الزملاء الاعزاء خبراء الفولكس بعمل اعاده تكويد للبور استرنج لسيارتى جيتا 2007 - 1600 سى سى عن طريق كابل فاج وعايز الكود بعد اذنكو
عرض للطباعة
الزملاء الاعزاء خبراء الفولكس بعمل اعاده تكويد للبور استرنج لسيارتى جيتا 2007 - 1600 سى سى عن طريق كابل فاج وعايز الكود بعد اذنكو
اشكرك جدا يا بشمهندس صلاح - حاضر باذن الله بكره
م صلاح واستاذ gho-ah بعد اذنكم انا كنت بتابع موضوع قديم ليك بخصوص اعطال على الكمبويتر فى جيتا ٢٠٠٧ وكام م صلاح قالك شيك على خطوط الفاكيوم الموضوع ده بيحصل معايا نفس الاعطال على الكمبويتر مع لخبطه فى المكنه وبيدينى الاعطال نفسها وبتنور لمبة asr وطبعا مش لاقى ميكانيكى فاهم والموضوع ده مبرجل العربيه جدا اتمنى من حضرتك تقولى حليت المشكله ازاى ولو نصيحه من م صلاح
م صلاح عربيتى جيتا ٢٠٠٧ ومش عارف كود المحرك انا صاحب الموضوع حضرتك رديت عليا فيه وقولتلى تلات نقط منهم الكشف على الفاكيوم بالذخان انا عمال اروح مراكز عشان حد يعملى الكلام ده كل واحد بينفذ التشخيص اللى فى دماغه ويطلع غلط وحاجه اخر بهدله واقولهم موضوع الفاكيوم والهوا والكلام ده مفيببش فايده كله شايف رايه صح والا نبقى بنتعدى عليه... حضرتك ممكن تفيدنى بحد اروحله ينفذ الكلام اللى انت اقترحته؟!
ماكينه الدخان دى معرفش فيه حد بيجيبها مصر ام لا .. يمكن علشان كده موش بينفذوا ليك طلبك
فيه طريقه تانيه بينفذوها بره مصر .. اختبار باستعمال غاز البروبان ( موش غاز البيوتان ) .. بس فيها خطوره على ما اعتقد و بينفذها ميكانيكى محترف
و فى طريقه عن طريق استعمال جهاز الاعطال .. دى مؤكده 100% بس بشرط تسريب الفاكيوم يكون بسيط ( موش تسريب ضخم )
فيه حاجه اسمها STFT و حاجه اسمها LTFT
لو مفيش تسريب فاكيوم .. يبقى قراءه LTFT حتكون فى حدود الصفر او 2% او 3%
لو فيه تسريب فاكيوم .. ملخص الطريقه انه بيستعمل قراءه او منحنى LTFT ) Long Trim Fuel Trim ) مع قراءه او منحنى عدد لفات الموتور
لو فيه تسريب فاكيوم .. المفروض مع زياده عدد لفات الموتور تدريجيا يبدأ رقم LTFT فى الانخفاض تدريجبا .. عند النزول بلفات الموتور الى السلانسيه يبدأ رقم LTFT فى الارتفاع تدريجيا الى قيمته السابقه
اقرأ الرد ده لتفسير الطريقه بتفصيل اكبر
http://www.nilemotors.net/Nile/3876099040-post60.html
و اقرأ من صفحه 5 و 6 و 7 لو عايز تعرف زياده عن الموضوع ده
http://www.nilemotors.net/Nile/490769-a-5.html
مين في مصر هيعرف يعمل الكلام ده ع الجهاز الا القليل
من واقع خبرتي على مواقع التواصل الاجتماعي (الفيس / و المنتديات) للسيارات في مصر الصناعية ، معظم الصنايعية اللي حتى متخصصين بيشتغلوا في كل العربيات و ما فيش تخصص ، و الواحد منهم تلاقيه اتجرأ على عربية فولكس مره و مشيت معاه زي الفل ، راح فاتح محل لصيانة فولكس
الا طبعا القليل و ده يمكن 1 او 2 و الباقي كله ميكانيكي على ما تفرج
انا بس كل اللي بيقهرني اصحاب العربيات اللي اللي بتضحك عليه و اللي بيدفع دم قلبه و بردوا ما بيوصلش للنتيجة المطلوبة ، علشان البيه الميكانيكي بيشغل دماغه شوية .
معظم الاجهزه فيها قراءه ltft كرقم ( موش لازم المنحنى )
حيشوف قراءه رقم ltft ..
- لو الرقم ده صفر او قريب من الصفر 2% او 3% او .. يبقى مفيش تسريب فاكيوم
- فى حاله وجود تسريب فاكيوم حيكون فيه زياده عن الصفر ( و لنفرض مثلا 15% او 20% ) .. بس بشرط تحقيق الاختبار الاتى
الاختبار :
حيزود بنزين و يثبت رجله على 2500 او 3000 لفه مثلا لمده دقيقه .. و يراقب رقم ltft على الجهاز بينزل قريب من الصفر ام لا .. يعنى مثلا يصبح 2% او 3% او حتى 5% .. ( او حتى بينزل بطريقه ملحوظه ام لا .. ده فى حاله تسريب فاكيوم كبير شويه )
و بعدين حيشيل رجله و يخلى العربيه سلانسيه .. و يشوف لو رقم ltft ابتدأ يرجع يعلى تانى لقيمته السابقه .. لو ده حصل يبقى فيه تسريب فاكيوم