مساء الخير
انا معايا شيري انفي 2017 وعامله 15000 كيلو فحصلت حاجه غريبه انهارده وانا بركن العربيه سمعت زي صوت حكه في الطاره وانا بلفها يمين وشمال ومش عارف ايه الصوت دا ولا سببه ايه ياريت اللي عنده معلومه يفيدني بيها
اسفين علي تعبكوا مقدما
عرض للطباعة
مساء الخير
انا معايا شيري انفي 2017 وعامله 15000 كيلو فحصلت حاجه غريبه انهارده وانا بركن العربيه سمعت زي صوت حكه في الطاره وانا بلفها يمين وشمال ومش عارف ايه الصوت دا ولا سببه ايه ياريت اللي عنده معلومه يفيدني بيها
اسفين علي تعبكوا مقدما
علي فكره انا معايا تيجو 2017
ومن يومين فعلا حسيت ان في حاجه بتحك في الكاوتش وانا باركن فعلا نفس الموقع بتاعك
للاسف التقفيل المصرى الزبالة كله مشاكل
انا معايه شيرى a15 مو 2009 تقفيل الصين والله العربيه متقفله صح لانهم بيهتمه بسمعة الشركه شيرى والشركه يهمها سمعة بلادها علشان كده فى الصين بيحبه المنتج بتاعهم المنتج الحقيقى اللى بينزل الخليج واوربا حاجه تانيه خالص والانفى فى الخليج بتنزل اوتوماتيك موتور 1600cc وفتحت سقف وايرباج امامى وخلفى وكل الكماليات لكن الانفى بتاعة خبور بيجمعها قرعه خالص حتى التيجو بتنزل دفع 4x4 مش امامى ومحرك 2000cc والفيديوهات موجوده على اليوتيوب ؟ ياجماعة العيب فينا احنا احنا اللى بنستورد ارخص شئ بدون اى مواصفات جوده زى اوربا او الخليج ؟شيرى عربيه حلوه جدا جدا بس لو نزلت تقفيل بلادها وكل الكماليات و100 الف شوف ممكن الانفى تاكل السوق والكل طبعا راضى بلسعر والجوده لان الشركه مش هترضى غير بمواصفاتها مش زى خبور واكلها ولعه ؟
الف شكر يا جماعه علي اهتمامكوا بالرد عليا
بس الجديد بقا اللي حصل انهارده ان الصوت راح لوحده
انا مبقتش فاهم حاجه الصراحة
بااشا ايه راى حضرتك فى العربية ومشاكلها هل هى مشاكل كبيرة ولا سهلة ! زى خبط وترزيع العفشة والكركرة
المشاكل ده بتتحل فى التوكيل ولا لا ! ورايك اشترى العربية ولا لا بصراحة هى عجبانى بس خايف من مشاكلها
وهل المشاكل ده هتعقدنى بالعربية ولا اقدر اتجاهلها واستمتع بالعربية " بمعنى هل المشاكل ده بتبق واضحة اوى وتخليك تكره العربية ولا لا "
مشكلة الكركرة عشان الناس متعودة على سواقة الفرنا والعربيات الخفيفة
مشوار الغيار في الانفي قوي وطويل
يعني مفيش مطب بيتاخد على التاني زي ما اتعودنا وفكرة ان الاولاني عشان اول ما العربية تطلع ومهمته انتهت مش في الانفي .
بالنسبة لصوت الطارة دا كان عندي وراح لوحده بردة بيكون تراب ولازم ما تلفش الطارة للاخر وسير باور الطارة موجود تحت سير المجموعة . لما تكسر الطارة على الاخر بيصفر .