ساعدوني اي هو نوع و لزوجه الزيت الي بتحطه للاسكورت عندك

انا لسه خارج من تلين عمره الماتور و عايز اغير نوع الزيت الي بحطه و معرفش نوع الزيت الي كان بيتحط ليها قبلها الميكانيكي القديم كان بيحط شل الاصفر 15w-50 و كان بينزله عل 3500 كيلو و انا بعدت عنه لاسباب عدم الامانه و لما دورت عل النت لقيت ان نوع لزوجه الزيت الي بينصح به 10w-40 و طبعا ده مش موجود في مصر اصلا غير كاسترول تقريبا شفته مره في الدقي عند السرساوي الي عند الميدان و قبل العمره كنت قررت اغير الزيت لاقرب حاجه للزوجه المطلوبه فجبت زيت 5w-40 توتال و بعد 4000 كيلو او اقل العربيه كان نقص منها زيت كتير و زودته و بعدها بفتره بطلت و مكنتش عايزه تدور جبت ميكانيكي تاني فتح الماتور ملقناش فيه كوبايه زيت و البساتن عليها هباب اسود كده تحس ان الشوائب مسكت و حجرت عل البساتن فدلوقتي احط انهي زيت :-
15w-50 shell الاصفر
5w-40 shell الاسود
10w-40 castrol و ده نادر الاقيه

بغض النظر عن نوعيه اللزوجه الصح لعربيه حضرتك لانى معرفش .... الا ان لزوجه الزيت درجه 10w40 موجوده في مصر ومنها زيت توتال وزيت وولف وزيت وولفر .......

طب الاقي فين اللزوجه دي بسهوله و يعمل كام

اقتباس:

---

المشاركة الأصلية كتبت بواسطة MADMIDO

طب الاقي فين اللزوجه دي بسهوله و يعمل كام

---

السلام عليكم ورحمة الله وبركاته موتور الفورد اسكورت هو هو موتور الشيرى القديم اول انتاج من 2002 حتى الان الموتور بينتج حتى الشيرى الانفى نفس موتور الاسكورت مع تعديل وش السلندر من 8صبابات الى 16 صباب انجكشن خلى بالك المعلومه دى مهمه جدا لكل ملاك الاسكورت والشيرى a11 وa15 لاننا بنركب فى المواتير بتاعتنا كل قطع غيار الاسكورت كربراتير 99 ؟ المهم انا بشرح ليك احنا نفس مواصفات الاسكورت زيت لزوجة 10w40 هو ده الصح واوعى تحط درجه اقل لا انتى الازم تطلع الى 20w50 او 15w50 واوعى تحط درجه اقل هيتبخر بسرعه لان المحرك اسمه زيتك بيعتمد على ضغط الزيت للكوستبانات فى السلندر قصه طويله المهم 10w40 موجود شيل الازرق فى المعادى او كاسترول او اموسيل او ويلفر وانواع كتير انا بستعمل شيل الازرق 10w40 من 5سنين وده الوحيد اللى الموتور بيرتاح معه ومش موجود غير فى فرع شيل المعادى لانه مستورد وسعره من شهر كان 210 وممكن يستمر حتى 8 الاف كيلو او 6 شهور ونصيحه اوعى تنزل بدرجة الزيت تانى وياريت تعرفنا عملت ايه وربنا يوفقك ؟

و هل الزيت التخليقي كويس للماتور الي عامل عمره اصل رحت سالت عند محل قطع غيار لقيت كاسترول ١٠/٤٠ و تخليقي و ب٣٤٠و ناس بتخوفني من الزيت االتخليقي و تقولي خليك في المعدني و الماتور عندي ماتور فورد العادي مش الانديورا او الزيتك الماتور كان بينزل زمان للعربيات الاسكورت في انجلترا لحد ٩٣ و منزلوش كاربيراتير تاني في الفورد لكن الي جه مصر كاربيراتير عادي

خليك فى النص تخليقى او المعدنى زى شيل الاصفر جربه وعلى اد حالنا مش لازم زيت غالى جرب شيل الاصفر طالمه متوفر ؟

لا الكاسترول ده نص تخليقي ابو ٣٤٠ و بيقعد ١٠٠٠٠ كيلو

اقتباس:

---

المشاركة الأصلية كتبت بواسطة MADMIDO

لا الكاسترول ده نص تخليقي ابو ٣٤٠ و بيقعد ١٠٠٠٠ كيلو

---

انا قبل كده اتزنقت وكنت عايز اغير زيت باى شكل وماكنتش لاقى شيل الازرق حتى فى التوكيل المهم قبل السفر بيوم لمرسى مطروح لاقيت محطة طاقه على المريوطيه هرم واشتريت منهم زيت كاسترول 20w50 المهم غيرت الزيت ولازم الفلتر مع كل غيار لازم اغيره وكان سعره تقريبا 145ج ومن اول مادورة العربيه صوت التاكيهات عالى جدا وطول الشهرين دول اول ما ادور الصبح صوت التاكيهات عالى والزيت ما كملشى الفين كيلو ونقص حوالى نص كيلو او اكتر والبخر كان عالى جدا وبوظلى فلتر الهواء وكان زفت الكاسترول اللى طالعين بي فى السما والله التعاون احسن من كاسترول ده انا جربته وعمرى ماهستخدم كاسترول لا تخلقى ولا اى نوع كاسترول ؟ سيبك من كاسترول وخليك فى اى نوع معروف لانك بعد العمره مش هتحتاج زيت يعيش اكتر من 3 او 4 الاف كيلو بلكتير مع فلتر جديد انا بعد ازنك شايف افضل حاجه ليك شيل الاصفر ؟

منا بقول كده برده شل الاصفر و الكل بيقول كده بس سمعت عن وجود شل الازرق في توكيل شل بتاع مدينه نصر هل يفرق كتير عن الاصفر ولا الاتنين قرب بعض

أستاذ madmido


يا ريت لو حضرتك تقولنا معلومات أكتر شوية عن العربية .. مثلا موديل الإسكورت سنة كام والموتور كام cc علشان نقدر نساعدك

ببساطة أنا هحاول أدورلك على كتالوج العربية ونشوف إيه المناسب ليك.


...