استشااااااره هااامه.. اول عربيه ليا.. مساعده ياريت

اول موضوع ليا في افضل موقع سيارات في مصر وليا الشرف
عشان مطولش علي حضراتكم انا في حيره رهيبه
باختصار انا كل الي معايا اول عن آخر 53 الف ج وانا محتار عشان اجيب اول عربيه ليا.. فكرت ف لانوس وفيرنا وكريستاله بس اتضح عشان اجيب حاجة نضيفه لازم ازود شويه كمان وكده مش هيبقي معايا جنيه.. ف انا دلوقتي حطيت حسابي ع انه العربيه مابين 35000 ل 45 الف.. ومحتار بين السيينا والستروين الاكسارا وان وممكن ستروين zx.. ولو رشحت مع الاختيارات الي فاتت دي سبرنزا 516 يبقي رائيكم ايه.. مع العلم اني مش حابب الاكسنت اوي بصراحه
ياريت تفيدوني اهل المنتدي الكرام.. دي اول عربيه ليا وانا عايز حاجة كويسه تستحمل معايا

اهلا بيك معانا في المنتدي
نصيحه طالما اول عربيه ليك يبقي ابعد عن الاوروبي علشان هتكون موديلات قديمه واتهلكت شغل
خليك في الكوري ، او صيني علشان الموديل العالي
اكسنت او سبرانزا 113 او 516
اهم حاجه تكشف علي العربيه كويس جدا
بالتوفيق

اقتباس:

---

المشاركة الأصلية كتبت بواسطة bluemail

اهلا بيك معانا في المنتدي
نصيحه طالما اول عربيه ليك يبقي ابعد عن الاوروبي علشان هتكون موديلات قديمه واتهلكت شغل
خليك في الكوري ، او صيني علشان الموديل العالي
اكسنت او سبرانزا 113 او 516
اهم حاجه تكشف علي العربيه كويس جدا
بالتوفيق

---

الف شكر لرد حضرتك.. طب ماهو ع نفس القياس بردو اكسنت موديل 2000 هتكون اتهلكت شغل
ايه الوحش ف اكسارا وان مثلا او زاد اكس لو حاله نضيفه
وال 516 هتبقي مناسبه ليا ع اساس انها عريضه

الاكسارا أحسنهم توكل على الله واشتريها وخاصة لو اكسارا 2 لو عايز اوتوماتيك او إكسارا 1 بس تكون مانيوال واحرص انك تجيب حاجة نمره 1 حتى لو حتدفع أكثر والله الموفق

التلات عربيات هيتعبوك خاصة انها اول عربيه ليك. هات عربيه حاجاتها رخيصه وكل الميكانيكيه يعرفوا يشتغلوا فيها. اكسنت ماشى او اسبرانزا