يارب رحمتك مشكلة تدوير فيات ١٢٨ يارب يخليكم ساعدونى
عندى مشكله كرهتنى فى فيات ١٢٨
ان لما اجى ادور الصبح بدرى
مش بسمع صوت المارش خالص
والاضواء فى التابلوه بترعش
بس مفيش صوت للمارش ولا صوت حاجه خالص
ومش بتقوم خالص
ولو اشتغلت ومشيت بيها لما ابطلها فى نصف اليوم علشان انزل اشترى حاجه وارجع ادورها
نفس المشكله تحصل معايا
واجى ادور مفيش صوت خالص لا مارش ولا اى حاجه ومش بتقوم
ولما سيبتها مركونه ربع ساعه ورجعت ركبتها دارت من اول مره
بس طولت فى تكة الكونتاكت شويه
وسمعت صوت صفارة زى اللي بتظهر
لما يكون فى مشكله فى سير الدينامو
وبعدين دارت وصوت الصفارة راح
ومن فتره روحت لكهربائى
وقالى هكشفلك على المارش
علشان ممكن يكون الشربون خلص
وبعد ما فك المارش قالى ده حالته كويسه جدا وشاورلى على شربون المارش وقالى لسه شغال وكويس جدا
وقالى هو كده لسه مليان حرام تغيره
وقالى هنظفلك المارش
وبعدين شحمه وبعدين قفله وركبه
وركبت العربية مشيت كويس
وبعد فتره رجعت نفس المشكله
تانى
يعنى كده الكهربائى شخص تشخيص غلط
الله يبارك فيكم ويخليكم
قولولى ده احتمال يطلع ايه
لأنى تعبت من العربية ومش عارف اعمل ايه
افيدونى رجاااااااااء
ولكم جزيل الشكر
عايز رد واضح من خبير فى كهرباء السيارات
لو البطاريه فيها مشكله
على الاقل هسمع صوت المارش ومش هتدور
انما انا مش بسمع حتى صوت للمارش
يعنى ممكن يكون فى سلك مهرب مش واصل كويس
زى سلك الكونتاكت او الارضى
علشان لما بروح للكهربائى العربية بتكون شغاله
وبكده المشكله بتكون مش واضحه خالص
والكهربائى بيخترع
اعمل ايه
مفيش خبير فى المنتدى ده يقولى على اللي فيها من الاخر
افيدونى رجااااااء