الموضوع: والدي يعاني من إرتفاع ضغط الدم ويرفض العلاج , ما العمل ؟

المشاركة الأصلية كتبت بواسطة Imhotep

بص يا باشا انا قولتلك على الكركديه لانى انا نفسى hypertensive و بحاول انتظم على الكركديه و فعلا بيعمل فرق بنسبة 10% معايا بس بشروط...... اولها انه عشان يبدأ يأثر بياخدله بتاع اسبوع من المداومة عليه 3 مرات يوميا...... ثانيا النقع بتاعه يبقى overnight مش مجرد 8 ساعات..... عشان المواد الفعالة تكون اتشبعت فى المشروب بالكامل...... انا متعود انقع دورق سعة 3 كوبايات كبيرة ليلا لاستخدام اليوم التالى بالكامل بحيث يخلص فى ال 24 ساعة التاليين لانه برضه لا يفضل انه يقعد كتير منقوع...... بالنسبة للكمية انا مش بحط كمية معينة بس فعلا ببقى حريص انه يبقى تقيل عشان ضمان التأثير
بس بينى و بينك فى حالة والدك لانها حالة متشعبة فيها امراض متعددة و مضاعفات..... موضوع الكركديه ده هيبقى مجرد عامل مساعد انه يدخله فى نظامه الغذائى مش بديل عن العلاج.....
شافاه الله و عافاه ان شاء الله

جزاك الله ألف خير
طبقت كلامك بحذافيره وظهرت النتائج إمبارح 135 والنهردة 133
وقلت أصور النتيجة حتى يستفيد منها أي مريض ضغط أو أحد أقاربه يعاني من هذا المرض


ربنا يفتح لك أبواب مغفرته وفضله ورزقه ويمن عليك بالصحة والعافية أنت ومن تحب
من إمبارح توقف نزيف الأنف تمامًا الحمدلله بفضل الله ثم وصفة الأخ إمحوتب
ياريت اللي عنده مريض ضغط يتبعها ويدعي للراجل دا لأنه صاحب معروف لن أنساه

المشكلة الانتظام

المشاركة الأصلية كتبت بواسطة imhotep

يااااه الحمد لله..... الف حمد الله على سلامة والدك
دى احسن حاجة سمعتها النهاردة
و صدقنى انا كل اللى كتبتهولك عن تجربة شخصية يسبقها قراءة مستفيضة لأى حاجة بعملها من كل الجوانب و من مراجع عديدة لتأكيد المعلومة و يمكن عشان كده ربنا بيكرم...... ما تتصورش سعادتي اد ايه ان والدك اتحسن و بطريقة طبيعية و بدون ازعاج الادوية اللى هو بيكرهها.....
حاول تستخدم النتيجة الحلوة دى نفسيا و تعطيه دعم نفسى و امل فى التحسن و الشفاء بإذن الله بشرط الاهتمام بنفسه و صحته و ربنا يكمل الشفاء
الف حمد الله على سلامته و ربنا يتمم شفاؤه من كل النواحى ان شاء الله

أنا كنت فقدت الأمل في العلاج الطبيعي بالنسبة للضغط ولكن النتيجة دي كانت مشجعه
مش هعرف أوصفلك راحته النفسية لما شاف الأرقام دي ولما توقف النزيف
كل الشكر لحضرتك بجد أنا مدين ليك
الدكتور اللي جاله زيارة بكلمه أتابع معاه حالة والدي وقلتله عن النتيجة
فطلب مني النظام اللي إعتمده والدي للسكر وللضغط عشان يجربه مع مرضاه
يعني الفائدة دي هتوصل لناس حضرتك يمكن متعرفهمش خالص
جزاك الله عن هذا المعروف كل خير

المشاركة الأصلية كتبت بواسطة volociximab

المشكلة الانتظام

مشكلة الأنتظام تشمل العلاج بالأدوية
بس السلبية الملاحظة في المرضى اللي بيتعالجوا بالأدوية فقط
إنهم مابيتابعوش قياسات السكر والضغط بشكل يومي و بيكتفوا بالعلاج
لكن العلاج بالحمية صحيح محتاج دقة في المتابعة بس كمان محتاج متابعة مستمرة للقياسات
هو مرض وإبتلاء لازم يتقبله كجزء من نظام حياته للأبد

الضغط بقاله يومين مرتفع جدًا ووصل لأرقام أول مرة أشوفها
191 \ 112
والدكتور كان كتبلي على دواء في حالة ارتفع losartan
وأخده إمبارح بعد جهد جهيد
لكن الضغط لا يزال مرتفع بشدة والنهردة 191 على 112
والدكتور قالي الدواء دا مفعوله تراكمي يعني لازم ياخده لفترة عشان يجيب نتيجة
طيب إيه العمل حاليًا وهوا مرتفع بعد ما أخد الدوا
بالرغم إنه مستمر على الكركدية والنظام الغذائي ولكن مع كدا الضغط إرتفع بشكل غريب
لو أخدته للمستشفى إيه الإجراء المتبع عشان ينزلوا الضغط ؟ وهل ممكن يتعمل في البيت ؟
لأنه مش عايز يروح المستشفى وهضطر للأسف أخده بدون إرادته على حسب رأي الدكتور
فلو فيه أي إمكانية إنه ينخفض في البيت ياريت

المشاركة الأصلية كتبت بواسطة imhotep

هل جد جديد قد يكون سببا فى هذا الارتفاع المفاجئ؟ سواء في الحالة النفسية او ادوية جديدة او لخبطة فى نظام الاكل مما قد يؤدى الى تأثير جانبى متمثل فى هذا الارتفاع الحاد المفاجئ؟
اصل الارقام دى لازم تنزل بسرعة لانها عالية جدا

هوا بيتابع شغله في مصر يمكن دا أثر على نفسيته .. الله أعلم
بحسب كلام الدكتور نزوله السريع ممكن بس ليه أضرار
وخيرني بين إنه ينزله بسرعة أو نصبر وننزله بالتدريج
كل دكتور له رأي مختلف