رينو لوجان ولا افيو

**goldscorpion** · 26-09-2016 03:09 AM

انا حيران بين الرينو اللوجان و الافيو....انهي احسن كعربية وقطع غيار وصيانات ؟؟؟
ارجو الافادة

**abohend** · 26-09-2016 12:02 PM

متابع باهتمام
و نفس الاسئلة بالذات لاصحاب الكيلومتر العالي
من 80 ل100 الف في السنة

**MADMIDO** · 26-09-2016 12:10 PM

لوجان فيها وسائل امان اكتر من الافيو و اوبشنز اكتر بس بعكس الافيو قطع غيارها موجوده في اماكن معينه بس الاماكن كتير مش قليله بس مش زي الافيو هتلاقيها عند البقال و الافيو اي حد يصلحها و قطع غيارها ارخص من اللوجان بس برده اللوجان رخيصه مش غاليه بس عايزه ناس بتفهم فيها مش اكتر

**volociximab** · 26-09-2016 12:22 PM

الافيو متتحملش كيلومترات كبيره-

**hamsik303025** · 29-09-2016 02:05 PM

لوجان و ربنا يوفقك

**MADMIDO** · 29-09-2016 02:12 PM

لوجان اشيك و منتشره بس يعيبها الاكسسوارات و عدم جوده التقفيل لكن الافيو الكل يفهم فيها و قطعها منتشره بهبل لكن انا مع اللوجان

**scientist9508** · 30-09-2016 05:22 PM

بسم الله الرحمن الرحيم

الزميل المحترم

كلاهما إختيار سىء . . و لكنه إرتفاع الأسعار الذى يجبرنا على إختيار سيارة سيئه . . اللوجان أحسن السيئين . . أنا و غيرى من كثير من الناس نحتفظ بالسيارات التى لدينا الآن مهما كانت حتى يفرجها الله علينا بنزول الأسعار لأن الشراء بهذه الأسعار خسارة فادحه . . إن إستطعت أن تفعل مثلنا فهذا أفضل أما إن لم تستطع فكان الله فى عونك

هداك الله لأرشد أمرك و أقومه

السلام عليكم ورحمة الله و بركاته

**goldscorpion** · 02-10-2016 10:27 PM

انا بشتريها عشان ادخلها فى اوبر فكنت عايز اعرف ايهم اكثر اعتمادية في الكيلومترات الكثيرة و الصيانةن وقطع الغيار

**georgedada82** · 05-10-2016 04:22 AM

المشاركة الأصلية كتبت بواسطة goldscorpion

انا بشتريها عشان ادخلها فى اوبر فكنت عايز اعرف ايهم اكثر اعتمادية في الكيلومترات الكثيرة و الصيانةن وقطع الغيار

في نصيحة انصحها لحضرتك من واقع تحليلي لموضوع اوبر
انصحك تجيب عربية استعمال كسر زيرو للاسباب التالية
1 - العربية لو جبتها زيرو سعرها عالي كسر الزيرو اقل واكشف عليها في التوكيل او اي مركز انت تثق فيه
2 - العربية هتعمل كيلوات قليلة في وقت قليل جدا بالتالي لو العربية زيرو وجيت تبيع هتخسر بزيادة
انما كسر الزيرو انت اشتريت بسعر السوق وهتبيع بسعر السوق
3 - حضرتك هتعمل كيلوات كتيرة جدا بسرعة جدا يعني هتضطر خلال فترة الضمان تدفع تكاليف صيانة عالية جدا في التوكيل لو العربية زيرو
4 - اعادة البيع زي ما قولت لحضرتك هتيجي تبيع الزيرو بالميت تنزل 10 الاف جنيه طالما علقت نمر ... كسر الزيرو هتبيعها بسعر السوق زي ما اشتريت بسعر السوق
5- خصص دايما من اي ايراد داخلك بعد تصفية البنزين ونضافة العربية باقي الايرد شيل منه 20% لصيانة العربية