها ..
لما جبت التومسن من 5 سنين فضل معايا و مشتكاش غير في الاخر و كنت جايبه ب 350 جنيه في حين ان كان الراوترات بتعمل 90 و 120 بس انا جبته و نسيته .. هي نفس الفكره انا حابب اجيب حاجه و مفكرش اغيرها دلوقتي سواء كان netgear او linksys او حتي d-link بس يكون محترم و حد جربه و فعلا مفهوش مشاكل :)
دى لينك 2740 او 2750 الاتنين واحد 2750 فى يو اس بى ضمان سنتين استبدال
سعره وسط وتقدر تزود ربيتر معاه وانسى
اقتباس:
المشاركة الأصلية كتبت بواسطة mk3
بشكرك طبعا على ردك .. في استفسار تاني .. انا عندي راوتر thomson tg858 .. هل ممكن اشغله مقوي شبكه للوايرليس مع الراوتر الجديد ولا مش هينفع ؟
خليك فى النت جير NetGearاقتباس:
المشاركة الأصلية كتبت بواسطة waleed_treakah
ايوه طبعا ممكن تستعمل القدبم ك Access Point فقط للتوزيع فى اماكن اخرى من المنزل، بس لازم توصله مع الراوتر الاصلى بكابل Ethernet
اقتباس:
المشاركة الأصلية كتبت بواسطة khaled_afandy
انا فعلا ً جبت ال net gear وواضح انه ان شاء الله كويس :tumb:
طيب ممكن تقولي الطريقه اللي اربط بيها ال 2 راوتر ببعض لو ممكن :)
دلوقتي فيه أكسس بوينت بيوسع مجال الواي فاي من غير سلك
بياخد الاشارة وبيعيد ارسالها بنفس الأسم تمنه 300 جنيه
أعمل سيرش على
تي بي لينك - موسع ومقوي مجال شبكة الواي فاي 300 ميجابايت/ ثانية موديل ( tl-wa850re)
أشتريته وجربته ممتاز
اشتريته منين وبكام لو سمحتاقتباس:
المشاركة الأصلية كتبت بواسطة waleed_treakah
وايه التغيير اللي ملاحظه عن القديم .
اقتباس:
المشاركة الأصلية كتبت بواسطة DreAmO
اشتريته من تكنولوجي مول في مدينه نصر .. بــ 490 جنيه .. الملاحظ فيه النظام سهل جدا في الاعدادات وواضح جدا و قوه الاشاره مش هقول جباره لكن جيده في الشقه و كمان سرعه الاتصال بال WiFi ممتازه مجرد ما بتفتح ال WiFi بيعمل اتصال عكس الراوتر السابق ممكن ياخد 3 او 5 ثواني للاتصال غير كمان البرنامج اللي معاه اسمع netgear genie ودا للموبايل تدخل على اعدادات الصفحه و الوايرليس و الشير و كل حاجه منه بدل الدخول على صفحه الراوتر من المتصفح .. انا شايف انه احسن اختيار والله اعلم:tumb:
بشكرك على المساعده .. انا بصراحه شوفت الموديل دا و برده كان عاجبني بس انا لسه شاري راوتر جديد و عندي القديم فا كنت بسأل لو ممكن الاستفاده منه خصوصا انه شغال مش بايظاقتباس:
المشاركة الأصلية كتبت بواسطة ahmed_h_g
و انت جربته و كان ممتاز دي حاجه تشجعني ان لو فكرت في ريبيتر اجيبه :vctry:
ايوه ممكن الأستفادة من الراوتر القديماقتباس:
المشاركة الأصلية كتبت بواسطة waleed_treakah
اول حاجة حتشترى كابل ايثرنت Ethernet لتوصيل الراوتر القديم بالجديد يعنى لو فى شقة حتحتاج كابل 20-30 متر غالبا فى حدود 20 او 30 جنيه من باب اللوق
الراوتر القديم حتشغله ك bridge بين ال wifi و ال Ethernet و لازم تلغى انه يشغل بروتوكول dhcp
طبعا انا عارف الكلام ده ممكن يكون متخصص شويه و لكن امشى مع ال configuration يتاعت الراوتر القديم و حتلاقى الكلام اللى بأقول لك عليه
مش محتاج تعمل اى حاحة فى الراوتر الجديد فقط وصلة الأيثرنت
متابع
الخط عندي كان نحاس وبقي فايبراقتباس:
المشاركة الأصلية كتبت بواسطة DreAmO
دي لينك محترم بس مشكلته في كهرباء مصر ساعات بتعمل مشاكل معاه
تي بي لينك سئ جدا وبيهنج وبيعمل قفله في الشبكة بالاضافة الي ضمان زي الزفت ولو ببلاش متشتريهوش
راوترات الشركات سيئة جدا ومبتتحملش
النت جير الكهرباء بتاعتنا بتتعبه وبيهنج
لينك سيس كهرباء برضو
سيسكو شلرحه
3كوم شرحه
zte بيسخن جدا
بصراحه توتو لينك رغم انه صيني الا انه الوحيد اللي اقنعني حتي الان
اقتباس:
المشاركة الأصلية كتبت بواسطة khaled_afandy
بشكرك جدا ً
انا اشتريت النيت جير بردو امس بـ 495 .. وموجود في بعض المحلات بـ 725 نفس الموديل !
لكن انا لاحظت انه بيسخن جامد أوي
هل دة طبيعي ؟
عندي سبيد تاتش من 2004 صراحه مفيش حاجة داخلة دماغي من بعده .
لا عندي مش بيسخن ولا حاجه ..انا حاطت الراوتر رأسي بـ الاستاند اللي جي معاه و في مكان يعتبر جيد التهويه و مش بيسخن بالدرجه اللي تخليني الحظها - من اسفل منتصف الراوتر فقط - حاول تخليه في مكان يكون جيد التهويه و جرب تاني الراوتر بصراحه ممتازاقتباس:
المشاركة الأصلية كتبت بواسطة dreamo
انا عملت كدة فعلاً ركبته على الاستاند بتاعهاقتباس:
المشاركة الأصلية كتبت بواسطة waleed_treakah
وفعلاً السخونة في المنطقة اللي ذكرتها
على فكرة كان في نوع تاني لنفس الموديل بإنتا خارجية .. بتخلي الوايرليس مداه اطول بـ 525 جنيه
وبورت واحد فقط وبدون مدخل يو اس بي
انا اشتريته لأن شركة Te Data شككتني في الراوتر بتاعي لأن النت بيفصل كتير جداً
لكن بعد تجربة 3 راوترات .. النت لسه بيفصل
وانا مشغل حالياً السبيد تاتش وركنت النيت جير اللي يادوب جربته يوم .
طيب موضوع ان النت بيفصل دا ليه كذا سبب اهمهم بيبقي :اقتباس:
المشاركة الأصلية كتبت بواسطة DreAmO
- السلك فيه قطع ولحم كتير
- الاسبليتر فيه مشكله
- السنترال نفسه او البوكس او الكابينه فيها تصليحات
بص انت تدخل علي صفحه الراوتر و تختار advanced هتلاقي الصفحه فيها اربع اختيارات
1- router status
2-internet port
جواها بقي هتلاقي خيار show statistics st
هتفتح صفحه تانيه فيها بيانات الخدمه منها هتعرف ان كان العيب في الراوتر او الخدمه او من السنترال
و ممكن ترفعها اشوفها لو اقدر اساعدك فيها :)
زي الصوره دي كدا .. منها عرف ان الخط فيه مشكله و ان في تشويش و المفروض اصلا ميشغلش نت و دا كان فعلا موجود و صلحت السلك من البوكس للبيت و المشكله اتحلت الحمدلله
ايوة انا عارف كل الحجات دي وفاهم فيها كويس الحمد للهاقتباس:
المشاركة الأصلية كتبت بواسطة waleed_treakah
للأسف سبب المشكلة كابلات تليفون
لكن في اي جزء بالتحديد دي المشكلة
انا عندي البوكس سىء والكابينة سيئة جداً جداً .. والكابلات في الارض بينهم وبين السنترال متهالكة واتقطعت كتير .. دة غير ان البوكس بعيد عني وواخد كابل "مناولة" في الهواء
وبيني وبين السنترال مسافة حوالي 4.5 كيلو كابلات
ورغم كل دة
في الاسبيد تاتش كان Noise التشويش عالخط في الدون لود 24 وحالياً بينزل لـ 11 في المساء وفي افضل حالاته 15
على النيت جير وراوتر تي ايه داتا .. التشويش في افضل حالاته بيكون 8 وفي الغالب بيكون 6
وال Attenuation في الدون لود 52
والسرعة بتتقري عالسبيد تاتش 2048 للدون لود "2ميجا" والابلود 512
لكن عالنيت جير ورواوتر تي ايه داتا بتتقري 2045 وسعات 2043 والابلود بيتقري 509
وللأسف مفيش في ايدي حاجة اعملها بالنسبة لكابلات التليفون
- انا اشتريت النيت جير على امل انه يحسن التشويش او يديني اداء افضل من السبيد تاتش
وبنفس الوقت اطمن ان السبيد تاتش سليم لأنه معايا من 2004
والعجيب بقى ان كل يوم الساعه 11.30 تماماً ظهراً لازم النت يفصل
ودي بقى حاجة مشككاني في اجهزتهم اللي في السنترال
زي مايكون في منبه مظبوط عالوقت دة يومياً !
لا حول ولا قوه الا بالله .. بجد بقت حاجه تقرف تدفع فلوس و كمان مفيش نت ..
انا حصل معايا من سنه بالظبط كان في مشكله في الخدمه استمرت 21 يوم بالظبط .. كل يوم اتصل ب تي ايه داتا يقولي المصريه للاتصالات هي السبب اتصل بالمصريه يقولي الخط مفهوش حاجه و جه يجي 30 فني من الشركتين ومفيش حل للمشكله .. و لما طلبت ب تعويض علي الفقد دا اتقالي بالنص مرفوضه لان العيب مش عندنا دا من المصريه للاتصالات .. !!
كان ليه واحد صحبي في لينك دي اس ال ساعتها قالي هنعمل حركه هتفيدك ,, ( عرض خصم لمده سنه 50 % علي السرعه الانليمتيد و الراوتر ببلاش ) قالي تي ايه داتا مش هتسيبك و تتشقلب لغايه ما تشوف حل للمشكله .. و فعلا مجرد بس ما عرفوا ان انا عايز احول منها الخط اتغير بالكامل من السنترال نفسه لغايه البيت و خدت التعويض لمده شهر و كمان خدت نفس العرض ( خصم 50% لمده سنه علي السرعه و الراوتر ببلاش ) و المشكله اتحلت .. من الاخر لازم تعمل مشكله و تقلب الدنيا علشان يتصرفوا في حل .. و مدام خطك ضعيف كدا كان من المفروض يتقالك الكلام دا مش لم فلوس و خلاص روح السنترال و اعمل مشكله معاهم و كلم الجهاز المركزي لتنظيم الاتصالات و قولهم مشكلتك و كل تي اي داتا و قولهم ان انت مش هتكمل و لازم حل للمشكله .. و ان شاء الله هتتحل حتي لو هيعملولك سنترال جمب البيت :d :d
@waleed_treakah
أشكرك على نصايحك
للأسف انا عملت كل دة واكتر بكتير .. النت شىء أساسي عندي لأن دة شغلي كله عليه
وانا من الناس اللي بتستخدم الكمبيوتر من التسعينات من ايام نظام DOS والفلوبي ديسك
والديل اب واستخدمت اغلب طرق الاتصال بالنت وتقريباً كل شركات النت في مصر
من اول ايجي نت مع خطوط الربط sDSL الى تي ايه داتا حلياً مع ال aDSL
انا كنت ساكن في مكان تاني مفهوش مشاكل في كابلات التليفون .. وكان النت عندي شغال تمام 24 ساعة
خمس سنين مافصلش ولا عطل
لحد ما نقلت في المكان الحالي وانا بشد في شعري من تدني حالة كابلات التليفون والاعطال المتكررة
قعدت مع مدير السنترال ومع رئيس قطاع المنطقة ومسؤلين في سنترال رمسيس
غير بقى الشكاوي المستمرة في تي ايه داتا و 111 و تنظيم الاتصالات
انا عاملهم هوسه ودوشة كبيره .. لأن انا ضغطي عالي بشكل مستمر ومضرر من الوضع دة
للأسف المنطقة اللي انا فيها حالياً فيها اعمال طرق وكباري وانشاءات كتيره .. بتتسبب في قطع الكابلات الرئيسية .. ومعطلة دخول كابلات الفايبر
فدي حجتهم .
وبما ان استهلاكي الشهري لا يتعدى ال 30 جيجا
فقررت ان اجيب باقة اورانج 40 جيجا ب 400 جنيه في الشهر على موبايلي واشغله هوت سبوت للكمبيوتر واريح دماغي من القصه دي
انا عندي خطين تليفون ارضي كمان .. مخصص واحد للنت وواحد للمكالمات ( هلغيهم واوفر اشتراكتهم اللي بتوصل الى حوالي 200 جنيه في الشهر شامله اشتراك النت )
وازود عليهم 200 وادفعهم للباقه .. لحد ما يظبطوا قصة التليفونات الارضيه دي .
بس هصبر شويه لحد ما اجيب اخرهم هما وتنظيم الاتصالات .. لان انا بدفع اشتراك بشكل منتظم
وفي المقابل الخدمه غير منتظمه .. يعني ليه فلوس عندهم كتير .
مش عارف اقولك ايه .. شيئ بجد محزن و مؤسف في بلادنا .. الحمدلله ربنا يعينك علي ما ابتلاك بصراحه