زعر وهلع فى قلوب بائعى السيارات

فى اثناء مشاهدتى لبرنامج البيت بيتك يوم امس
الاثنين 1-12-2008

كانت حلقة عن سوق السيارات فى مصر
واستضاف البرنامج نخبة من افراد صناعة السيارات - شركة توزيع - عضو بالغرفة التجارية وخلافة

المهم الموضوع فعلا عامل ليهم زعر شديد ان الناس لا تقدم على البيع او الشراء
وان الركود دا هيخسر البلد حوالى 15 مليار دولار وخلافة

وقعوا يناشدوا الناس انها تبيع وتشترى وان السيارت مش هتنزل اسعارها وان دى اشاعات الغرض منها ضرب الاقتصاد المصرى الواعد فى مجال السيارات

وان الضرائب مش هتنزل

المهم ان بين السطور تعرف فعلا ان الاسعار لابد من نزولها لو الاحجام عن الشراء استمر لفترة كبيرة

ولولا ذلك لما خصص البرنامج (الموالى للحكومة) تلك الفترة للنقاش فى هذا الموضوع

البرنامج حكومي على قناة حكومية، وليس موالي للحكومة :)
يارب تنزل بقى

البرنامج حكومي على قناة حكومية ، موالي للحكومة جدا جدا جدا طبعا

ويارب الأسعار تنزل بقى

ايوه

انا استغربت

لو الموضوع مش عامل مشكلة

هيخصصوا ليه وقت زى دا على الهواء مباشرا ليه !!!!!!!!

وجيبين ناس يضحكوا على الناس ويقنعوهم ان دى اشاعات ليه !!!!!!

الركود دا هيقصف بالاسعار لتحت

ولو استمر يبقى كل اللى عنده عربيات هتبقى زى اللى شايل شوية حديد عندة
وبمرور الوقت الهلع هيزيد لان العربيات موديلاتها هتتغير وغصب عنه هينزل من مكسبة عشان يخلص من الموديل قبل انتهائة

والموزع اللى جنبة هينزل اكتر منه عشان يجذب الناس ليه

فيقوم التالت ينزل اكتر من الاثنين عشان يخلص
وهكذا هينزلوا من سعر العربية الى الن تصل الى رقم منطقى


انا اكتشفت معلومة من النقاش دا

ان سعر العربية كمكونات (هيكل معدنى - كراسى وفرش وتابلوه - بلاستيكات - موتور - دوائر كمهرباء وخلافة ) لاتتعدى حوالى 20 % من ثمن العربية (فى مصر)

حيث ان الشركة المصنعة تفعل الاتى :

1- نسبة ربح تذهب الى التصميمات - التطوير - الابحاث - التجارب
2- نسبة ربح تذهب لخط الانتاج
3- نسبة ربح تذهب الى مكونات السيارة
4- نسبة ربح كربح اصلى

والوكيل يفعل الاتى :
5- نسبة ربح ليه عن كل سيارة
6- نسبة ربح تذهب الى الضرائب والجمارك وخلافة

الموزع يفعل الاتى :
7- نسبة ربح ليه عن كل سيارة
يبقى ثمن السيارة = 1+2+3+4+5+6+7

يعنى قيمة السيارة اصلا كمكونات فى الموضوع اقل من 20%

المصنع اثر الركود هيخفض من البند (1و3 و4)

والوكيل والموزع يقدر يخفض فى البنود (5 و7)

يعنى : اسعار المواد الخام فى الدنيا كلها هتنخفض فيؤدى الى خفض البند 3
المصنع هيحاول البقاء والنافسة فيخفض من هامش ريبحة فى البند رقم 4
وهكذا

مجموع التخفيضات دى ممكن تمثل من 20 الى 30 % من قيمة السيارة

بس تقول ايه بقى فى جشع المصريين


احسن سيارة فى انجترا بتتباع ب 6 الافى استرلينى يعنى تقريبا 50 الف جنية مصرى

دي أخبار ساره

إذن احنا على الطريق الصحيح إن شاء الله

كده هما مغفلين .. السوق هينام تانى و تانى ... لأن طبيعة المستهلكين المصريين إنهم نفسانيون ... يعنى محدش هيروح يشترى فى سوق نايم لأنه إحتمال ينام أكتر و أكتر و السعر ينزل.

هما قعدين وجعين دمغنا على فاضى هما عايزين يكسبوا 80%من تمن العربية ولااية اسعار العربيات هتنزل هتنزل لو مش عاجبهم يتصرفوا فيها بمعرفتهم هما عايزين يلموا مليارات من الناس وخلاص بدون مقابل

ارجو من الادارة ومن الاخ الكاتب تغيير كلمة زعر في العنوان الى ذعر
حيث ان زعر هو وصف للشعر او الريش يقال زَعِرَ اي قليل الشعر متفرقه (بالبلدي ازعر)
والكلمة الصحيحه هي ذعر اى خوف و هلع

انا عارف اني بنفخ فى قربة مقطوعة بس اهى محاولة للحفاظ على ماتبقى من اللغة العربية

موضوع مبشر بالخير
بداية سليمة
اضم صوتى لأخى المطالب بالاهتمام بلغتنا العربية اكثر
هى نصيحة بجد ارجو ان يتسع صدركم لها

ربنا يسهل ...

احنا كدة فى الطريق الصح وباذن الله الاسعار هتنزل

اقتباس:

---

المشاركة الأصلية كتبت بواسطة د-احمد عبد اللطيف

ارجو من الادارة ومن الاخ الكاتب تغيير كلمة زعر في العنوان الى ذعر
حيث ان زعر هو وصف للشعر او الريش يقال زَعِرَ اي قليل الشعر متفرقه (بالبلدي ازعر)
والكلمة الصحيحه هي ذعر اى خوف و هلع

انا عارف اني بنفخ فى قربة مقطوعة بس اهى محاولة للحفاظ على ماتبقى من اللغة العربية

---

انا اسف على الخطأ
ومش مقصود
واشكرك على الايضاح

فى اخر الحلقة وجهوا نصيحة ذهبية للناس
(اشتروا وبيعوا - متخافوش - دى كلها اشاعات)

شكلها كدة هترخص بسبب المقاطعة وان الناس كلها بطلت تبيع وتشترى قبل ما ترخص بسبب الكساد العالمى ونزول الاسعار
يا سلام لو نعمل كدة مع كل حاجة كانت كل حاجة رخصت فى البلد
أينعم هتخرب فترة فى الأول كدة بس شوية وهتعدى والعجلة تمشى تانى