عرض للطباعة
معلش عندى سؤال تانى انا اشتريت السيارة مستعملة عاملة تقريبا 136000 المهم كان بيستخدم ماية حنفية عملت لها دورة غسيل ردياتير وحطات ماية حمراء موبيل وشغالة تمام والحمد لله معايا بس سمعت من من اعضاء اكيد هما خبرة بيقولوا ان الافضل استخدام ماية خضراء
ياريت اعرف ايه الفرق واكمل ولا لازم اغير فوراء بالخضراء
شكرا جزيلا
معرفش الفرق اوي بس في شركات تقول متحطش الا مايه خضرا بس و متحطش حمرا بسبب درجه الحراره تحت الصفر و المايه متجمدش جوه الماتور بس في مصر مش بتوصل للصفر و احنا بنحط المايه دي عشان انها مش بتتبخر عند درجه حراره 100 عند 160 في الغالب المهم ان المايه تكون ملونه و فيها ايثلين جليكول عشان تستحمل لحد فوق 100 درجه c بس كده و مش فيها املاح زي مايه الحنفيه غير كده الفرق في انها تجمد ولا لا و احنا في مصر فمش هتفرق معاك و عمليه الغسيل كلفتك كام بالمايه
متشكر على اهتمام حضرتك وردك يبقى انا كدة استمر على الاحمر بتاع موبيلاقتباس:
المشاركة الأصلية كتبت بواسطة madmido
هو الجركل الكبير من موبيل الاحمر فى حدود 80 ج تقريبا ممكن اقل او ازيد بحاجة بسيطة شارية من فترة مش فاكر
ولما روحت لبتاع الردياتيرات غير لى كوع كدة كانت مملحة وكانت على وشك انها تنكسر وعمل دورة غسيل للردياتير طلعة وغسلة والقربة واخذ تقريبا 100 ج بالكوعة اللى غيرها
المفروض كل 6 او 8 شهور تغسل الدوره و تنزل المايه كلها و تغيرها و مش تزودها او تحاول تفتح الغطا اصلا و خصوصا لو سخنه عشان متخادش هوا في الدوره و تبخر المايه بره الدوره تنقصها و قد اي الجركن ده كام لتر و متحولش تحط مايه خضرا عل الي عندك لانهم مع بعض بيعملو جل كده يلخبط عل بعض و مش يمشي جوه الماتور
هو انا بغيرها على دخلو الصيف ولو الماية نقصة كل فترة وهى باردة بزودها وطبعا انا معنديش خبرة مرة كان فاضل ف الجركل شوية زهقت وزودهم كلها والقربة اتملت بعد الماكس ( كنت فاهم غلط فى القربة مكتوب ماكس بس فية سهم لتحت مشوفتوش ) المهم ملات وحد قال لى غلط جبت سرنجة وشفتاقتباس:
المشاركة الأصلية كتبت بواسطة madmido
الجركل كبير متهيالى 3 او 4 لتر مش فاكر بس انا لما فضيت الماية استخدمتة واشتريت زجاجة لتر زودت منها حاجة بسيطة قوىىى
تمام المهم ياريت تنفع العربيه و تخليها تبطل تسخن معايا بس تيجي من الميكانيكي و اغير زيتها و اعملها دوره غسيل و احط كولنت جديد
في أغلب الأحوال... المية الخضرا للمواتير القديمة (بلوك حديد ورادياتير نحاس)
والمية الحمرا/الزرقا للمواتير الجديدة (بلوك ألومنيوم ورادياتير ألومنيوم).
واحتمال لو حطيت مية خضرا في الرادياتير عندك المية تاكل الرادياتير وتخرمه.
ورزي ما قاللك أ. Madmido... خلط الألوان غلط.
...
متشكر بجد على اهتمام حضرتك والرد والمساعدة يكفى ردك ومحاولة المساعدةاقتباس:
المشاركة الأصلية كتبت بواسطة borio1704
انا بستخدم ماية حمراء موبيل بس اللى لخبطتنى انى لقيت ناس بتقول انها بتستخدم ماية خضراء فى الانوس يعنى انا كدة صح
معلش بالمرة بما انك رديت انا لما اشتريت السيارة لانوس 2008 غيرت سيور ولسة مفير فلتر هواء قريب بس اللى لسة مغيرتهمش البوجيهات وسلك البوجيهات وفلتر البنزين مع ان العربية بتدور كويس بس اوقات بحس ان سحبها مش كويس ممكن يكون متهيالى تنصحنى اغيرهم ولا لا
ملحوظة انا اشتريت العربية تقريبا 136000كيلو وبعد سنة تقريبا دولوقتى عاملة حوالى 143000
شكرا مقدما على المساعدة