ايه افضل سيارة اتومتيك زيرو مش صينى حد اقصى 130 الف ؟؟
ايه افضل سيارة اتومتيك زيرو مش صينى حد اقصى 130 الف ؟؟
متابع
عندك لادا جرنتا بس ماله الصيني اصلا تقريبا مفيش اوتوماتك اقل من 150 الف دلوقتي
اعتقد هتدخل فى فئة البيكانتو
انصح تاخد عربية كسر زيرو
و معاك فى البعد عن الصينى
انا حيران نفس حيرتك
لأن انا معايا 150 الف
والعربيات الزيرو اللي بالسعر ده تعبانة يا اما صيني
فدلوقتي بدور علي بوما موديل جديد
سوبر اكشن
2009 ماشي
2011شغال
سمعت عن عربية اسمها mg اللي كتير شكروا في تقفيلها وامكانياتها بس للأسف مش موجودة في السوق المصري حاليا
الفيرنا 133 الف ثم الأفيو 158 الف ثم اللوجان 160 ألف
ممكن الصني الجديدة ياباني و زي الفل بس ربنا يستر متكونش غليت عن 130000 ج
قطع غيار سيارات mg حاليآ غير متوافره و يمكنك التأكد بالسؤال . . أنصحك بتأجيل قرار الشراء إن أمكن ذلك لأن الشراء فى هذه الأيام خسار فادحه . . إن لم يمكن ذلك فأنصحك بالمستعمل المضمون . . أكرر المضمون
ام جي انجليزي من سنه ١٩٢٤ يعني قبل كل الماركات الموجودة حاليا ماعدا واحدة او اتنين...خدتها بي ام دبليو كذا سنه وبعدها روفر وبعدها سايك حاليا المصنع رقم ٨ علي مستوي العالم اللي بيصنع فولكس وموديلات جنرال موتورز وغيرها...وتصمم وتهندس حتي الان في برمنجهام في انجلترا وتتقفل في سايك بقطع انجليزي واتحاد اوروبي وبعض الصيني تحت اشراف وضمان جودة انجليزي كامل...العربيه مسوقتش جامد عشان غاليه في ٢٠١١ و٢٠١٢ ولغايه ٢٠١٥ سعرها كان ماشي بالظبط مع الالنترا نفس السعر دي اللي هي اول فئة كمان لكن التوكيل متعثر شويه عشان كدة اتهبدت في السعر جامد عشان مرحله انتقاليه للتوكيل وبيصفي وتوكيل جديد علي وشك انه ياخدها قبل نهايه السنه المفروض كله هيتظبط...فاصلا سعرها مش دا خالص ولا تتقارن بالاسعار دي دي مرحله استثنائيه اللي خلتها تنزل كدا بس ..ياريت اللي بيقول حاجه يكون دارسها الاول مش مجرد سماع طراطيش ...وفعلا كل الزيرو بتاعها خلص تماما ومش موجود ووصل الفترة الاخيرة باوفر برايس ٢٠٠٠٠ جنيه في اخرحتتين تلاته وكلو خلص...والموجود كسر زيرو بس او مستعمل ....كمان ممكن حد يكتب mg rover في ويكيبديا او جوجل هيلاقي بي ام دبليو وروفر وتاتا الهندية اللي بتصنع فولفو وسايك وام جي وجنرال موتورز كلهم داخلنين في بعض وليهم نسب جوا بعض...فصيني ايه بس...وبعدين دا المصنع رقم ٨ علي مستوي العالم كلو وموجود من الخمسينات ياريتها حتي بتاعه سايك من غير ما تبقي ام جي بردو تبقه حاجه محترمه اوي
وبالنسبه لقطع الغيار بعضها موجود في التوكيل وبعضها موجود برة في محل في شارع دمشق وبعضها مطابق مع عربيات تانيه