تغيير مياه لانوس 2007

**Ahmed monoooo** · 26-09-2016 12:22 PM

السلام عليكم .. انا لسه شاري لانوس 2007 وعاوز اغير مياه الردياتير ومش عارف العربية فيها ميه ايه عشان فتحت القربة لقيتها فاضيه .. ومش عارف اعمل ايه ومش عارف اجيب انهي نوع مياه ارجو الافاده من اصحاب الخبره

**MADMIDO** · 26-09-2016 12:35 PM

اكشف الاول عل دوره التبريد بتاعت الريدايتر و املي القربيه مايه لحد ما تكتشف التسريب فين و بعد ما تشيك عل الدوره كلها و انها تمام تروح اي بنزينه موبيل عندهم غسيل دوره ردياتير تغسل و تحط مايه خضرا

**Ahmed monoooo** · 26-09-2016 12:40 PM

املي القربة مايه من الحنفيه ؟؟؟

**Ahmed monoooo** · 26-09-2016 12:42 PM

وهو كدا يبقا اكيد في تسريب عشان القربة فضيت ع الاخر ؟؟؟

**MADMIDO** · 26-09-2016 12:43 PM

اه من الحنفيه ولا تجيب جركن ب 40 جنيه مايه خضرا و يقع عل الارض لحد ماتروح لبتاع الردياتير عشان يشوف التسريب فين بظبط

**MADMIDO** · 26-09-2016 12:45 PM

عندي كانت بتفضي خالص و عربيتي بتزود من القربه بس و اكتشفت ان القربه مكسوره و مع ضغط الحراره بتبخر المايه من الشرخ ده

**dvdaio15** · 26-09-2016 12:48 PM

اكشف على التسريب حته لو حطيت ميه ايدا مثلا لو كبايه واو اى حاجه يكون ليها لون تكون رخصيه عشان تكتشف التسريب بسرعه لان ميه ملونه بتبان مكان التسريب وتعمل لون مكان اى تسريب وبعدين تعالجه خلى بالك تمشي وهو تسريب كتير كده لان القربه لوحده بتاخد ممكن 2 لتر يعنى تسريب كتير

**MADMIDO** · 26-09-2016 12:51 PM

لو لقيت المايه ام 25 المصري دي من الحنفيه متلونه اخضر حطها و تجري عل بتاع الردياتير عدل هتوريك التسريب احسن بس كده كده لازم تعمل غسيل دوره تبريد لردايتر فمش تفرق نوع المايه اوي معاك لانها كده كده رايحه

**Ahmed monoooo** · 26-09-2016 01:09 PM

تمام شكرا جدا ليكم وبارك الله فيكم

**ahmed_wagih** · 28-09-2016 10:36 AM

يا جماعة انا بستخدم ماية حمراء من موبيل قالوا لى هى افضل وانا شايف اغلب الاعضاء بيقولوا ماية خضراء اغير بماية خضراء ولا لا مع ملاحظة ان محدش قال لى ان الماية الحمراء غلط بتاعة موبيل بالعكس قل ما اقول لحد يقول لى ممتازة