محتار فى سيارة فى حدود من 110000 الى 135000

**Mohamed478** · 03-10-2016 06:24 AM

يا اعضاء المنتدى الكريم كنت عاةز منكم النصح لو حبيت ابيع عربيتى اوبترا و اشترى عربية فى حدود 1100000 الى 135000 مع مراعاة انى عاوز بعض المواصفات فيها اهم حاجة ان تكون عفشتها ناعمة و مريحة فى المطبات علشان خاطر انا بسوق كتيرر فى اليوم و خايف على العمود الفقرى بشدة تانى حاجة تبقى واسعة مش ضيقة تالت حاجة قطع غيارها مش تبقى غالية عاوزها فى الوسط يعنى قطع الغيار لا تبقى غالية جدا و لا رخيصة رابع حاجة تبقى سريعة فى السحب و الجرى و موفرة و ياريت لو فيها وسائل امان و تبقى عالية عن الارض علشان معظم مشيي بالعربية فى الاقاليم و المطبات بتقى عالية و تبقى عربية عملية علشان انا بمشى يوميا 150 الى 200 كيلو و نصهم مطبات و نقر و تكون ثابتة فى الملفات و مطبات الهوا زى ما قولنا اهم حاجة مريحة فى المطبات انا بصراحة محتار بين سيفيك 2007 و فولكس و بى ام 2001 و سكودا 5 و لانسر شارك و الينترا الشكل الجديد و لو فية اى اقتراح ياريت لو تعرضوة عليا و لا ادفع الفلوسى دى مقدم و اجيب عربية جديدة و لو كدة يبقى نوعها اية فيةالمواصفات دى و عند اعادة البيع مخسرش كتير يا ريت يا اهل الخبرة تفيدونا

تم النقل لقسم المقارنات
م ع 7

**Mohamed478** · 03-10-2016 03:35 PM

اية يا جماعة مفيش حد عندة معلومة او افادة انا عارف انة صعب كل المواصفات دى تجتمع فى عربية بس ممكن نلاقى اقرب حاجة للمواصفات دى مع التضحية بميزة او اتنين مع المحافظة على ميزة النعومية و العفشة المريحة فى المطبات ...

**Mohamed478** · 04-10-2016 05:59 AM

طب لو سمحتوا افضل موديل بى ام دبليو فى حدود 130000 اية هوة

**م/أحمد عبد الفتاح** · 04-10-2016 10:29 AM

لو مستعمل يستحسن تشوف لانسر كريستالة - ولازم وانت بتدور تتنازل عن بعض المطالب لان كل المطالب دى مش متوفرة حتى فى البى ام او المرسيدس بمعنى حتلاقى راحة وسحب والعربية ممكن تكون بتحك فى المطبات وقطع غيارها وصيانتها غالية جدا - وحتلاقى عربية قطع غيارها مش غالية بس مافيش سحب مثلا ولا اعتمادية وهكذا كل عربية ماشية فى الدنيا ليها مميزات وعيوب - واعتقد اهم حاجه عندنا فى مصر الاعتمادية علشان كده قلتلك اللانسر الكريستالة ممكن تحققلك مطالب كتير .

**م/أحمد عبد الفتاح** · 04-10-2016 10:33 AM

كمان لازم تراعى نقطة مهمة وانت بتشترى العربية وهى انك على الطريق باستمرار فيبقى العربية اللى معاك لازم تكون منتشرة وميكانيكية كتير بتشتغل فيها فى كل مكان علشان متتزنقش فى حته عالطريق ومتلاقيش لاقطع غيار ولا ميكانيكى يشتغل فيها وتضطر لحاجه من اتنين ياتشيلها على كساحة ياتجيب اى ميكانيكى يعك فيها ويبوظها اكتر .

**hamsik303025** · 08-10-2016 02:11 PM

الكورولا ال 2006 2004 2005 فيها تقريبا اغلب المواصفات اللي انت عايزها و ف نفس رنج الفلوس اللي بتتكلم فيها و البي ام 130000ج يبقي موديل 2001 2002 2003 e46 بس هي واطية شوية عن الكورولا ممكن تتعبك ف المطبات بس فيها بقية الميزات و اكتر و ربنا يوفقك لكل خير يارب

**scientist9508** · 09-10-2016 11:44 AM

المبلغ الذى معك لا يشترى إلا الصينى الجديد أما المستعمل فالإختيارات مفتوحه

**Kapoox** · 13-10-2016 06:40 AM

في الوقت ده تبعد عن حاجتين ..
القسط و الصيني ..

قدامك 4 أختيارات نصيحه مني متطلعش برا عنهم
بي أم من 2000 لحد 2004
أودي a4 أو a3 من 2004 لحد 2008
هوندا سيفك 2007-2008

هتسمع تعليقات كتيره على الأودي .. اللي يقولك قطع غيارها مش موجوده و اللي يقولك قطع غيارها غاليه أنسى كل الكلام ده
لو هتجيب ال a4 هي هي نفس حاجات الباسات بالظبط و بتركب في الاتنين ( الباسات نفس السنين )
عيبها الوحيد أنك لما تنوي تبيع هتقعد شهرين 3 .. غير كده عربيه بسم الله ما شاء الله
أهم حاجه تبعد عن الأودي الdsg

دول أفضل اللي بالسعر ده ..