الموضوع: تغيير جوان وش سلندر سيارة مونديو

السلام عليكم ورحمة الله وبركاته
انا هحكي عن تجربتي في تغيير جوان وش السلندر وليه غيرته
في الاول العربية كانت مش مظبوطة بالمرة سحبها وكبسها لدرجة اني لما احب انقل للغيار الأعلى كان لازم اجيب اخر سرعة الغيار ةزيادة شوية عشان انقل للغيار اللي بعده من غير ما العربية تتبرجل يعني لازم انقل على 3.5 rpm كان العربية سيئة للغاية لدرجة اني غيرت كهربة العربية بالكامل من موبينة لبوجيهات لسلوك بوجيهات استيراد وحتى مسطرة الرشاشات ولكن لا حياة لمن تنادي مافيش فايدة ... المهم واحد ابن حلال شار عليا اني اجيب سلوك بوجيهات جديدة وانا أصلا كنت جايب بوجيها موتوركرافت الاصلية هنا بالفعل حسيت بتحسن ملحوظ وفضلت حوالي اسبوعين لحد ما في يوم راجع من السفر حصل اني أول ما ارفع رجلي من على البنزين العربية تطفي المهم فضلت أسايس العربية لحد ما وصلت وعند أول مطب العربية حلفت ما تدور.
لفت انتباهى وانا بشوف فيها ايه وجود زيت على البوجيه رقم 4 المهم روحت لميكانيكي قالي طقم شمبر ساعتها احباط الدنيا كان عندي ومسلمتش بكلامه روحت لواحد تاني قالي الزيت ده من جوان التاكيهات ولازم تغير جوان وش سلندر لان العربية ماشية ب 2 سليندر بس والجوان من جوا فاتح على اسلندرين اللي في النص.
كتير قوي خوفوني في الفورد من حوار جوان وش السلندر وقالولي هات شورت بلوك ...لكن انا عزمت وتوكلت على الله وقلت هغير جوان وش السلندر روحت لميكانيكي في الحرفيين اسمه ايهاب وبدأنا نشتغل
جوان وش سلندر أسباني محمل اسمه glasser والميكانيكي هو اللي نصحني بيه ب 210 جنيه
الخراط نضف الوش ب 70 جنيه
غيرت بالمرة خرطوم الميا اللي واصل من المكنة للريدادتير ب 150 جنيه تركي
وبالفعل تم التغيير والعربية ماشاء الله كأني اشتريت مكنة جديدة
حبيت أنقل التجربة يمكن حد يستفيد بيه
وأسف للأطالة

الميكانيكي أسمه ايهاب ماشاء الله عليه حافظ العربية بالمسمار
مكانه في الحرفيين
رقم تليفونه 01093012340